WAGALATIA 2
2
1 Matika ha numa ilindi kuwemsia maka ikumi na iina njilewuya-se ido na ipfo Yerusalemu njirianyi na Barnaba. Na Tito ngawemduo hamu na inyi. 2Ngado njimwitike m mawonesyo na Ruwa. Njilewadambikya ndumi na sia ya okiio chando njeongoya mkambo ya wandu waiheshe, mnu walya wawesongwo iwikyo wuindi kundu njilaitike ihenda hando halechiwa na njilakoyo cha ili ndemehenda njido. 3Kya indi na Tito mokyando oko ili ai Mgriki manya alewawaso nahende idinopfo. 4Ee ko; na wanawawama na wongo na waweipfo wawekusoṟowitsye-ho, kundu waale mkuachie fodu lufuwode so lui Kristo-hu Yesu kundu waluwihiṟe wusingenyi. 5Wo lulewasehya ma oweṟe lumu kyekuwika shiawopfo, kundu ndumi ya sia ya okiio iwange konu injenyi iwe ya lohi. 6 Kya walya wawewadowado wenyi kiṟumi kyawo kinjiwode kya isongwo lyawopfo, Ruwa alakukundya mndu oshangu nawo ili wawei wenyi kiṟumi wawewode kyeanduyana na inyipfo. 7Kya indi ili wawewonyi ke inyi njimdambikye ndumi ya sia ya okiio kya walya walaiwadine-cha Petro kya walya wai wadine. 8Kyamba ichu mowanza Petro wungochi wo ko wadine kawewa mombanza na inyi wo ko walai wadine. 9Wakawemanya kya wutonga wo Ruwa njimsumbe, nawo nyi Yakobo na Kefa na Yohane iwo wawewodo cha ngo tsa mbedia wakaweluenenga owoko lo kulyo so na Barnaba lo mbadano. Nafo fuwei fuile, ke so luhende ko walya walai wadine, nawo wawehenda ko walya wadine. 10Na kya wakiwa tupu luwekaaho lochiwakumbwo. Kyo nakyo njiweitika ipfuṟukanya necha.
Paulo adedia Petro
11Indi nao Kefa mandi halya ha numa ilindi aleshika kulya Antiokia njilemdedya na pata kimaduma nyi alekuendie mti amonyi. 12Cha kipfa mandi wa ko Yakobo walandeshika-ho o awelya handu hamu na wa mkambo ingi. Indi matika halya wo wamcha napfo kakuwukya kowo kawe kuwika kyanya kipfa aweowoye walya wadine. 13Na Wayuda walya wengi wakawekulembetseṟa kikatewa na Barnaba kaṟungo nyi ikulembetseṟa lyawo. 14Na inyi ili njiwewonyi walakuhoṟotsa na kilya kii-lohi kya ndumi ya sia ya okiio wakukisumhanye ngawia Petro mandi waweiho wose, Kokoya iyo ui Myuda uwekaa mbaṟi ya kihenu kuwoka ilai ya Kiyuda nyi ku okuwutya pfinya yeitika wahenu numa ikaa mbaṟi ya Kiyuda?
Wayuda na wandu wa mkambo wekiṟo kipfa kya wuidiki
15Kya wumndu wodu so lukeri wa Kiyuda lulai wanyamaṟi wapaṟikye ko mkambo ya wahenu. 16 Kya indi ili luweichi ke iwuta mawuto ha mawawase nyi wuwawaso lilasumhanza mndu shila iidikya Yesu Kristo na ikuwada nao nkyo kimaduma lulekuwada na Kristo Yesu na imwidikya kundu lusumhanzo wusumhanzo wowa na ikuwada na Kristo wulechiwa na mweke fo mawuto ha mawawase, cha kipfa kulaipfo ai nyama awechisumhanzo kui mawuto ha mawawase. 17Indi so ili lowingya isumhanzo liwutikye Kristo-hu, kokoya lokumanyisha luwenyi ke so wanyamaṟi, a Kristo chi awei mtarami o wunyamaṟi mbo? Manya! 18Kyamba kokoya ngawuya iwika kilya njilemsanja inyi mmonyi ngakumanyisha ke njii mtahachi. 19Mawiko halya hakawetewa hamenyi njehakaya njii mpfu njikupaye nji na moo njeṟundya Ruwa. Ngamkapyo msalabenyi hamu na Kristo. 20Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi. 21Ngalekia wutonga wo Ruwa wuwuto kidipfo. Cha kipfa kima wusumhanzo wuwewuka ko mawiko halya maṟi Kristo alepfa kya wulya.
Wuidiki na Uwawaso
Currently Selected:
WAGALATIA 2: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
