MIPUM SIARHNAK 13
13
Micultute
(Danp 1:19-33)
1 Bawipa in Moses hnenah, 2“Israel miphunte hlaihnih songin phun khat ah konghoitu pakhat ṭen in ril tulai i pe tuhhnak Canaan ram sik tuhin le a cul tuhin hlat tu,” tiin ti i. 3Bawipa ai thupeciahnak bangin Moses in bawn ai a hnia lamai Israel mite lakah konghoitute tu amahte riahbuk Paran in hlat i.
4Reuben hin in Zakkur ai fapa Shammua,
5Simeon hin in Hori ai fapa Shaphat,
6Judah hin in Jefunneh ai fapa Kaleb,
7Issakhar hin in Joseph ai fapa Igal,
8Epharaim hin in Nun ai fapa Hoshea,
9Benjamin hin in Raphu ai fapa Palti,
10Zebulun hin in Sodi ai fapa Gaddiel,
11Manasseh hin in Susi ai fapa Gaddi,
12Dan hin in Gemalli ai fapa Ammiel,
13Asher hin in Michael ai fapa Sethur,
14Naphtali hin in Vophsi ai fapa Nahbi,
15Gad hin in Makhi ai fapa Gsuel i.
16Hemite tu Moses in Canaan ram sik tuhin a hlat mite i. Nun ai fapa Hoshea tu Joshua tiin Moses in thleng i.
17Ciatihin Moses in a hlat fangin anite hnenah, “Canaan ram song hlang lamah feh tu ilai, cia hnuaah tlangram ah feh tu ih. 18Amahte ram tu ziang ang ram i, minung zaizah um i, a umtute tu mihat i maw ilo, ti pawl phaniu in zingzoi tu ih. 19A ram khiah ram pha maw pha lo, tiin le minungte tu khuatenau ah maw vingpui ai kulhhnak khuapui ah um i, ti pawl; 20cen a ram khiah laipua pha maw, cen tupui tang um maw, ihlahle lenpal tam maw, ti pawl phaniu in sik tu ih. Cen cia ramai thaihnak thingthai hrekkhat heh kin tlut tu tengteng ih,” tiin thucah i. Ciami can heh cabit thai hmin pan camcu i.
21Israel konghoitute tu feh ai Canaan ram sik tlang i. A ram hlang lamai umhnak Zin tihnak nelrawn in sak lamai Hamath tlangkawn hiangai Rehob tian feh tlang i. 22Ciata in feh lala ai Anakim tihnak miham puipui pawl nam Ahiman, Sheshai le Talmai ai songkhatte umhnak Hebron khua hleng tlang i. Hebron tu Egypt ramai Zoan khua sat hlan kum sarih kum ah sathnak i. 23Cen Eshkhol phairawn ah hleng tlang ai cabit bawr khat heh a kha in tan ai a rit ze manin minungte pahnih in tokrolh thawn zawng kawm i. Tale le thaihmin khai loih ai phur tlang i. 24Ciami hmun heh Israel konghoitute in cabit bawr khat sathnak hmun imanin Eshkhol#13:24Eshkhol tihnak tu Hebrew in Cabit bawr tica i. phairawn tiin a hming bawn i.
25Canaan ram heh ni sawmli song a sik tlang hnuaah, 26Moses le Aaron le Israel mizapui umhnak Paran nelrawn amahte riahbuk Kadesh ah hleng tlang i. Amahte hmuhnak hmuahhmuah heh rel ai amahte phurhnak thingthaite khai hmuh tlang i. 27Moses hnenah, “Sik tuhai na kin hlathnak ram heh sik tlang ai hnawiti le khoitizu ai dimmi ram i. Thingthaite khai heta ah tlun i ing. 28Ikhalselai cia ramai umtute tu mi thahat bikbik i. Amahte khuapui khai a lian puipui i ai ving in kulhhnak fekfek i. Ciahlaiah tlami bangin miham rohroh khai hmu i ing. 29Amalech mite tu cia ram hlang lamah um tlang i. Hit mite, Jebus mite le Amor mite tu tlang vum ramah um ai Canaan mite tu Mediterranean tifingriat hiangah le Jordan runpui hiang dunghlun ah um i,” tiin rel tlang i.
30Cen Moses hmaiah mizapui tu phuncam tlang murhmo i. Ciafangin Kaleb in dap tuhin a ti hnuaah, “Ciamite tu tun rori in tawng tuhai a ram khai long tuh ising. Amahte neh tuhin kin hat ngai pam i,” tiin ti i.
31Ikhalselai Kaleb thawn a fehtu ve Israel konghoitute in, “I lo i, anite tawng tuhin kin hat lamlam lo i, kin tahin anite hat sawn rohroh i,” ti tlang i. 32Ciatihin amahte sikhnak ram thu heh Israel mizapui hnenah thinnau thai in le a dik lo sawn in rel tlang i. Anite in, “Kin culhnak ram tu amahte ram song mite rin a thontu sio ram i. 33Kin hmuhnak minung hmuahhmuah khiah miham le mi kawngsang rohroh i ai Anak ai tesinfate salawn tu tlami tiatia rori i. Kin tu amahte hnenah khokhuak tia dung ising ai anite in kin hmu fangin khai cia tiatia tuh pah ising,” tiin ti tlang i.#Sem 6:4
Currently Selected:
MIPUM SIARHNAK 13: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
