HEBRU 12
12
Kin Pa Pathian
1Kin khai hetlukin a tammi thulingtute in mairo bangin kin kil manin kin fehhnak lampui ah kin dawnkhamtu thilte heh lon in reemtu kin sualhnak thilrit heh hlum in kin hmai ai ummi dawp zuamhnak ah a roh ngai in dawp tlang ngasing. 2Kin sanghnak a pantu le a semkhimruaitu Jesuh heh catloin sik ngasing. Hmai lamai a co tuh anghnak heh a tumtekhnak imanin thinglamteh vumah zakthikul thihhnak rin zaisiar loin tuar ai tunah Pathian tohkham kiahhan#12:2Hebrew 10:12 ai kiahhan lam tihnak upathnak hmun tica i. Hebrew 1:2; 8:1 ah sik tu. lamah to i.#Heb 1:3; 8:1
3A tuarhnak tepawl tuar tucuk ih! Misualte ai huahnak a or ben zia khai! Ciamanin ning khai thinnau le thinpit vansang in um pang mah ih. 4Zaimantifangin sualhnak ning tawnghnak ah thihhnak tian ngaingai tu tawk lai lo i si. 5Pathian in a fate ning hnenah thapehnak thu ning relhnak heh hai zo i sim?#Job 5:17; Thuf 3:11-12
“I fapa, Bawipa in nun thu
na tiam fangin
zaisiar loin um mah.
Na hau fangin na thin
nau mah.
6Zaimantifangin
Bawipa in a it mite tu
nunthutiam de ai, fa ai
a cosang mite tu cawh de i.
7Harsahnak heh ning pa ai pehnak nunthutiamhnak i tiin ruat tu ih; zaimantifangin harsahnak ning tawkhnak in Pathian in a fate ah ning ruat i, ti larruai i. A pa in nunthutiam awng lohnak fa um awng kel lo i. 8A fate cawh ai ning bul ning cawh hlah lekhaw a fate ngaingai ilo i si, zawlfa i si ti sawh tuh i. 9Laivum ai kin pate ruat tucuk ih; kin cawh napui kin in upat tlang ising. Nunhnak kin ngah thil tuhin Rauhla lam kin Pa ai thu heh zaitlukin hlun tuhhnak amam ising? 10Kin pate in a pha tiin ruat tlang manin can comniu song kin cawh i; ikhalselai Pathian in kinmah ai phathnak hrangah le amah ai thianghlimhnak kin kawm thil tuhin kin cawh i. 11Cawhhnak kin tuar fangin kin tuar lai ahcen lung kin awiruaitu ilo in lung kin siaruaitu i. Ikhalselai a hnua ahcen ciabang cawhhnak in nunthutiam a tawktute heh amahte nunhnak ah daphnak le dikcanghnak lehsawng ngah tuh i.
Nunthutiamhnak Le Ralring Pehnak
12A cawl ngai ning ban pharh tu ilai ning khuk hlin derdo khiah khoruai tu ih.#Isa 35:3 13Lampui cang hlun tu zianzo ilai ciatihin ning kebai heh bai lan loin cak leh tuh sek i.#Thuf 4:26
14Mi zongzong thawn rualrem niu in um zuam tu ilai nunhnak thianghlim in um tum tu ih, zaimantifangin nunhnak thianghlim nai loin aisu inkhai Pathian hmu thil tuh lo i. 15Pathian ngaihharhnak tu aisu inkhai khelletruai tuh loin ralring tu ih. Thingkung siakha, a khang fangin a ru pha loin mi tampui rimsuhnak a pe bangin aisu khai um mah ih.#Danp 29:18 16Nupa sualhnak bawn mah ih; rauhla lam zaikhai a siar lotu Esau bang imah ih; ani tu fa upa rocotu ihnak heh rong vel khat aih ah zuar zel menma i.#Sem 25:29-34 17Ning linghnak bangin lehhnua ah a pa hnenin hmuifu ngah lehsal nuam napui a ngah leh thil nawn lo heh! Zaimantifangin mithli thawn ngen hnelhno khalselai a bawnciahnak heh thleng thil nawn lo i.#Sem 27:30-40
18Ning hlenghnak mual heh Israel mite hlenghnak Sinai Mual bang ilo i. Sinai Mual tu dai thil ai mai ko hluahhlo le khuanim thimhnak le hlisia le, #Luat 19:16-22; 20:18-21; Danp 4:11-12; 5:22-27 19thirhlung tumhnak aw le aw cawm ngai heh hmu thil le za thil in um i. Israel mite in aw za fangin cia aw heh za thil tuh nawn loin ngen tlang i, 20zaimantifangin Pathian ai thupeciahnak, “Mual a daitu, ramsa ita inkhai, lungto in a thi tian sep tuh i,” tihnak aw heh ngai ngam tlang lo i.#Luat 19:12-13 21Amahte hmuhnak heh tihik kihkulber imanin Moses inrin, “I lau ze in i thing derdo i,” ti i.#Danp 9:19
22Ikhalselai ning hlenghnak mual heh Zion Mual le a nungmi Pathian ai khuapui, vancungmi a thawngthawng in umhnak vancung Jerusalem i. 23Vancung ah amahte hming ngan cia in a umhnak Pathian ai fa upa ber pawl lungawi aipuang in pumkhawmhnak hmun hleng tlang zo i si. Mi zongzong thukhantu Pathian le semkhimruai zomi midangte ai rauhla hnenah hleng tlang zo i si. 24Thukham thar bawntu palai Jesuh, Abel ai thisan tahin pha sawn in thu a reltu, Jesuh ai phiahhnak thisan ah hleng tlang zo i si.#Sem 4:10
25Ciamanin ning hnenah thu a reltu ai thu el tuh loin ralring tu ih. Pathian thuthang laivum ai amahte relhnak rin a eltu heh luat lo i. Vancung ai a reltu ai thu amam heh ngai hlahle singkhaw zaitlukin kin luat tuh lo amam i!#Luat 20:22 26Cialai ahcen a aw in lailung hlin sek i; tun ahcen, “Lailung lek zolo in vancung tianin hlinruai leh tuh ing,” tiin thu kin kham i.#Hag 2:6 27“Hlin leh tuh ing,” tihnak ponkam in laipua ai samhnak thil hmuahhmuah heh hlin sek le thawn tuh sek ai a hlin thilh lomi um tuh i, tihnak larruai i.
28Ciatih imanin lungawi aipuang in um tlang ngasing. Zaimantifangin a hlin thilh lomi ukhnak co zo ising. Pathian hnenah kin anghnak larruai ngasing khaw a lungawi zawng in Ani tu upathnak le kihzahhnak thawn bia tlang ngasing. 29Zaimantifangin kin Pathian tu mi a kangziam thaitu mai i.#Danp 4:24
Currently Selected:
HEBRU 12: RZB
Highlight
Copy
Compare
Share
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
