HOSEA 3
3
Hosea na mka oke ai mmeluki
1Mndumii-Ruwa kanjiwia, “Hendase nokunde mndu mka amkunde nyi wasoṟo wengi sa ai mmeluki. Mkunde chandu inyi Mndumii-Ruwa njikundi Waisraeli, ma chandu wo waihalukia maruwa hengi kipfa wawodo nyi oṟoo lo mandasi ha msabibu njiumu.”
2Nahong'u, ngahuṟa mndu mka ulya ko shipaṟo ikumi na shitanu (15) sha fesa na shikunja sha shayiri ihana limu makumi nyanya na shiwi (182) sha shayiri. 3Kyasia, ngambia, “Kikiwaṟi nowe mka oko mhendeli, ko mfiri ifoi kulaṟuhuya ma iwa mka o mndu ungi; na inyi da njechiwa mhendeli.” 4Na nyi wudo, Waisraeli wechiwa: Wechikaa ko kiheri kileshe walawode mangi ang'u msongoru; ma shidaso, ang'u shimnaṟa shiele, ma shisibau sha kipeeta, ma sanamu ang'u mfanano yeindia. 5Kyaindi kiheri kechicha mandi wandu wa Israeli wechihaluka na ishiha Mndumii-Ruwa, Ruwa owo, na ishiha mangi owo, o luwa lya mangi Dawidi. Nyilyondi wechiowuo Mndumii-Ruwa, na imkunda, na iambilia mboṟa tsake kiheri kya ifurumia.
Currently Selected:
HOSEA 3: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
