SUANGBAWI LAIBU 16
16
Remlehhnak Nia#16:0Remlehhnak Nia tihnak tu Sualhlat Nia ti khai thil i. Pathian in Israel mite sual a hlat nia tica i. Mirang in “Atonement” tihnak i; Hebrew in “yom hakkippurim” ti i: “yom” tihnak tu “nia” tica i ai, “kippur” tihnak tu “hlat sah,” “khuk sah” tica i. Tun san tianin Judah mite in “Yom Kippur” tihnak, rong ul in puai bawn ṭiode i. Sua 23:27; Mip 29:11 ah sik tu.
1 Bawipa hnenah a thianghlimlo maitai hibawlhnak sel kawm manin Aaron ai fapate pahnih a thi kawm hnuaah Bawipa in Moses hnenah hetihin rel i. 2“Na u Aaron heh phaniu in rel tulai ponzar hnua lamai Hmun Thianghlim Ber ah a lut can lek ah lut tuhhnak i, zaimantifangin cia hmun heh Thutiam Kuang sin vumah mairo songin i larhnak hmun i. I relhnak bangin hlun hlah lekhaw thi tuh rori i.#Heb 6:19 3Sualhlat hibawlhnak tuhin kawlpawcang niu le maitai hibawlhnak tuhin tuucang a koih hnua fang ian in Hmun Thianghlim Ber ah lut thil tuh i,” tiin ti i.#Heb 9:7
4Cen Bawipa in a hnia lamai dante heh pe i. Hmun Thianghlim Ber songai a lut hlanah Aaron heh takhlu tu selai a suangbawi thilthuam; angkifual mankhung, a songrukte, elpen le lupawng thuam tuseh.
5Israel mizapui in Aaron hnenah sualhlat hibawlhnak tuhin mecangte lu hnih le maitai hibawlhnak tuhin tuucang lu khat pe tuseh. 6Aaron in amah ai sualhlathnak le a innsangte ai sualhlathnak ah kawlpawcang lu khat in hibawlhnak ah sel tuseh. 7Cia hnuaah Bawipa umhnak Ponhlam dawngkham ah mecang lu hnih koih tuseh. 8Ciata ah, “Bawipa ca,” tihnak le “Azazel#16:8Azazel tihnak tu Hebrew ai a sullam tu a tlantu teu mei tiin sang i. Ikhalselai Lai Thianghlim thiam tam deuh in, “Nelrawn Khuasia hming,” i tiin sang tlang i. ca” tiin kherhnak lungtote pahnih in camciafung dukhnak bawn tuh i. 9Bawipa ca rilhnak mecang lu khat heh Aaron in sualhlat hibawlhnak hrang sel tuseh. 10Cen Azazel khuasia ca rilhnak mecang heh a nung in Bawipa hnenah sel tu selai, Israel miphun sualhlathnak tuhin nelrawn khuasia Azazel hnenah hlat tuseh.
11Aaron in amah ai sualhlathnak le a innsang ca sualhlat hibawlhnak kawlpawcang a sel fangin, 12puleng ai mailing vam hleng dim le rimhmui huam hnih lang tuhai Hmun Thianghlim Ber ah koih tuseh. 13Ciata ah Bawipa umhnak ah rimhmui tai tuhai rimhmui khu in Thutiam Kuang sin heh zel tuh i; ciatihin Thutiam Kuang sin heh hmu tuh lo ai thi tuh lo i. 14Kawlpawcang ai thisan hrekkhat lang tu selai a kut zungkawk in kuangsin ai hmai lam nak phiah tuseh; cen a hrekkhat tu Thutiam Kuang hmai lam nakah vel sarih tian phiah tuseh.
15Cia hnuaah Israel mite ai sualhlathnak hrang me ro tu selai a thisan heh Hmun Thianghlim Ber ah koih tuseh. Cen kawlpawcang thisan a phiah bangin ciami thisan heh Thutiam Kuang sin ah le a hmai lam nakah phiah tuseh.#Heb 9:12 16Ciatihin Israel miphun ai cianghlimlohnak le sualhnak in Hmun Thianghlim Ber heh cianghlimruai tuhin hibawlhnak bawn tuseh. A cianghlimlomi riahbuk a laiteng ah a um manin Aaron in Ponhlam heh ciatihin cianghlimruai tuseh. 17Cianghlimruai tuhin Hmun Thianghlim Ber ah Aaron lut ai a suak leh hlanlo aisu khai Ponhlam songah um maseh. Amah ca, a innsang ca le Israel mizapui caah cianghlimruaihnak a bawn sio hnuaah, 18Hmun Thianghlim Ber in suak tu selai maitai hibawlhnak hmunah puleng cianghlimruai tuhin feh tuseh. Kawlpawcang ai a thi hrekkhat le mecang ai a thi hrekkhat koih tu selai puleng vum a ning li ai a umhnak kite pali cingkim ah mat tusek seh. 19A kutzung in ciami thisan hrekkhat thawn puleng heh vel sarih tianin phiah tuseh. Ciatihin Israel miphun ai sualhnak songin puleng heh cianghlimruai tuhai a thianghlim ah cang leh tuh i.
Aiawhtu Mecang
20Aaron in Hmun Thianghlim Ber le Bawipa umhnak Ponhlam song hmuahhmuah le puleng khai cianghlimruai tuhin hibawlhnak a bawn ben fangin a nungmi mecang, Azazel ca tihnak tu Bawipa hnenah sel tuseh. 21Ciami me lu vumah a kutte pahnih in suan tu selai ciami lu vumah Israel miphun ai hnophnak, sualhnak le Pathian a tawngcaihnak hmuahhmuah phuang tuh sek ai ciatihin mecang vumah hlengruai tuh sek i. Cen amahte ruaihnak pa in mecang heh nelrawn ah hnawt tu teu seh. 22Amahte sualhnak hmuahhmuah mecang in aisu khai um lohnak nelrawn ah phur tuh sek i.
23Cen Aaron tu Ponhlam songah lut tu selai Hmun Thianghlim Ber song a lut hlanai a silhnak suangbawi thilthuamte heh hawk tuhai ciata ah dah tuseh.#Ezk 44:19 24Hmun Thianghlim ah takhlu tu selai amah ai hnikponte sil tuseh. Cia hnuaah suak leh tu selai Israel miphun ai sualhnak le amah ai sualhnakte hlathnak tuhin maitai hibawlhnak bawn tuseh. 25Sualhlat hibawlhnak sumhnam ai a thau heh puleng vumah tai tuseh. 26Nelrawn khuasia Azazel hnenai mecang hnawttu pa in Israel miphun umhnak hmunah a let hlanah takhlu hmasa tu selai a hnikponte sawpciang tuseh. 27Sualhlathnak tuhin a rohnak kawlpawcang le mecang, sualhlat hibawlhnak hrang amahte thisan Hmun Thianghlim Ber ah a koihhnak heh amahte riahbuk in hnarpua ah suahpui tuhai tai tuh i.#Heb 13:11 28Mai taitu pa tu riahbuk ah a let hlanah a hnikpon sawpciang tu selai takhlu tuseh. Cia ben fang ian in riahbuk ah let tuseh.
Remlehhnak Nia Uldan
29A hnia lamai dante tu a zomzet in hlun tuhhnak i. Hlasarih hla ni hra nia ah Israel mite hmuahhmuah le amahte lakai umtu ramdang mi heh rong ul tlang tuhai zaikhai per tuh lo i si. 30Cia nia ah amahte cianghlimhnak tuhin le amahte sualhnak hmuahhmuah in cianghlimhnak tuhin cianghlimruaihnak bawn tlang tuseh. 31Ciami nia tu ni thianghlim bik i tuh i; rong ul tlang tuhai aisu inkhai naper tuh lo i. Hemi dan heh kumzangza in hlun tuseh. 32A pa ai naṭuan sawngtu tuhin fel ngai in thaupawh mi le Pathian hnenah aphnak Suangbawi Sang in cianghlimruaihnak heh bawn tuseh, Suangbawi thilthuam sil tu selai, 33Hmun Thianghlim Ber, Bawipa umhnak ponhlam song hmuahhmuah, puleng, suangbawite le Israel mizapui a veksen ca cianghlimruaihnak heh bawn tuseh. 34Hemi dan heh hmai lam tian a zomzet in hlun tuh i si. Hemi cianghlimruaihnak heh Israel mite in amahte sualhnak hlat tuhin le cianghlimruai tuhin kum khat ah vel khat bawn tuh i si. Bawipa ai thupeciahnak bangin Moses#16:34 Moses tihnak tumrul in Aaronti khai i thai i. Hebrew Lai Thianghlim songah bawni ti lekin um i. in bawn sio i.#Sua 23:26-32; Mip 29:7-11
Currently Selected:
SUANGBAWI LAIBU 16: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
