MIPUM SIARHNAK 12
12
Miriam Cawhhnak Tuar I
1Hazeroth ai a um laiah, Moses in Cush nupang nu hoi i; ciamanin Miriam le Aaron in Moses heh mawhhluk kawm i. 2Anite in, “Bawipa tu Moses hnen lekin thu rel im? Kinmah hnenin khai rel thil ve lo im?” ti kawm i. Ciatihin a ti khiah Bawipa in za sio i. 3Moses tu mi thinnem i ai lailung vumah amah bangin mi thinnem aisu khai um lo i.
4Cammalak ah Bawipa in Moses, Aaron le Miriam hnenah, “Ning pathum in i umhnak Ponhlam ah kawi tucuk ih,” tiin ti i. Anite khai feh tlang ai, 5Bawipa tu mairo zual songin lar ai Ponhlam dawngkham ah ding ai, “Aaron! Miriam!” tiin ko i. Anite pahnih khai hmaiah suak kawm ai, 6Bawipa in, “I ponghnak phatak ngai in ngai tu ih. Ningmah lakah prophet a um fangin amahte hnenah larhnak in lar ai amahte mang ah thu rel ing. 7Ikhalselai Moses tu i miphun Israel mite kilkhawltu tuhin ṭuanvo i pe manin, #Heb 3:2 8ani hnenah tu hmaiton rori in pong de ing; polh fawm in pong de lo ing; fiang ngai le tluang ngai in pong de ing. I pianzia rin i hmu zo i. Ciatluk ai i minung Moses heh akontih in mawhhluk ngam kawm i si? tiin ti i.
9 Bawipa tu amahte vumah a thinraw kongin feh leh i. 10Cen mairo heh Ponhlam in thawn ai, cia sawngpah in Miriam khiah phar lio ai a vun heh vur bangin ngo sio i. Aaron in Miriam heh a sik fangin phar ur in dim sio i ti hmu i. 11Ciafangin Aaron in Moses hnenah, “I bawipa, ning i hio tulai, mivoidan in thilsual bawn zo napui khal ingkhaw kin sualman heh kin tuar siang hram malaw. 12A thi cia in te ai a taksa hrek hmon cia nauniu bangin Miriam heh cangruai hram malaw,” tiin ngen i.
13Ciafangin Moses in Bawipa ko ai, “Aw Bawipa, ninghio niu in Miriam heh cakruai tu hram law,” tiin ngen i.
14 Bawipa in, “Santehhnak ah a pa in a fanu hmaiah cil thuih selai, ni sarih song zakthi in um tuh ilo im? Ciatih bangin ning riahbuk pualam ah Miriam heh ni sarih song suah tu ih, cia hnuaah lang lehsal tu ih,” tiin ti i.#Mip 5:2-3 15A ti bangin Miriam heh riahbuk pualam ah ni sarih song suah ai a lang lehsal hlanlo mizapui khiah thawn loin um tlang i. 16Cia hnuaah Hazeroth hmun an suak ai Paran hampalak ramkhing ah riahbuk zar tlang i.
Currently Selected:
MIPUM SIARHNAK 12: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
