2 WAKORINTO 13
13
1 Ili nyi lya kaṟaṟu ngacha na konu. Orio kindo kyechikapo owanzo kui madumbu ha waṟingishi wawi ang'u waṟaṟu. 2Mandi njiwei konu lya kawi njilemsonguo iikimba, na wulalu ili nji kuleshe nanyo ngawuya-se iikimba walya wawutie wunyamaṟi kacha na wengi wose ke ngacha-se lingi njilechiwika mwidyo. 3Kipfa nyi muitika ihesha Kristo chu aimsanze na inyi echideda, nao sa alamuwiia nyo mfafa kya indi amukerye nyo menyi-pfinya. 4Kyamba ma kikawa alewambyo msalabe-hu arie wufafa kya indi ai-ho na moo arie pfinya ya Ruwa. Natso na luifafaa lukuwodye nao, kya indi lochikaa-ho na moo lurianyi nao kui pfinya ya Ruwa yekuloṟa nanyo.
5Kuheshenyi nyo muwenyi kokoya mukeri wuidiki-hu, muhendekekutichya muwenyi. Ang'u mulakuichyo muwenyi ke Yesu Kristo akukerye konu? Kilamewa ke mui-wallakia. 6Kya indi njikusirye nawo mochimanya ke so lulai-wallaikia. 7Indi njiterewa Ruwa namringe iwuta kindo kiwicho, chi njikeri imterewa kundu so lumanyike lui wekiapfo kya indi nyi kundu muwe wewuta kilya ki kicha naso luwe cha ili lulawekia. 8Cha kipfa lulaidima iwuta kindo kiṟunduma ya lohi indi kui kitewe kya kiwulohi. 9Kyamba nyi kyaluinenga sia ili so lui wafafa nanyo mukawanga. Na kilya luiterewa kikeri kile, ke muhendesungusika. 10Nkyo kimaduma ngaṟehya isho njii kuleshe kundu ili njechikaa-ho ndawone kyenjiitika njiṟunde na wunesi kui kiheo kya pfinya iya njimwenenge nyi Mndumii inteṟye yemuhoṟotsa ilainteṟye yemuhutsa.
11Kyefurumya, wanawawama, kaenyi-pfo na sia, mukunde iikimbo, muwe mochikumbuo kilya kimu, mukae na ofoṟo, nao Ruwa menyi ikunda na ofoṟo echikaa hamu nanyo.
12Muiṟikiṟane ipfo ngombanonyi njele. 13Iwo wai waele, wamuiṟikiṟa wose.
14Wutonga wo Mndumii Yesu Kristo na ikunda lya Ruwa na kyando kya Mumuyo Mwele shikae nanyo mose.
Currently Selected:
2 WAKORINTO 13: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
