THUPHUAN 17
17
Hlotlau Hmingthang Nu
1Cen hlengte pasarih a awhtu vancungmite pasarih lakai pakhat i hnenah kawi ai, “Kawi tulai runpui tampui hiangah tohhnak khuapui, hmingthang hlotlaunu heh zaibangin cawhhnak tawk tuh i, ti na hmuh tuh ing.#Jer 51:13 2Laivum kumpibawite amah thawn nupa sualhnak bawn tlang ai laivum mite inkhai amah ai tisa riam sualhnak cabitti ding tlang manin ri tlang sek i,” tiin ti i.#Isa 23:17; Jer 51:7
3Rauhla in i zel ai vancungmi in hampalak ah i fehpui i. Ciata ah sahrang san vumah nupang pakhat a to hmu ing; ciami sahrang taksa pumpuhluk ah Pathian zohsuamhnak hming tampui ngan ai ciami sahrang tu lu pasarih le ki pahra nai i.#17:3 #Thup 13:1 4Ciami nupang in a mepian san le pon sannum in thuam ai hlawnthil sui le tikep lung le lungmankhung dangdang in a taksa dim sio i. A kut in sui khuat pakhat awh ai ciami khuat tu a taksa riam sualhnak thil mitsih mawi lo le ningdulkul in dim i.#Jer 51:7 5A calpang ah hming pakhat ngan ai a sullam thup nai i. “A thawmlian Babylon, hlotlau hmuahhmuah le misual ningrim hmuahhmuah ai nu,” tihnak i. 6Ciami nupang tu Pathian mithiangte ai thisan le Jesuh rinsan manin rek a tuartute ai thisan a ding manin ri i, ti hmu ing.
Ciami nupang i hmu fangin ngaih i tam ngai i. 7Ciafangin vancungmi pakhat in, “Zaimanin ngaih na tam heh i? Nupang ai sullam thup le nupangnu a tohnak sahrang lu pasarih le ki pahra a naimi sahrang ai sullam thup heh na rel tuh ing. 8Hemi na hmuhnak sahrang tu a nung awng napui tun tu nung nawn lo i; tawpnailo khur songin suak tuhai hnawmralhnak ah feh lan tuh i. Laivum sem hlan in nunhnak laibu songai hming ngan lo mite in ciami sahrang sik tlang fangin ngaihsunur tlang tuh roh i. Nung awng napui tun tu nung nawn lo i; inapui suak leh tuh i.#Dan 7:7; Thup 11:7; Saam 69:28
9“Fimhnak le linghnak nai kul i. Lute pasarih tu nupang a tohnak mualte pasarih i.#17:9Tlang pasarih tihnak hehRom khua sawh nuam tin sanghnak um i. Kumpibawite pasarih khai i.#17:9Kumpibawi pasarih tihnak heh Rom Emperor a ti nuamhnak i; inapui aisuber i ni, ti fiang niu in lingkhim thil lo i. 10Ciami kumpibawite pasarih lakah pangate tu tlu tlang zo i; pakhat in uk lai i; a dang pakhat tu hleng lai lo i. A hleng fangin can comniu ian uk tuh i. 11Nung awng napui tun tu nung nawn lomi sahrang tu kumpibawi pariathnak i; kumpibawi pasarih lakai a telmi i ai hnawmralhnak ah a hleng tuhhnak mi i.
12“Kite pahra na hmuhnak tu ram uk a pan lai lotu kumpibawite pahra i; ikhalselai anite tu sahrang thawn nazi pakhat song uk tuhin thunaihnak pe tuh i.#Dan 7:24 13Amahte pahra in a huham le thunaihnak sahrang hnenah pe tuh heh amahte tumtekhnak ṭen i. 14Anite in Tuufa tawng tlang tuh i; ikhalselai Tuufa le amah ai a komi, a rilmi le amah a rinsantute in neh tlang tuh i, zaimantifangin Tuufa tu bawi hmuahhmuah lakai Bawi ber, kumpibawi hmuahhmuah lakai Kumpibawi ber i,” tiin i rel i.
15Cen vancungmi in, “Hlotlau nu ai tohnak ti na hmuhnak tu miphun cang, hin cang, ram cang le pong cangcang i. 16Na hmuhnak kite pahra le sahrang in hlotlau nu heh hua tlang tuh i; a naihnak thil hmuahhmuah sut tlang tuhai a kawngkolh in zam tlang tuh i; a sa ai tlang tuhai mai in tai tuh i. 17Pathian tumtekhnak bawnsuak tuhin Pathian in amahte thinlung songah bawn hiamhnak thinlung dah i. Ciamanin thinkhat niu in naper tlang ai Pathian thu a khim hlan song amahte ram ukhnak huham tu sahrang hnenah pe i. 18“Na hmuhnak nupang tu laivum kumpibawite a uktu khuapui tampui i,” tiin ti i.
Currently Selected:
THUPHUAN 17: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
