1 WAKORINTO 2
2
1Na inyi lyandi ndecha na konu-le wanawawama, njechimwongoya kiṟingishyo kii-kiwike nyi Ruwa njilalecha na mtandawuko fo madedo na fo wuṟango. 2Kyamba njilalehamba njiichi kindo ipfo konu shile nyi Yesu Kristo nao nyi ili ambambye adi msalabenyi. 3 Njiwekukerye konu na mkao fo wufafa na wuowu na mdedema. 4Na ili njiweideda na yonguo ma njileidimaidima na wuṟango woitika iwinapfo kya indi njiwemanyishya-ho Mumuyo na pfinya. 5Kundu mwidikye fonu fulakae wuṟango-hu wo ki-wandu kya indi wuwe fu-mbike kui pfinya ya Ruwa.
Wuṟango wo Ruwa
6Sha wuṟango na lushiwode sheongoya walya wai waholoki, indi wuṟango wu wulai wo maindi ha ki-wulalu manya wo waitoṟi wa ki-wulalu ki kyerumara. 7Kya indi luihamba wuṟango wo Ruwa wo kisenyi wui wukoome wusa Ruwa aweteṟye. Maheri halawendewiko woluwonya so wuitoṟi. 8Kyawo waitoṟi wa maindi ha ki-wulalu walawewuichi ma umu-ho. Cha kipfa nokoe wawewuichi wawechiwambya Mndumii menyi wuitori msalabenyipfo. 9 Kyakyo kikeri chando kiikiṟehye, “Shilya riso lya mndu lilawewona ma kudu kulaweicho, manya shilaweida na ngoonyi ya mndu o wandu, nyisho Ruwa aweshiṟeheṟye walya wamkundi.” 10Natso nyio Ruwa alelutaṟa-mbuya kui Mumuyo. Kyamba mumuyo asumye shose na shiṟike sha kisenyi kya Ruwa. 11Kyamba ipfo wandunyi nyi o ku aichi shilya shiwode mndu shile nyi mumuyo fo mndu fui nao? Nyi wudo na shilya sha Ruwa kulaipfo msa aichi shile Mumuyo o Ruwa. 12Natso lulaleambya mumuyo fo wuyana, kya indi nyi Mumuyo awukye ko Ruwa kundu lukuwutye-ho imanya shilya luiwasumbe nyi Ruwa chando shii. 13Nasho nyisho luideda kyasho chi kui madedo ha-masungusie na wuṟango wo kiwandu, kya indi ha-mawike nyi Mumuyo, lochiṟinganyisha shilya sha Mumuyo na mweke fo Mumuyo. 14Indi mndu o mhendeshye fo kiwandu ekeambyana na shilya shii sha Mumuyo o Ruwapfo, kyamba shembiia wutondo nalaidime ishimanya, kipfa shekewa itichyo kui njia ya Mumuyo tupu. 15Indi mndu msumbe Mumuyo eketichya shose nao amonyi alawa itichio nyi mndu. 16 Kyamba nyi o ku aichi mhie ya Mndumii awechimloṟa njia. Indi so lui na mhie fo Kristo.
Waṟundi wa Mndumii
Currently Selected:
1 WAKORINTO 2: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
