THUPHUAN 15
15
Vancungmi Le Ursia Hnuataber
1Cen van ah a dang multingkul le a thawmlian ngai hmuhhnak nai lala ing. Vancungmite pasarih in ursia pasarih keng tlang i; he ursia tu a hnuataber cawhhnak ihang, zaimantifangin Pathian thinraw a larhnak hnuataber i.
2Cen i sik fangin mai thawn a roihhnak hlalang, tifingriat bang hmu ing. Ciahlaiah sahrang le a lim ituseh, a nambat aiawhtu ituseh, a nehtute khai ituseh hmu ing. Ciami nehtute tu hlalang tifingriat kamah ding tlang ai Pathian pehnak congcing awh tlang i. 3Pathian ruaihtu Moses ai la le Tuufa ai la hetihin sa tlang i:
“Bawipa, Hmualnaiber Pathian,
na thil bawnhnak tu zaitluk
ngaihtamkul i.#Luat 15:1
Miphun hmuahhmuah ai kumpibawi,
na lampui tu zaitlukin dikcang i.
4 Bawipa, nangmah na kihzah lotu
aisu um tuh i?
Na thawmlian zia a phuang lotu
aisu um tuh i?
Nangmah ian na thianghlim i.
Miphun hmuahhmuah na hnenah
kawi tlang tuhai na bia tlang tuh i.
Zaimantifangin a dikmi
na thil bawnhnak tu
mi zongzong in
hmu tlang zo i.” #Jer 10:7; Saam 86:9
5Cia hnuaah vancung ah biakinn dawng hong cia hmu ai a songah Ponhlam Cianghlim khai hmu ing.#Luat 38:21 6Ursiate pasarih a awhtu vancungmite pasarih ciami biakinn songin suak tlang i; anite tu pon ngo tleu ngai thawn thuam ai sui kangkhap thawn amahte kang khap tlang i. 7Cen nunghing pali lakah pakhat in kumzangza in kumzangza tian a nungmi Pathian ai thinrawhnak in a dimmi sui hleng pasarih tu vancungmi pasarihte hnenah pe i. 8Biakinn tu Pathian ai huham le songlawihnak maikhu in dim ai vancungmite pasarih in awhhnak ursia pasarih a lawm hlanah aisu khai biakinn songah lut thil lo i.#Luat 40:34; 2Kum 8:10-11; 2San 5:13-14; Isa 6:4
Currently Selected:
THUPHUAN 15: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
