HOSEA 2
2
1Koikyo laha wana wa mayo wa Israeli, “Wandu wa Ruwa,” na washiki wanu “Wandu wawakunde nyi Mndumii-Ruwa.”
Gomeri mka mmeluki-na isanga limeluki Israeli
2Dediyenyi mayanu, mdediyenyi,
kipfa wulalu o chi mka okosepfo,
manya inyi chi mii okese-pfo.
Mdediyenyi nalekane na iṟuhuya lyake,
nalekane na wumeluki woke.
3Mulamewute kudo, njechimuatuo nguo nadeo kitaṟe,
njechimtana nawe chandu alefeo.
Njechimtana nawe cha nuka ya msanga,
njechimtana naume cha oruka luhadutsu.
Njechimbaha ko wuangari.
4Njechisaṟia wana wake-pfo,
kipfa nyi wana wa wuṟuhui.
5Mayawo nawuta wumeluki,
nalekapika kechiwuta shindo sha sonu.
Nalehamba; njechihendesana na wakunde wako,
sa wekenjinenga kelya na mṟinga,
sufu na kitanyi, mafuda na mvinyo.
6Kyasia, njechishinga njia yake na msha,
njechimṟingichia omombo,
nalawone njia yewuka nja.
7Nechioshana na wakunde wake nalawakoye;
ee, nechiwawalia,
kyaindi echiwawona-pfo.
Oo nyilondi echihamba,
“Njiwuya na ko mii oko o kuwoka;
kipfa ili mbooko njiwewode nanga kota wulalu.”
8Aweichi ke nyi inyi,
njiwekemnenga Ngano, mvinyo na mafuda-pfo,
na fesa na sahabu ifoi,
sa awekedaya Baali.
9Koikyo kiheri kesambuo, njechiduo Ngano yako,
njechiduo na mvinyo foko kiheri kyake.
Njechimsoka nguo tsako tsa sufu na kitanyi,
sa tsiwekeshikia wukitaṟe woke.
10Njechimuatuo nadeo kitaṟe osehu lo wakunde wake,
ma kuwode mndu sa echiidima injitirimisha-pfo.
11Njechitoromesha wuseṟeṟi woke wose,
mfuho yake ya meri okombe na ya sabato,
na mfuho yose sa injiwawase.
12Njechirumatsa msabibu yake na mkuyu,
ekehamba nyi wueri kuwuka ko wakunde wake.
Njechiitana iwe ngeṟa,
na mando ha ngeṟenyi hechiilya.
13Njechimtaa kiṟache kya mkonu iya ya Baali aleiṟumisha,
na maheri aledo ikoṟa ubani,
na ikuchopa na rachi tsake na shishelo sha maho sha wuhuru wung'anyi,
na ihendia wakunde wake,
na injihadima inyi.
Nyi inyi Mndumii-Ruwa ngadeda.
Ikunda lya Mndumii-Ruwa ko wandu wake
14Koikyo, njechimtutuma,
njechimduo nuka ya msanga,
na ideda nao ko wuhoo.
15 Ipfo njechimbihiṟia madema hake ha msabibu,
na mfo fo Akori, njechifutana fuwe kichumi kya ngaya.
Nechinjiosha ko ikunda lyake chandu awekewuta kiheri awei manake,
cha kiheri awewuka kiidi kya oruka lo Misri.
16Inyi Mndumii-Ruwa ngahamba njidi: Mkonu fo iyo nochinjilaha, “Mii oko, ma ochinjilaha Baali oko sepfo.” 17Kipfa njechitana rina lya Baali lilasendose dumbunyi lyapfo. 18Njechiwika mkundana na mando ha ngeṟenyi, na malehe ha nginehu handu hamu na shose sa shekeafuo, shilakufaṟe. Njechirumatsa wuda, oshu na nzohoṟa tsose tsa shida kiidi kya oruka, na ikutana nokae na ofoṟo. 19Njechikutana nowe mka oko mlungana; nowe oko ko wuhendeli na wusumuhanyi, ko wucha wo mrima na wusalari. 20Ee, njechikutaya ngosa ko wuhendeli, na iyo nochimanya ke inyi nyi Mndumii-Ruwa.
21Mkonufo, inyi Mndumii-Ruwa ngahamba,
njechiicho kiterewo kya ngina kenosa mvuo,
ngina natso tsechiicho kiterewo kya oruka.
22Oruka lochiicho kiterewo kya Ngano, na mvinyo na mafuda,
nasho shose shechifoeṟa shose shikundikie kulya Yezreeli.
23 Njechidonga Yezreeli kiidi kya oruka;
njechisaṟia sa “Alekesaṟio,”
na walya walelaho, “Chi wandu wako-pfo,”
njechiwawia, “Nyo nyi wandu wako.”
Nawo wechihamba, “Iyo nyi Ruwa odu.”
Currently Selected:
HOSEA 2: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
