MIPUM SIARHNAK 26
26
A Vel Hnih Mipum Siarhnak
1Ursia a lawm hnuaah, Bawipa in Moses le Aaron ai fapa Eleazar hnenah, #Mip 1:1-46 2“Israel mizapui, kum kul le a vum lam, ralkap naṭuan a tlingmi hmuahhmuah innsang pakhat hnua pakhat mipum siarhnak bawn tlang tuh i si,” tiin ti i. 3-4Bawipa thupehnak heh Moses le Eleazar in hlun kawm ai kum kul le a vum lam pasal hmuahhmuah hmunkhat ah kokhawm tlang i. Jericho hiang, Jordan run ral ai Moab zawllai ah taikhawm tlang i.
Egypt ram an a suakmi Israel mite tu a hnia lamai bang i:
5Reuben phunnam songin (Reuben tu Jacob ai fapa upa ber i): Hanock, Pallu, 6Hezron le Karmi hinte i. 7Hemi hinte songah minung thawng sawmli thawng thum za sarih le sawmthum khim i. 8Pallu ai tesinfate tu Eliab le, 9a fapate Nemuel, Dathan, le Abiram i. Hemi Dathan le Abiram tu mizapui rilhnak i. Moses le Aaron thu el ai Bawipa tawngcai fangin Korah hnuahlunte lakah tel kawm ve i. 10Amahte ding hmun laipua kak ai thon sio i. Cen mai in minungte zahnih le sawmnga a kang fangin Korah le a hnuahlunte hnenah thi kawm i. Mizapui ca ralringruaihnak ah cang i. 11Ikhalselai Korah ai fapate tu thi lo i.
12Simeon hin in Nemuel, Jamin, Jakhin, 13Zerah le Shaul hinte i. 14Hemi hinte songin minung thawng kul hluanhnih le zahnih khim i.
15Gad hin in Zephon, Haggi, Shuni, 16Ozni, Eri, 17Arod le Eri hinte i. 18Hemi hinte songin minung thawng sawmli le za nga khim i.
19Judah hin in (Judah ai fapate lakin pahnih; Er le Onan, tu Canaan ramah thi kawm zo i): 20Shalah, Perez, Zerah, 21Hezron le Hamul hinte i. 22Hemi hinte songin minung thawng sawmsarih thawng ruk le za nga khim i.
23Issakhar hin in Tola, Puah, 24Jashub le Shimron hinte i. 25Hemi hinte songin minung thawng sawmruk thawng li le za thum khim i.
26Zebulun hin in Sered, Elon le Jahleel hinte i. 27Hemi hinte songin minung thawng sawm ruk le za nga khim i.
28Joseph hin songin fapate pahnih Manasseh le Epharaim i.
29Manasseh hin in Manasseh ai fapa Machir tu Gilead ai pa i ai a hnia lamai hinte tu Gilead ai senhnak i. 30Iezer, Helek, 31Asriel, Shechem, 32Shemida le Hepher hinte i. 33Hepher ai fapa Zelophehad in fapa nai lo i: fanu lek nai ai amahte hming tu Mahlah, Noah, Hoglah, Milcah, le Tirzah i. 34Hemi hinte songin minung thawng sawmnga thawng hnih le za sarih khim i.
35Epharaim hin in Shuthelah, Bekher le Tahan hinte i. 36Eran hin tu Shuthelah nam i. 37Hemi hinte songin minung thawng sawmthum thawng hnih le za nga khim i. Hemite tu Joseph ai tesinfa, amahte hin ṭen ai sentute i.
38Benjamin hin in Bela, Ashbel, Ahiram, 39Shephupham, le Hupham hinte i. 40Ard le Naaman hinte tu Bela nam i. 41Hemite tu Benjamin ai tesinfa songin amahte hin ṭen in sentu i ai; minung thawng sawmli thawng nga le zaruk khim i.
42Dan hin in Shuham hin i. 43Dan ai tesinfate tu minung thawng sawmruk thawng li le za li khim i.
44Asher hin in Imnah, Ishvi, le Beriah hinte i. 45Heber le Makhiel hinte tu Beriah senhnak i. 46Asher in Serah tihnak fanu pakhat nai i. 47Hemite tu Asher tesinfate i ai amahte hin songah minung thawng sawmnga thawng thum le za li khim i.
48Naphtali hin in Jahzeel, Guni, 49Jezer le Shillem hinte i. 50Hemite tu Naphtali tesinfate i ai amahte hin songin minung thawng sawmli thawng nga le za li khim i.
51Israel mite pasal hmuahhmuah amahte veksen in ting ruk thawng khat za sarih le sawmthum um i.
52 Bawipa in Moses hnenah, #Mip 34:13; Jos 14:1-2 53“Amahte tam le tlawm sik in he ram heh hemi hinte zem tu. 54-56Ram khiah camciafung duk in khan tulai ram kau deuh heh mi tam deuh hin hnenah pe tulai ram fip deuh khiah mi tlawm deuh hin hnenah pe tu,” ti i.
57Levi hin in Gershon, Kohath, le Merari hinte i. 58A dang Levi hinte tu Libni, Hebron, Mahli, Mushi le Korah senhnak i. Kohath tu Amram pa i ai, 59Amram in Egypt ramai a suaktu Levi ai fanu Jokhebed hoi i. Cen Jokhebed in fapate pahnih Aaron le Moses le a fenu Miriam cawi i. 60Aaron in fapate pali nai ai Nadab, Abihu, Eleazar le Ithamar i.#Mip 3:2 61Nadab le Abihu tu Bawipa hnenah a thianghlimlo hibawlhnak pe manin thi kawm zo i.#Sua 10:1-2; Mip 3:4 62Levi mite tu pasal hlakhat le a vum lam a veksen in thawng kulhluan thum um i. Levi mite tu Israel ram songah ram covo pehnak i ve lo manin Israel midangte thawn rawi loin a dangniu in mipum siarhnak i.
63Hemi hinte hmuahhmuah Moses le Eleazar in Jericho hiang, Jordan Run ral Moab zawllai ah Israel mite mipum siarhnak a bawn fangin hmingkhum mite i. 64Moses le suangbawi Aaron in Sinai Nelrawn ah mipum siar awng lai ai minungte tu pakhat khai tang lo ihang. 65Bawipa in amahte veksen in hampalak ramkhing ah thi tuh sio i, a ti awnghnak bangin Jefunneh ai fapa Kaleb le Nun ai fapa Joshua siarlo, thi sek ngaingai i.#Mip 14:26-35
Currently Selected:
MIPUM SIARHNAK 26: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
