SEFANIA 2
2
Ndaho yedumbuya
1Kusanzenyi nyo oshari luwuṟie sonu; 2ili mandi kulamcha iwawaso, kulameshika mkonu fo kiwi mkonu fo nyashi ya Mndumii injiwawo. 3Shihenyi Mndumii, nyo mose mkunyiiṟie oshangunyi loke, mokewuta shilya shichihiṟie Mndumii; shihenyi wukiilohi na wusumhanyi, shihenyi ikunyiiṟa; kofia muowisho mkonu fulya fo nyashi ya Mndumii.
Orumatso lo mkambo ya mṟasenyi
4 Kipfa Gaza nyi odeo, na Ashkeloni nyi ochiwa ngafu; wechiwingia Ashdodi kiheri kya mfiri fuhende kuleshe na Ekironi nyi ochikuṟuyo. 5Ochia lo walya wai wambaṟa ya ipalyipalyi, oshari lo Wakereti. Idedo lya Mndumii li huye yanu, Iyo Kaananyi, oruka lo Wafilisti, Inyi njechimrumatsa alechitsuhaṟo manya umu. 6Na oruka lo wambaṟa lochiwa pata lya maṟa, kuwodepfo shitengo na mafiṟiha ya mapo ha machondi. 7Na oruka lo lo wambaṟa lochiwa oruka lo wandu wa mba ya Yuda watsihee; wechilisa mapo hawo ipfo; wechilaa kiidi kya mba tsa Ashkeloni kiheri kya kiukanyi; kipfa Mndumii-Ruwa owo, nyi nechiwachea na iwihiṟa wapfungo wawo. 8 Inyi ngaicho kirumo kya Moabu na wupiṟi wo wana wa Amoni, isho shikawa shirumo sha wandu wako na ikung'anyisha ipfo mṟasenyi yawo. 9 Inyi Mndumii menyi matorito, Ruwa o Israeli, lohi Moabu yechiwa cha Sodoma wana wa Amoni cha Gomora, handu hawo hado nduo na marina ha monyo na ilya wukiwa maheri hose, wandu wako waletsuhaa wawawade na iwaduo wupfungo, wandu wa oshari waletsuhaa waoṟe oruka lowo na iwaitoṟia. 10Mbonyi-tso tsechiwahoya kipfa kya orikiki lowo na kipfa waleruma wandu wa Mndumii menyi matorito na ikung'anyisha. 11Mndumii nechiwa moowesha mnu, kipfa nechiwawaaha na njaa na maruwa hose ha oruka (maruwa ha wongo) wandu wechiindia Ruwa umu o lohi orio mndu handu hake - ee handu hahadutsu ha mṟingenyi ha mkambo fo wandu. 12 Nanyo wandu wa Kushi mochiwooho na oshu. 13 Nechilesha owoko loke ora lo mtsudu na irumatsa Ashuru; nechiterefutsa Ninawi kuhaluke msefu. 14Po lya mando ha nja hawe molaa ho, msoṟa na malondo hado na ngo tsa mba; maṟu haichio nyi walya wai mba, kipfa nashukuo iṟunda lya mashidi mecha.
15Ifu nyi mṟi fulya fo sia,
Fulawode makusaṟo,
Fulehamba, “Inyi njiipfo,
Kulawode ungi shila nyi inyi.”
Chando fulewa mrapu,
Hando helaa mando ha nja!
Orio moida nechikapa mang'ang'o,
Na ikumbalia owoko.
Currently Selected:
SEFANIA 2: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
