ZEKARIA 3
3
Kiwonesio kya kaana: Mkohanyi mnene Yoshua
1 Nahong'u Mndumii-Ruwa kanjiloṟa Yoshua, Mkohanyi ang'anyi, ahoṟoki oshangunyi lo malaika o Mndumii, na Satana Kahoṟoka kuwoko ko kulyo koke kundu nalimbane nao. 2 Mndumii kawia Satana, Mndumii-Ruwa Nakusese, Iyo Satana, Mndumii chu alesambuṟa Yerusalemu nakusese, iki chi kimui kilewuto modonyi? 3Yoshua naweṟee nguo tsiwekindie oko, nao nawehoṟoki oshangunyi lo malaika. 4Nao kahaluo walya wawehoṟoki oshangunyi loke, mbutenyi nguo tso tsikindie oko. Kiidima kawia Yoshua, Ambuya wunyamaṟi wopfo womewutoho, na inyi njechikuṟika mṟaaye ya wuhuru wung'anyi. 5Ambuya, malaika o Mndumii nawei hafui kawawasa ke Yoshua naṟiko kitambaa kicha mdohu foke, malaika ulya awonyi. 6Kudi malaika ulya kaṟingishia na ideda kya Yoshua ke, 7Mndumii menyi Matorito nahamba adi, Kokoya owada wuwawaso woko, kowechumia njienyi tsako nlyong'u ochianduo kya mba yako, nochiringa njosa tsako, njechikuinenga mwaanya fosembelia afui na walya wehoṟoka hafui.
8 Wulalu adanyia iyo Yoshua mkohanyi ang'anyi hamu na wodoyo wekedamya oshangunyi koko, kipfa iwo nyi wai kichano, kipfa ambuya njechidika mṟundi oko, echilaho nyi njana. 9Kipfa ambuya iho lyi njileliwika oshangunyi lo Yoshua, iho limu liwode meso mfungade na inyi njechitisiṟa ofano loke, Mndumii Menyi Matorito ahamba, njechiwutaho njonyamaṟo tsa oruka lulya kui mtiṟi fumu. 10 Kiidi kya mkonu fulya mochilaha orio mndu na wamṟasa oke wanda ya msabibu na ikidi lya ndunda.
Currently Selected:
ZEKARIA 3: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
