HOSEA 12
12
1Orio kindo wandu wa Israeli wawuta mfiri puti nyi sha wulya na sherumatsa.
Wuṟiingi, wongo, wunesi na wuwahi wuiengeṟeka kiidi kyawo.
Wawadana na Waashuru na ikapa mbucha na Wamisri.
2Mndumii-Ruwa nyi awode mondu na Yuda;
ambuya nyi ahenda ikapa Yakobo sumuhana na madeko hawo,
na iwataa sumhana na mawuto hawo.
3 Mandi Yakobo awei wusunyi wo mae nyi alewada kitsinano kya wawae.
Kiheri aleng'ana kalimbana na Mndumii-Ruwa.
4 Kalimbana na malaika kambinga;
Kafihiṟa mchenyeṟe katerewa nasaṟio,
kulya Betheli nalekoyana na Mndumii-Ruwa,
nao Mndumii-Ruwa kadeda nao.
5Mndumii-Ruwa menyi matorito,
Mndumii-Ruwa nyilyo rina lyake,
6Wuyenyi ko Mndumii-Ruwa onu,
kuwadenyi na ikunda na wukiilohi,
muwekaa mkusirienyi ko Mndumii-Ruwa kiheri kyose.
Madedo hengi ha mwanduye
7Efraimu nyi afananyi na mndu mokapa mbucha,
ekeṟunda na kipimo kekelemba,
kawelemba nakyo wandu.
8Efraimu kahamba, “Inyi nyi njii msuṟi!
Inyi njilekusuṟisha!”
Kuwode wuwicho wo iwona kiira pfo,
manya kudo ilyo chi idekopfo.
9 Mndumii-Ruwa nyi ahamba adi;
“Inyi nyi Mndumii-Ruwa,
njii Ruwa opfo;
nyi inyi njilekuwuta kuwuka Misri!
Inyi njikeri ihenda ikudamiṟase kiidi kya mahema cha mfiri ya kuwoka,
chandu ukeri iwuta wulalu ko mfiri njiangu tupu,
kiheri kya mfiri mnene ya shitengo.
10Inyi njilededa na Waikimbi,
nyi inyi njilewaloṟa ndodo tsifoi,
koikyo kiidi kyawo njikeri ionguo kilya njikundi.
11Kulya Gileadi nyi handu ha wunyamaṟi,
kulya Gilgali walewuta mapung'a ha shidaso,
koikyo rasio tsawo nyi tsechiwa cha mbumbi tsa maho,
kiidi kya mfongo ii mademenyi?
12 “Yakobo naledichiya orukenyi lo Aramu,
akeripfo kaṟunda kundu nawone mka,
kalisa machondi kundu nawone mka.
13 Kui wuikimbi Mndumii-Ruwa nalewuta Waisraeli orukenyi lo Misri;
na kui wuikimbi, Mndumii-Ruwa nalewaringa.
14“Waefraimu nyi walewichuṟa Mndumii-Ruwa mnu,
Koikyo Mndumii-Ruwa nechiwataa kya madeko hawo,
nyi echiwakapa kya mawuto hawo walewuta.”
Currently Selected:
HOSEA 12: KIM2
Highlight
Share
Compare
Copy
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
