HOSEA 6
6
Idumbuya lilai lya lohi
1“Ndenyi luwuye na ko Mndumii-Ruwa!
Ambuya nyio amonyi aleluranduo,
kyaindi nao amonyi nyi echiluchiṟa;
Nyio alelufaṟa,
nyio amonyi echichiṟa shifaṟe shadu.
2Mfiri iwi ikameida nyi echiluinenga se moo,
iyee, na mfiri fo kaṟaṟu nyi echiluṟutsa,
kundu luidimese ikaa handu hamu nao.
3Ko ikyo lumanye,
luweengeṟa imanya Mndumii-Ruwa,
icha lyake nyi lii lya lohi,
cha icha lya mkonu,
ambuya nyi echilucheya,
cha mataṟataṟa ha mvuo,
chandu mvuo ya kisie yekenosa oruka.
4“Kyaindi Mndumii-Ruwa nyi ahamba adi,
‘Njikuwutie ki iyo Efraimu?
Njikuwutie ki iyo Yuda?
Ikunda lyanu koko nyi likeri cha mtiima fo ngamenyi,
likawefanana na ṟauṟa ya ngamenyi yekehaduka owinyi.
5Nyikyo kitewe njilemuchea kui madedo ha waikimbi,
ngawemuarisa kui madedo hako,
na mwanduye foko nyi fokecha cha ili mnengeṟi fodo.
6 Kyamba kindo kinjichihiṟie ipfo konu nyi wuhoṟotsu,
manya chi shidaso pfo,
imanya Mndumii-Ruwa manya chi shidaso shemaya modonyipfo.’”
Wunyamaṟi woichuo kose wuyanenyi
7Ambuya nyo mulefunja mkundana chandu Adamu alewuta;
kyamba walenjiwutia kui wuhoṟotsupfo,
8Gileadi nyi mṟi fo wandu wawicho,
nyi mṟi fuichuo samu,
9Kyamba chandu wasoki wekeowia wandu,
njienyi kundu wawasoke,
nyi wudo wakohanyi walekoyana wechiowelia.
Wakawaha wandu njienyi
wechihenda Shekemu,
ambuya nyi walewuta wuwicho wuṟatsie.
10Ambuya, nyi njilewona kindo
kiwicho mnu kiidi kya mba ya Israeli,
wana wa Efraimu nyi waiengeṟa ikufanyitsa.
11Ko ora lopfo iyo Yuda,
nyi umteseheṟie kiheri ochisambuo ngapo.
Currently Selected:
HOSEA 6: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
