THUPHUAN 16
16
Pathian Thinrawhnak Hleng
1Cen biakinn in aw cawm ngai za ai vancungmite pasarih hnenah, “Feh tu ilai Pathian thinrawhnak hleng pasarihte heh laivum ah bung tu ih! tiin ti i.
2Pakhathnak vancungmi feh ai a hleng heh laiah bung i. Sahrang hnikhnaihhnak a naitu le sahrang lim a biatute taksa vumah a kihkul le a ur thai roh masia po i.#Luat 9:10
3Cen vancungmi pahnihhnak in a hleng heh tifingriat vumah bung i. Ti tu mithi luang ai suakhnak thithu bangtluk cang ai tifingriat songai a nungmi hmuahhmuah thi sek i.
4Cen vancungmi pathumhnak in a hleng tu runti le cirhti vumah bung ai ti tu thisan ah cang sek i.#Luat 7:17-21; Saam 78:44 5Ti vumai thunaitu vancungmi in, “Hemi na thukhanhnakte tu a dikmi i, Aw a thianghlimmi, tunai a ummi le hlanah khai a um zomi Pathian! 6Mithiangte le prophette thisan suah manin ding tuhin thisan na pehnak heh ding tlak hrimhrim i,” tiin ti i. 7Hibawl hmunin aw pakhat za ai, “Bawipa Hmualnaiber Pathian! Na thu relcathnak heh a dikcangmi i!” tiin ti i.
8Cen vancungmi palihnak in a hleng heh ni vumah bung ai minung kang tuhin thupe i. 9Ni sa in kang manin minungte in he cawhhnak vumai thunaitu Pathian hming khiah siatcam tlang dekdo i. Ikhalselai amahte sualhnak in sir tlang lo ai Pathian khai thangphathnak pe cuanglo i.
10Cen vancungmi a pangahnak in a hleng heh sahrang ai a bawi tohkham vumah bung i. Sahrang ai ukhnak khuahacang ah khuathimpui tlung ai minungte tu a tuarhnak a roh ze manin amahte lai ngeu tlang dekdo i.#Luat 10:21 11Amahte ur tuarhnak hmaihma manin vancung Pathian heh cukcam tlang i. Ikhalselai amahte thilsual bawnhnak sir tlang cuanglo i.
12Cen vancungmi parukhnak in a hleng heh Euphrates runpui vumah bung i. Runpui ti kang sek i; ciami tu nisuah lamin a hleng tuhhnak kumpibawite caah lampui hongtu i.#Isa 11:15 13Cen sumphurh bang rauhla ningrim pathum hmu ing. Rulhreng ka song le sahrang ka song le prophet khel ka songin a suakhnak tepawl i. 14Ciamite tu larruaihnak lianpui a bawntu khuasia rauhlate i. Ciami rauhla pathumte tu vak tlang ai laivum kumpibawi hmuahhmuah hmunkhat ah fehpui i. Ciatihin a fehpuihnak tu Hmualnaiber Pathian ai Ni songlawi nia ah raltawng tuhin i.
15“Sik tu! Ruko bangin kawi tuh ing. Mizapui hmaiah kawngkolh le zakthikul um tuh loin mitmu loniu in iang ai a hnikpon a kilkhawltu heh mihmuifu i.” tiin Bawipa in ti i.#Mat 24:43-44; Luk 12:39-40; Thup 3:3
16Cen rauhlate pathum in kumpibawite tu Hebrew pong in Armageddon#16:16Armageddon tihnak heh Hebrew in “Megiddo Tlang” ti ca i, inapui ciami tlang hming tu kin Lai Thianghlim songah um lo i. (2Kum 23:29; Zec 12:11) ah sik tu. tihnak hmunah fehpui i.#2Kum 23:29; Zec 12:11
17Cen vancungmi pasarihhnak in a hleng heh hli lakah bung ai kumpibawi tohkham umhnak biakinn songin aw pakhat thang ai, “Bo zo i,” tiin ti i. 18Ciafangin vantlingtleleuh zutzo i, khuari dumdo i, tlektla dekdo ai tihikkul in hlinhlin i. Minung um hampan in ciabangtluk hlinhlin um awng lo i. Hlinhlin hmuahhmuah lakah a roh ber i.#Thup 8:5; 11:13, 19 19Khuapui lian ngai tu seuthum in khoi ai khuapui hmuahhmuah khai siatsuah sek i. Pathian in a thawmlian Babylon tu hai lo ai a khuat ai a thinrawhnak cabitti dingruai i.#Isa 51:17 20Tikulh hmuahhmuah pai sek ai mual hmuahhmuah khai pai sek i.#Thup 6:14 21Rial lian ngaingai, pakhat ah pawng zakhat tian a ritmi van in minung vumah tla i. Ciatihin cawhhnak tuar tlang manin mi in Pathian cukcam tlang i, zaimantifangin amahte tuarhnak ursia tu a tihikkul ze i.#Luat 9:23; Thup 11:19
Currently Selected:
THUPHUAN 16: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
