WAGALATIA 1
1
1Inyi Paulo njii msu, njilai msu ai mbike-ho nyi wandu manya kui mweke fo mndu mliwe, indi nyi kui Yesu Kristo na Ruwa Wande ichu alemṟutsa wapfunyi njii mbike msu. 2So na wanawawama walya wai na inyi wose nyi loiṟikiṟa siṟi tsilya tsikeri ipfo Galatia. 3Wutonga wukae nanyo na ofoṟo shiwukye ko Ruwa Wande na ko mndumii odu Yesu Kristo. 4Nyio ichu alekudambika opfunyi amonyi kya manyamaṟo hadu kundu naluturuchwo iya iwuyana ili liwicho lidi lya kiwulalu ilyo likeri ihenda. Ekiwutye adi kyeidikyana na kiteṟyo kya Ruwa odu Wande. 5Nakae mowikyo kiṟumi kilunganyi maheri hose na hose. Amenyi.
Ndumi njicha ya Sia
6Ngaṟihyo kyanu kya iweṟuka lyanu muweṟukye owinyi mudo mochiwuka ko ichu alemlaha kui wutonga wo ko Kristo mukawingya ndumi ingi. 7Ma kulaipfo ingi iwei njicha. Shila kwipfo wechimpfulutsafulutsa wakunda ipfulwo ndumi ya sia ya Kristo. 8Kya indi kokoya ma so luwenyi manya msu mwele mowuka ruwehu kwenyi kokoya luwemwongoya ndumi ikapanyi na iya lomemwongoya nyo, orio ose awuta ado naolotsyo aseso nyi Ruwa. 9Ikyo ngamehamba walalu faṟa ngawuya nakyo njehamba-se, kokoya kwipfo echimwongoya ndumi ya sia ya okiio ikapanyi na iya momeambya, naolotsyo oseso nyi Ruwa. 10A ngadeda iki kyekulopa na wandu ang'u Ruwa ngesa? Njiwelanga ikukundishya wandu? Kima njiweikukundisha wandu njiwekikaa-se mṟundi o Kristo-pfo.
Chando Paulo alelaho
11Na ngamṟingishia nyo, wanawawama, ke ndumi iya ya sia ya okiio muleongoyo nyi inyi ikeri ya kiwandupfo. 12Njileiwada ko mndupfo, ma ikulosha njileikulosha njimonyipfo, kya indi nyi lilewa kui ikuloṟa lya Yesu Kristo. 13 Muwemeicho mbo kya mchumie foko fokuwada na wuindi wo Kiyuda wose mbeitika iterengya siṟi ya Ruwa mbelangye iikombetsa tupu. 14 Njiwei mdonyi fo warika wafoi na mkambo foko njeakya Kiyuda kyose mbewa mokapanya kya ngoseṟa mawiko halya luwode hawukie ko waku. 15 Kya indi Ruwa awenteseheṟye kyako kyanya wokia wusunyi wo mai kawenkilahya kui wutonga woke. 16Nao nyio matika na halya kiwemchihiṟye echimbonesya Mana oke kundu njidung'tsye mkambo ya wandu ndumi ya sia yake. Oweṟe na lulya inyi njilekuwada-ho njilawesongwo iwesana na wa-kimbihu na wa-kisamu. 17Ndado na ipfo Yerusalemu ko wasoṟo walya walesongwo iwiko wasu. Kya indi njilehenda kulya Arabia, ngawuka-pfo njewuya-se lingi na kulya Damasiko. 18 Ikyo kyamba komsia-ho maka iṟaṟu ngado na ipfo Yerusalemu lumanyishane so na Kefa njiwetsinda nao mfiri ikumi na itanu. 19Indi wasu walya wengi njiwewonanyi nawo manya ma umu owopfo wuta-ho Yakobo manawo o Mndumii. 20Ambuya, na iki njiimuṟehya iya kikeri wongopfo, Ruwa aichi. 21Ikyo kyamsia ngahenda masangenyi ha Siria na Kilikia. 22Maheri halya njilemanyika ko siṟi njikristo tsii ipfo Yudaya kui oshangupfo. 23Wawewa mowio tupu; aichu awei moluterengya kacha akeri yongoya wulalu mwidikye fu awelangye ifukombetsa kuwoka. 24Wakakuwutya-ho iṟumisha Ruwa kipfa kyako inyi.
Paulo na wasu wengi
Currently Selected:
WAGALATIA 1: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
