MIKA 5
5
Msongoru mhya awuka Bethlehemu
1Mndumi Ruwa nahamba adi,
“Na iyo Bethlehemu Ephrata
ukeri o oruka lo Yuda,
ukeri mtutu konyiia wumangi wo Yuda pfo,
kipfa kopfo iyo nyi kochikaa kuwuke mwitoṟi
molisiṟa wanduwako Israeli.”
2 Ko ikyo Ruwa nechida wandu wake ko wakituwa,
mṟasa mndu mka ulya ai mlemo nafee.
Numa wanawamae iwo wechitsuhaa wawuye na isanza na Waisraeli wodoyawo.
3Msongoru cho nechilisa wake kwi pfinya ya Mndumii-Ruwa,
kwi kiṟumi kya Mndumii-Ruwa,
Ruwa oke, wandu wake wekusaya olelenyi,
kipfa nechikuwia mnene mṟasa mtsitsionyi fo oruka.
4Nyio echiende ofoṟo.
Ikiṟa na ihoṟuo
Waashuru kokoya wachea oruka lodu,
na iida waringi wadu wowawinza,
lochidika waringi wewatoṟomisha,
ee da, lochidika wachili wadu wafoi.
5Kwi shisha shawo wechiitoṟia oruka lo Ashuru,
na ichilia oruka lo Nimrodi.
Wechiluashuo mawokonyi ha Waashuru,
ili wechishika mṟasenyi fo oruka lodu
na iwoka iṟinjawia oruka lodu.
6 Wa oshari lo Yakobo wedeoho na moo,
wadung'anyie kiidi kya mkambo ifoi,
wechiwa cha mlewi fo Mndumii-Ruwa fokewihiṟia moo,
cha ṟauṟa ikeolokia maṟa maumu ilakeendo nyi mndu
ma ikusihia mndu.
7Wa oshari lo Yakobo wedeo na moo,
wadung'anyie kiidi kya mkambo fo wandu wafoi,
wechiwada pfinya ing'anyi cha mwiso kiidi kya mando hai na moo ngeṟenyi,
cha ilea lya mwiso kiidi kya po lya machondi,
orio handu lyaida,
lyikaharundikia na ihahaluo choonga yawo,
kulawoneke mohakiṟa.
8Waisraeli wechiwinza wakituwa wawo
na iwarumatsa piu.
9Mndumii-Ruwa nahamba,
“Kiheri kyo njechiwuta-pfo frasi tsanu,
na inyamaṟa magari hanu ha frasi.
10Njechinyamaṟa mṟi ya oruka lonu
na iwunduo omombo lo mfiṟiha yanu.
11Njechirumatsa mawuto hanu ha wusawi,
nanyo mochiwada-se walasha-pfo.
12Njechinyamaṟa sanamu tsanu
na ngo tsa wuindi wonu,
nanyo nyi mochida iindia shindo mulesungusia muwenyi.
13Njechikuṟuo sanamu tsa maruwa ha wongo hawuka konu,
na irumatsa mṟi yanu.
14Kwi nyashi na isukio lyako,
njechitaa kiṟache mkambo yose ilanjiindia.”
15Na kui nyashi yako ing'anyi njechitaa kiṟache ko mkambo iya yose ileleha injiindia.
Currently Selected:
MIKA 5: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
