SUANGBAWI LAIBU 15
15
Taksa Song In Hnai Suakhnak
1 Bawipa in Moses le Aaron hnenah a hnia lamai dante heh, 2Israel mite in hlun tuhin pe i. Mi pakhatkhat in a zahmawh songin hnai suak lekhaw a cianghlimlo i. 3Catloin suak ituseh, a pit leh inkhai ituseh, ciami pa tu a cianghlimlo i. 4A tohnak, ihlahle a ithnak khuahluan heh cianghlimlo i. 5Ciapa khuahluan heh mi pakhatkhat in tong ngah, 6ihlahle a tohnak ah to ngah lekhaw a daitu, ihlahle a totu in a hnikpon sawpciang sio in takhlu tu selai cia nia tu zan lam tianin a cianghlimlo i. 7Hnai suak pa heh mi pakhatkhat in dai ngah lekhaw a daitu in a hnikpon sawp tuh sio ai takhlu tu selai cia nia tu zan lam tianin mi cianghlimlo ah cang tuh i. 8Hnai suak pa in cianghlimlohnak zaikhai a nai lomi pakhat vumah a cil thuih ngah lekhaw ciami pa heh a hnikpon sawp tuh sio ai takhlu tu selai cia nia heh zan lam tianin mi cianghlimlo ah cang i. 9Hnai suak pa tohnak siphuh kung, ihlahle tohkham heh a cianghlimlo i. 10Hemi pa ai tohnak thil hmuahhmuah a daitu heh zan lam tianin cianghlimlo i. Hemi pa tohnak a phurtu hmuahhmuah in amah ai hnikpon sawpciang tuh sio ai takhlu tu selai cia nia tu zan lam tianin mi cianghlimlo i. 11Hnai suak pa a kutte som hmasa loin mi pakhatkhat dai ngah lekhaw ciami pa in a hnikpon sawpciang tuhai takhlu tu selai cia nia tu zan lam tianin mi cianghlimlo ah cang i. 12Hnai suak pa daihnak lai bel tu seu tusek ilai thing hleng a daihnak heh som tuh i si.
13Hnai suak urhnak a lawm fangin ni sarih song cawlum hnuaah a hnikpon sawpciang tu selai tidap ciangfai in takhlu tuseh, Ciatihin mi cianghlim cang zo i. 14Ni riathnak nia ah khurote pahnih ituseh lailengte pahnih heh Thukham dahhnak Ponhlam dawngkham ah koih tu selai suangbawi hnenah pe tuseh. 15Suangbawi in vaniu pakhat heh sualhlat hibawlhnak hrang sel tuhai a dang pakhat tu maitai hibawlhnak hrangah sel tuseh. Ciatihin suangbawi in hnai suak pa ca thiangruaihnak bawt tuseh.
16Pasal pakhatkhat in a phuti suak lekhaw a ruang pumpui in takhlu tu selai cia nia tu zan lam tianin cianghlimlo i. 17Ciami phuti a farhnak, vori ai takhnak ituseh, savun ai bawnhnak ituseh, thilri hmuahhmuah sawpciang tuh sio ai zan lam tianin thilri cianghlimlo ah cang i. 18Nu le pa pawl dun hnuaah amahte pahnih in takhlu kawm tu selai cia nia tu zan lam tianin cianghlimlo i.
19Nupang in hlasiar ai nupangdan a nai fangin ni sarih song mi cianghlimlo i. Ciami nu a daitu heh zan lam tianin mi cianghlimlo i. 20Nupangdan a nai song a tohnak, ihlahle a ithmun heh cianghlimlo i. 21Mi pakhatkhat in a khuahluan dai lekhaw amah ai hnikpon sawpciang tuhai tak a hlu hnuaah zan lam tianin cianghlimlo i. 22Mi pakhatkhat in a tohnak pakhatkhat dai lekhaw amah ai hnikpon sawpciang tuhai takhlu hnuaah zan lam tianin cianghlimlo i. 23A khuahluan ituseh, a tohhnak pakhatkhat ituseh, dai lekhaw zan lam tianin cianghlimlo i. 24Nupangdan a nai song pasal thawn pawl dun lekhaw a pawltu pa khai mi ningrim ah cang ai ni sarih song heh cianghlimlo i; a ithmun khuahluan khai khuahluan cianghlimlo i.
25Nupang pakhat in hlasiar nupangdan a nai hlaiah ni tampui tianin thi nai lekhaw, ihlahle nupangdan kel tah tam in thi nai lekhaw, thi a nai song hmuahhmuah heh, nupangdan a nai song bang thotho in mi cianghlimlo i. 26Ciatihin nupangdan a nai song hmuahhmuah a ithmun le a tohnak khai thil cianghlimlo i. 27Ciami thilte a daitu heh mi cianghlimlo ai a hnikpon sawpciang tu selai takhlu tuseh; cia nia tu zan lam tianin mi cianghlimlo i. 28A nupangdan bo hnua ni sarih song sik rih tuhai cia hnuaah mi cianghlim cang tuh i. 29A ni riathnak nia ah khurote pahnih ihlahle lailengte pahnih lang tuhai Bawipa umhnak Ponhlam dawngkham ah a ummi suangbawi hnenah koih tuseh. 30Suangbawi in pakhat heh sualhlat hibawlhnak ah sel tuhai a dang pakhat tu maitai hibawlhnak ah sel tuseh. Ciatihin ciami nupang nu ai cianghlimhnak heh suangbawi in bawn sah tuseh.
31Israel mite ai cianghlimlohnak manin amahte riahbuk laiteng ai a ummi Bawipa umhnak Ponhlam ningrimtiar tuh lohnak Israel mite rel tuhin Bawipa in Moses ruai i. Ponhlam rimtiar ngaingai lekhaw thihhnak tawk tlang tuh i.
32Mi pakhat a zahmawh in hnai a suakmi, ihlahle phuti a suakmi, 33nupang pakhat hlasiar nupangdan a naimi, ihlahle mi pakhat nupang cianghlimlo thawn pawldunhnak thu ai hlun tuhhnak tu a vum lamai dante i.
Currently Selected:
SUANGBAWI LAIBU 15: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
