Popular Bible Verses from HEBRU 12

Share

Kin khai hetlukin a tammi thulingtute in mairo bangin kin kil manin kin fehhnak lampui ah kin dawnkhamtu thilte heh lon in reemtu kin sualhnak thilrit heh hlum in kin hmai ai ummi dawp zuamhnak ah a roh ngai in dawp tlang ngasing. Kin sanghnak a pantu le a semkhimruaitu Jesuh heh catloin sik ngasing. Hmai lamai a co tuh anghnak heh a tumtekhnak imanin thinglamteh vumah zakthikul thihhnak rin zaisiar loin tuar ai tunah Pathian tohkham kiahhan lamah to i.

Cawhhnak kin tuar fangin kin tuar lai ahcen lung kin awiruaitu ilo in lung kin siaruaitu i. Ikhalselai a hnua ahcen ciabang cawhhnak in nunthutiam a tawktute heh amahte nunhnak ah daphnak le dikcanghnak lehsawng ngah tuh i.

Mi zongzong thawn rualrem niu in um zuam tu ilai nunhnak thianghlim in um tum tu ih, zaimantifangin nunhnak thianghlim nai loin aisu inkhai Pathian hmu thil tuh lo i.

A tuarhnak tepawl tuar tucuk ih! Misualte ai huahnak a or ben zia khai! Ciamanin ning khai thinnau le thinpit vansang in um pang mah ih.

Ciatih imanin lungawi aipuang in um tlang ngasing. Zaimantifangin a hlin thilh lomi ukhnak co zo ising. Pathian hnenah kin anghnak larruai ngasing khaw a lungawi zawng in Ani tu upathnak le kihzahhnak thawn bia tlang ngasing.

Harsahnak heh ning pa ai pehnak nunthutiamhnak i tiin ruat tu ih; zaimantifangin harsahnak ning tawkhnak in Pathian in a fate ah ning ruat i, ti larruai i. A pa in nunthutiam awng lohnak fa um awng kel lo i.

Zaimantifangin kin Pathian tu mi a kangziam thaitu mai i.

Kin pate in a pha tiin ruat tlang manin can comniu song kin cawh i; ikhalselai Pathian in kinmah ai phathnak hrangah le amah ai thianghlimhnak kin kawm thil tuhin kin cawh i.

Zaimantifangin sualhnak ning tawnghnak ah thihhnak tian ngaingai tu tawk lai lo i si.