JEREMIAH 11
11
Jeremiah Le Thutiamhnak
1 Bawipa in kaimah hnenah, 2“Hemi thutiamhnak songai thu heh phatak niu in ruat tu. Judah le Jerusalem mite hnenah rel tulai, 3he thutiamhnak ai thu bangin a hlun lotu vumah Bawipa, Israel ai Pathian kaimah in cukcamhnak hlengruai tuh ing. 4Hemi thutiamhnak tu a pu le pate thawn bawn awng ing. Amahte caah thir denghnak pummai thawn bang i ai Egypt ram an i hoisuak lai ai i bawnhnak thutiam i. Kaimah thu ngai tuhin le i thupeciahnak hmuahhmuah hlun tuhin rel awng ing. I thu ngai lekhaw kaimah minung i tuhai amahte Pathian tuh ing tiin rel awng cia ing. 5Ciatihin amahte pupate hnenah i bawnhnak thukham tu khimruai tuhai tunai ning umhnak, hnawi le khoitizu luanghnak ram heh ning pe tuh ing tiin ti awng ing,” tiin ti i.
Kaimah in, “I, Bawipa,” tiin ti ing.
6Cen Bawipa in i hnenah, “Judah ramai khuapuite ah le Jerusalem khuasong lampui ah vak tu. Ciata ah i thuthan tulai i thukhamhnak ling ai a hlunthilhnak tuhin misenpui hnenah rel tu. 7Amahte pupate Egypt ram an i hoisuak laiah kaimah thu ngai tuhin felniu in ralringhnak pe ai tunnia tian pe lai ngio ing. 8Ikhalselai a ngai khai ngai lo i, a hlun khai hlun nuam tlang lo i. Tun hlan bangin lungruh thotho ai sualhnak bawn heh com cuang lo i. I thupeciahnak hlunsuak tuhin thupe ing, ikhalselai hlun nuam tlang lo i. Ciamanin he thutiamhnak songah telh cih bangin cawhhnak amahte vumah hlengruai ing.
9“Judah mi le Jerusalem mite in ral i cai ai i engsan tlang i. 10I relhnak a eltu a pupate sualhnak ah let tlang ai khuavang dangdang bia tlang i. Amahte pupate thawn i bawn awnghnak thutiamhnak heh Judah le Israel in bal tlang zo sek i. 11Ciamanin tunah kaimah Bawipa in amahte vumah siatsuahhnak hlengruai tuhai aisu khai luat tuh lo i tiin ralringhnak pe ing. I hnenah bawmhnak ngen in au tlang hnelhno inkhai ngai sah tuh lo ing. 12Cen hi a bawlhnak khuavangte hnenah Judah mi le Jerusalem mite tu feh tuhai bawmhnak ngen in au tuh i. Siatsuahhnak a hleng ngaingai fangin tu hemi khuavangte in tu hup ben tuh lo i. 13Judah mite tu amahte khuapui zah in khuavang nai i; Jerusalem mite in a ningdulkul Baal khuavang hnenah hibawlhnak tuhin amahte lampui zah in puleng tiang i. 14Aw Jeremiah, he minungte caah i hnenah sawngen nawn mahang, a ngen khai i ngen nawn mah. Harsahnak tawk ai bawmhnak daih in i ko ita inkhai ngai sah tuh lo ing,” ti i.
15 Bawipa in, “I ithnak i minungte in thilsual bawn tlang i. I Biakinn songah lutthilhnak ziang nai nawn i? Thukham tampui a bawnhnak in le hibawlhnak sumhnam tampui a pehnak in hnawmcanhnak kham thil tuh i tiin ruat ini im? Ciami in lungawiruai tuh heh im? 16A hlan ahcen olive thinghing, thai mawi ngaingai a thaimi tiin ko de ing. Ikhalselai tun tu khuari thawm bangin mai in a hnah tai tuhai a kakte khai ek tuh sek i.
17“Israel le Judah tu Cungnungber Bawipa kaimah in a kho ngai in i birhnak i. Ikhalselai tun tu amahte vumah hnawmcanhnak hlengruai tum ing. Hemi hnawmcanhnak tu amah niu in anite vumah a hlengruaihnak i. Zaimantifangin Baal khuavang hnenah hibawlhnak sel ai thilsual a bawn manin thin i rawruai i,” tiin ti i.
Jeremiah Rek Tum I
18I ralte in i engsan ai i rek tumhnak khiah Bawipa in i rel i. 19Rek tuhin a fehpuihnak mi a rinsantu tuu faniu bang ing. Thilsual amahte ngaisunghnak khiah kaimah siatsuah tuhhnak i, ti ling awng lo ing. Anite in, “Thingkung tu a san pha laitak ah vawng tuh ising; he pa heh rek tuhai aisu inkhai hih nawn mahang seh,” ti i.
20Cen hetihin sawngen ing, “Aw Cungnungber Bawipa, nang tu dikcanglairelhnak thawn thu a relcattu isi. Mi ai ruathnak le thinlung cu de isi. Na kut songah i thu khiah na pe ing; hemite vumah phuzul isi, ti i hmuruai tu hram law,” ti ing.
21A rek i nuamtute tu Anathoth khua mite i ai Bawipa ai thu tlangaupui ngio thotho ilesikhaw na rek tuh i ing tiin i rel i. 22Ciamanin Cungnungber Bawipa in, “Anite tu cawh tuh ing. Amahte tlangvalte tu raltawnghnak ah thi tuhai a naupangte khai rong loin thi tuh i. 23Anathoth khua mite vumah hnawmcanhnak hlengruai tuh can tu thiah zo ing. Ciami can a hleng fangin aisu khai luat tuh lo i,” ti i.
Currently Selected:
JEREMIAH 11: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
