1 WAKORINTO 5
5
1 Koichyo kundo kose ke konu kuwode wuṟuhui, na wuṟuhui wu nyi wo mbaṟi ileewa isenda ma ipfo ko wandu walaidikye wai, mndu nakae na mka o ndee. 2Nanyo mokutumbashya mulakunda ikuinadya kundo nahende iwuto ipfo kiidi kyanu icho atanye kindo kyo. 3Na inyi ma ndakeri-ho kui mbihu indi njikukerye-ho kui mumuyo njilemmaa idumbuya mndu-chu aletana kindo kiwicho kido mdumbuye cha ili njiweiho. 4Ngadeda kui rina lya mndumii Yesu luwodanyi nyo na mumuyo foko hamu na pfinya ya Mndumii odu Yesu. 5Kyedambikya Satan mndu cho mbihu fohoṟuo kundu mrima fukiṟo mkonu fulya fo Mndumii. 6 Ili mukutumbashye mudi chi kichapfo. Mulaichi ke kitarang'asha sa kitutu kidutsye mbumba fo mso fose mtarang'ao? 7 Kyasia muahye kitarang'asha kilya kiku na nja kundu muwe mbumba mhya chando mui mulaiwawike kitarang'asha. Cha kipfa na pasaka yadu ilemmaa ishinjo, nyio Kristo. 8 Nakyo kyaenenga luachikie mkonu mnene iya yadu, chi kui kitarang'asha kilya kiku manya kui kitarang'asha kya wuporu na wuwicho kya indi kui shilaishitarang'ashe sha wusalari na wulohi. 9Njilemṟehya na paruo iya ke ma mulasangane na waṟuhui. 10Chi ngamhamba nayo waṟuhui wakeri na wuyana wu ang'u manyinyi ang'u wasoki ang'u weindya maruwa ha wongo wai nawo. Kiwei kido kiwemwitika muwuke iya wuyana. 11Kya indi wulalu kilya njilemṟehya kiwei kii-le, ke mulasangane na mndu a mlahe manowama nao awa mṟuhui ang'u inyinyi ang'u moindya maruwa ha wongo ang'u mokiruma ang'u makinango ang'u msoki. Mndu o mbaṟi ii ma ilya mulaidikye ilya nao. 12 Kipfa nyi kiki kimbode njidumbuye wa ora lo nya mdumbuye? Chi kyanu kyewonaya wa ora lo kya mba mdumbuye sho? 13Indi iwo wakeri ora lo nja nyi Ruwa echiwawonya mdumbuye. Funenyimbafu ulya ipfo kiidi kyanu.
Mwanduye fo waidiki
Currently Selected:
1 WAKORINTO 5: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
