1 WAKORINTO 6
6
1Alae. Mndu o konu awode kindo kededa na odoe nawo ekarya imwanduya ipfo ko wa mkika nalache oshangunyi lo walya wai waele? 2Ma mulaichi ke walya wai waele wechiwonya wuyana wu mdumbuye fowo? Na kokoya wuyana wu woshika iwonyo mdumbuye ipfo kundo nyo muwode menge akashika mulasumhanye yadanya mondu ii mangu idi? 3Mulaichi ke nyi lochiwonya wamalaika mdumbuye, denyi ishi sheluya moo! 4Akawo nyo ili muwode kyeanduyana kya shindo sheluya moo nyi mokedamiṟa-ho walya walawode kiṟumi ipfo siṟinyi? 5Ngahamba njido njimhutsye sonu. Na wudi muwuṟye mndu ai mṟango o ipfo kiidi kyanu awechiidima iletsana mndu na manomae. 6Kya indi mndu manowama ekeanduyana na manomae nakyo nyi ipfo patenyilya walaidikye. 7Nalyo ili muwodianyi mudi mondu muwenyi na wenyi nalyo liyenyi limwendie kihutsa. Kimaduma nyiki mulakunda iwutyo sha wukika? Kimaduma nyi ki mulakunda isoko? 8Kya indi nyo muwenyi mokewuta sha wukika na isoka mokesoka. Na wandu walya mokewawutia mudo nyi wanawamanu. 9A mulaichi ke wewuta sha wukika nyi walechioṟa wumangi wo Ruwa? Ma mulakulembe. Makiṟuhuya na mkiṟuhuyo wechioṟa wumangi wo Ruwapfo, manya weindya maruwa ha wongo; manya wetahachia wali, manya wesutsa wukika ang'u wumi. 10Manya waiwi, manya wenyi-wuehi, manya makinango, manya makiruma, manya wasoki. 11Na wa mbaṟi itsi muwekeri maata wanu. Kya indi momesanjo. Kya indi momeilisho. Kya indi momesumhantso kui rina lya Mndumii Yesu Kristo na kui Mumuyo o Ruwa odu.
Mbihu iendye Ruwa Kiṟumi
12 Shindo shose njikuwodie kyasho momu, kya indi chi shose shanjiwiia kya wuchapfo. Shose njikuwodei kyasho momu, kya indi njilawone njehenda ilimbo nyi kiliwe. 13Shindo shelya nyi sha ndewu nayo ndewu nyi ya shindo shelya. Nao Ruwa echishikombetsa shi shiwi, ndewu na shelya. Indi mbihu fo mndu fuu-mbike fuwe fo wuṟuhuipfo kya indi nyi fo Mndumii, nao Mndumii nyi menyi mbihu fu. 14Na Ruwa kashika iṟutsa Mndumii nyi echishika iṟutsa naso kui pfinya yake. 15Mulaichi ke mbihu yanu nyi yo shiwungo sha Kristo? Akashika shiwungo sho sha Kristo wulalu njishiire njihende ishihaluo shiwungo sha makiṟuhuyo? Manya! 16 Mulaichi ke ichu alungana na makiṟuhuyo nyi amewa mbihu fumu nao? Cha kipfa ahambye, walya wawi wechiwa mbihu fumu. 17Kya indi ichu alunganyi na Mndumii nyi amba mumuyo fumu nao. 18Dichenyi wuṟuhui. Orio wunyamaṟi mndu awuta na wukeri kya nja ya mbihu foke. Kya indi ichu aṟuhuya nyi atanya mbihu foke amonyi wunyamaṟi. 19 Ang'u mulaichi ke mbihu fonu nyi fomba hekalu lya Mumuyo Mwele aikaa nanyo, ichu muleinengo nyi Ruwa. Nanyo chi mukeri wanu muwenyipfo. 20Cha kipfa muiwahuṟe na mtalo fo kisale. Kyo kimwitike muhende iṟumisha Ruwa chu kui mbihu fonu.
Mbonyi tsa walyi
Currently Selected:
1 WAKORINTO 6: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
