1 WAKORINTO 3
3
1Na inyi le, wanawawama wako, njileidima ideda nanyo cha wa kimumuyopfo kya indi cha wa kimbihu, cha wana wa kikristo. 2 Njilemurutsa maruwa njilalemwinenga kelya kyumu kipfa mulawemekiidime. Ee ma wulalu moekiidima-pfo. 3Kyamba ma wulalu da mukeri-se wa-kimbihu. Kyamba ili ipfo konu kuwode wunyenyi na wuṟingi chi mui wa-kimbihu mochikuhendeshya mbaṟi ya kiwandu? 4 Nyi kokoya kwipfo ehamba, inyi njii o Paulo, na ungi ehaba, inyi njii o Apolo, chi ideda mbaṟi ya kiwandu mui? 5Alewo Apolo nyi ai ki, na Paulo nyi ai ki? Nyi wakeri wapfuṟu-kanyi mulemidikisho nyiwo na orio ose aweiṟunda kiheo kilya Mndumii alemnenga. 6 Inyi ndewaya Apolo kanosa, kya indi moalutsa shose nyio Ruwa. 7Kokoya nyi wudo kii mowaya chi kindopfo ma ichu monosa chila Ruwa moalutsa nyio. 8Kya indi mowaya na monosa wahianyi, na orio owo echiwona woṟunda woke wumsumhanye o wuidikyanyi na mawina hake. 9Kyamba so luiṟunda kimu na Ruwa, nyo mui ndonga ya Ruwa, mui wiko lya Ruwa. 10Kui kiheo kya wutonga wo Ruwa njii-msumbe nyi ngamewika kiwanja cha mpfuru mṟango na ungi kawika-ho mba. Kya indi orio ose moiwika-ho naṟunde na osaṟe. 11Kyamba kulaipfo mndu aidima iwika kiwanja kingi shie nyi kilya kilemmaa iwiko, nyikyo Yesu Kristo. 12Na kokoya mndu awika kiwanje-hu ki sahabu ang'u fesa ang'u maho maili pang'a ang'u shidi ang'u nyatsi ang'u mamwahiṟo. 13Kyasia kiṟundyo kya orio mndu kyechiwoneka na pata, kyamba mkonu fulya fulya fochikimanyisha kipfa nyi fochikuwonekya furie modo, na modo fu fumenyi nyi fochihamba kiṟundyo kya orio mndu ke nyi kiwei kya mbaṟi nki. 14Kiṟundyo kya mndu awikye-ho kikakaa-ho kiwangi echiambya woṟunda woke. 15Kiṟundyo kya mdu kikasenekya echiwudetsyo, indi o amonyi echiletso likawa cha lya mndu mokiia modo. 16 Mulaichi ke, nyo nyi hekalu lya Ruwa na ke, Mumuyo mwele ai mokaa nanyo sho? 17Kokoya mndu anyamaṟa hekalu lya Ruwa, na Ruwa echinyamaṟa mdu cho. Kyamba hekalu lya Ruwa lii yele, nalyo nyi nyo. 18Kulakae-pfo echikulemba amonyi. Kokoya kwiipfo konu akuwona amonyi ke aa mṟango na maindi ha kiwulalu, nakuwiie tondo nakuwutie-ho ihenda ṟanguo. 19 Kyamba wuṟango wo wuyana wu nyi wutondo ipfo sumuhana na Ruwa. Kyamba kii-kiṟehye kii-le, “O nyio mochawilia waṟango ipfo mlemekonyi yawo.” 20 Na lingi-se lyehamba, “Mndumii aichi makusaṟo ha waṟango ke nyi hai ha maai.” 21Kokoya nyi wudo kii kulakae-pfo echiku-shela na mndu o wandu kyamba nyi hanu hose. 22Liwe nyi Paulo, liwe nyi Apolo, liwe nyi Kefa, liwe nyi wuyana wu, liwe nyi moo, liwe nyi opfu liwe nyi shindo shi-ho liwe nyi shilya shekaa shiwe, shose nyi shanu. 23Nanyo nyi mui wa Kristo, na Kristo nyi o Ruwa.
Wasu wa Kristo
Currently Selected:
1 WAKORINTO 3: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
