HOSEA 11
11
Ikunda lya Mndumii-Ruwa nyi lieṟie nyashi yake
1 Kuwokia Israeli awei mana mtutu nyi njiwemkundi,
kuwokia Misri nyi njilemlaha nyi mana oko.
2Kikawa chandu njileengeṟa iwalaha,
na wudo nawo waleengeṟa injidicha;
Wakaengeṟa iindia Baali na idutsia uvumba sanamu tsa maruwa hengi.
3Nyi inyi njilelosha Efraimu ichumia,
na inyi njimonyi njilewaduo mahinyi hako;
kyaindi walemanya ke nyi inyi njiwewaembeṟa pfo.
4Ambuya njilewasongoya ko shiwoho sha isaṟia,
iyee, kui shiwoho sha ikunda,
chandu mfee ekeira mana mṟasa kyerinyi kyake,
nyiwudo na inyi njiwekeri kowo;
Kii kidi ngahongoma na iwainenga kelya.
5Kyasia, nyi wechiwuya na Misri;
na mangi o Ashuru nechiwasongoya,
kyamba nyi waleleha injiosha.
6Oshu nyi luhenda isokia mṟinyi yawo,
luwehenda ifunja funja mongo yawo,
luwewarumatsa ipfo njomombonyi tsawo.
7Ambuya wandu wako nyi walenjidicha,
wakakukumba wusingenyi,
manya kuwode mowaashuo pfo.
8 A nyi wuda njechiidima ikuda iyo Efraimu?
A ngesa nyi wuda njechiidima ikukumba iyo Israeli?
Ngesa njechiidima ikuhaluo cha mṟi fo Adma?
Njechiidima ikuwutia cha mṟi fo Seboimu ?
Mrima foko fokenjiima;
isaṟia lyako likaengeṟa iwada mrike kiidi kyako.
9Ambuya njikeri itirisiya,
ambuya njihenda irumatsa se Efraimu pfo,
kyamba inyi nyi Ruwa manya chi mndu o wandu pfo,
njikeri mwele kiidi kyanu,
koikyo njechicha inyamaṟapfo.
10Ambuya wechicha injiosha inyi Mndumii-Ruwa,
ili njechiringona cha miiso,
kiheri kyo chechiringona nyi wechinjicheya wechichumia wawuka ora lo kyukanyi wechidedema.
11Wechicha wawuka Misri wechichumia cha shilehe,
wechirunduka wawuka Ashuru cha mbeta,
na inyi njechiwawihiṟa kanyi kowo,
nyi inyi Mndumii-Ruwa ngahamba.
12Efraimu nanjiṟingichia ko madedo ha wongo,
na mba ya Israeli ko wulembi;
ma wulalu Yuda nakeri iangalala ko Ruwa,
nao nyi akeri mwele, nao nyi mhendeli.
Currently Selected:
HOSEA 11: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
