Jenesesi 41

Yoroha ya mwene Farawu

1Vagavirile yaka mbinli dompumbula, siku nimohi mwene Farawu ohorohaga. Liye arohilege agali mutcherelani mwa muhindje Nilu. 2Evale ohoonaga ng'ombe tanu na mbinli da ahiyana, dapama eto dagali doruva, dagatavuwile muNilu mule, roma dja mpinda mutiti afwanyeya mutcherelani mwa muhindje mule. 3Eto vohodibeliwa ohoonaga ng'ombe dimohi diwa tanu na mbinli da ahiyana dotakala eto dagali dowonda ditavuwaga muNilu mule. Dagatavuwile, dohodowaga imela vamohi na ng'ombe doroma dile, mutcherelani mwa muhindje mule. 4Evale ng'ombe dotakala, dowonda dile dohoroma dja ng'ombe dapama, doruva dile. Noira eno, mwene Farawu ohorurumuwa. 5Agawelenle gona, ohoroha akoka. Yoroha yowelela ile aonnege mangala matanu na menli malukulu eto apama a tirigu, mutati mmohive. 6Vohodibeliwa ohoonaga eto mangala amohiwa matanu na menli kamelaga mwemo mwali tirigu wapama mule, kagali a mavembo eto onyala na nipevo nokaha nokumela makumelo wa nzuwa. 7Eto mangala a mavembo ale kohoromaga dja mangala malukulu apamale. Mwa enne Farawu ohorurumuwa, liye ona ira: <<Dera roha.>> 8Unde wagatchile, na mabebehi liye ohokalaga okukumuwene zela joroha jile. Mwa enne ohaitanihaga ang'anga okwima vamohi na aliba iziwa mirombwe a Ijipitu ule ira kaze kamutapulele joroha jaye jile. Aliwa kagazile, mwene Farawu ohawandela joroha jaye jile, mbwenye muwari mwa aliwa kalivo awandile tapulela.

9Mwa enne mundimuwa wa aliba sakanya jong'wa ule ohowongaga na Farawu, ira: <<Miyo, so mwene, peno nnoumbuwela joviringaniha jaga. 10Tchoira tempu yenne yatakaleliwe nyo na hiyo anamalabinyu, mudowa mwadihela miyo vamohi na mundimuwa wa aliba wotcha pawu mukadeya mwa mundimuwa wa agwarda, 11siku nimohi, mahiyu mamohive miyo na nfwagole nohorohaga eto kada yoroha yanna yotapulela yaye yaye. 12Eto mukadeya mwafwanyeya hiyo mule mohokala muzombwe mmohi namuwandenlemo hiyo joroha jihu jile, liye nitapulela. Muzombwe ule ali muEberewu, muzari wa mundimuwa wa agwarda. 13Mwa ibaribari aganitapulenlemo, jatene johokwakwanelaga nnga mwawongele liye. Nyo mohodiweliheda miyo mabasaga. Nfwagole mundimuwa wa aliba sakanya pawu ohomangeleliwa.>>

Joze ohotapulela joroha ja mwene Farawu

14Evale Farawu ohomuitaniha Joze. Mobaranya kohonkumihamo mukadeya mule, liye sata ndevu daye, wara jowara jimohi jiwa, liye dowa vamentoni va mwene Farawu. 15Evale Farawu ohomuwandelaga Joze eraga: <<Miyo dire roha. Mbwenye kalivo unawanda ditapulela. Noira eno, miyo vwa ira weyo wavwa yoroha, unowanda tapulela.>> 16Joze ohomurumela Farawu eraga: <<Unafuna wanda tapulela joroha jenyu kahi miyo. Mbwenye Mulugu gunafuna uwandelani yotapulela iwa mwapama, so mwene.>>

17Evale Farawu ohoromaga muwandela Joze joroha jaye, eraga: <<Miyo dirohile dagali mutcherelani mwa muhindje Nilu. 18Evale dohoonaga ng'ombe tanu na mbinli da ahiyana, dapama eto dagali doruva, dagatavuwile muNilu mule, roma dja mpinda mutiti afwanyeya mutcherelani mwa muhindje mule. 19Eto voharela dohoonaga ng'ombe dimohi diwa tanu na mbinli da ahiyana dotakala eto dagali dowonda ditavuwaga. MuIjipitu mwatene kannababihege ona ng'ombe dotakala nnga ha dedile. 20Evale ng'ombe dotakala, dowonda dile dohoroma dja ng'ombe dapama, doruva dile. 21Eto masiki ng'ombe dowonda dile dagamidileve ng'ombe doruva dile, kadaoneya ira dohodja yengo. Dohokalave dotakala dene nnga mwakalele atu voroma. Mwa enne miyo dohorurumuwa. 22Dagawelenle gona akoka, dohoroha mangala matanu na menli apama eto malukulu a tirigu, kagakumile mutati mmohive. 23Eto voharela kohotapuwa mangala mamohiwa, matanu na menli a mavembo eto onyala na nipevo nokaha nokumela makumelo wa nzuwa. 24Mwa enne mangala onyala ale kohodjaga mangala apamale. Jo ti joroha jirohile miyo. Nomala eno, miyo dahawandela ang'anga okwima, mbwenye kalivo uwandile ditapulela.>>

25Mwa enne Joze ohowongaga na Farawu eraga: <<Joroha jenyu jambinli jene, so mwene yotapulela iwa tchi imohive. Mulugu guirilena muwari mouwandelani jejo jinafuna liye irana. 26Ng'ombe tanu na mbinli doruva vamohi na mangala matanu na menli apama ku wonga yaka tanu na mbinli dokuma jodja pwi. Joroha jambinli jene yotapulela iwa tchi imohive. 27Eto ng'ombe tanu na mbinli dotakala, dowonda, dedo dali dogomiheda tavuwa vamohi na mangala matanu na menli a mavembo, onyala na nipevo nokaha nokumela makumelo wa nzuwa, ejo ku wonga yaka tanu na mbinli da ndala nnaza. 28So mwene, nnga mwemo muwongele miyo voroma, Mulugu gunauonihani yenno inafuna liye irana. 29Nnoza yaka tanu na mbinli dokuma jodja johokala ja masika ilambo yatene yenna ya Ijipitu. 30Eto yaka dedo damala, sogolro uwa unoza yaka tanu na mbinli da ndala. Yaka dedo dafiya, atu anoza kadiwale ira muIjipitu muno mohokala jodja johokala ja masika. Eto ndala yenno inoza iduwihe ilambwela. 31Ndaliwa inaza ikale yohokala ya masika yofiyeda adiwaliha atu atene ira mwilamboni muno mohokala jodja johokala ja masika. 32Para nyo rohaga yengo imohive fendo mbinli, tapulela ira Mulugu ulumbela ira airena eto unoirana vohodibeliwa.

33<<Nona, so mwene, inafwanela mmusake mulombwana wa zelru, oiziwetchetcha, mmurume ira akale musogolrelri wa ilambo yenna ya Ijipitu ira akoyege jodja. 34Mwamala mwaasakulre eto andimuwa amohi ira kalabege vamohi na musogolrelri ule ira kasokelege pandi yanetanu ya jodja jatene jinakumege muIjipitu muno,#41:34 kasokelege pandi yanetanu ya jodja jatene jinakumege muIjipitu muno: Tapulela kada mutu ahandaga jodja jaye, aliba soka kamugawela pandi nnayi maliba munda. Pandi imohi yakala yokoya ira idjiwe muwari mwa yaka da ndala. muwari mwa yaka tanu na mbinli dokuma jodja, kakoyege. 35Aliwa kasokelege jodja jatene ja yaka dapama nnafuna za, kakoyege muwari mwa sidadi datene na nzina na mwene. 36Jodja jinafuna atu koya ti jejo jinafuna za avulumutcha atu muwari mwa yaka tanu na mbinli da ndala nnafuna za. Era eno ndala yenno inafuna za muIjipitu muno yafiya, atu kinakwa.>>

Joze ohambihiwa ira akale musogolrelri wa Ijipitu

37Mwene Farawu na anamalabaye atene kohoziveliwa yowonga ya Joze. 38Evale Farawu ohowonga na anamalabaye eraga: <<Mwaonelramo, mwilamboni muno nnowanda nfwanya mulombwana ozaleliwa Munemba wa Mulugu nnga wenna? Miyo kannamuonamo.>> 39Evale ohomuwongagana Joze, liye ira: <<Voira Mulugu uhuwanda uiziwiha jatene jeji, hiyo nnaona ira kalivo mutu mmohiwa oiziwetchetcha eto okana zelru nnga weyo. Weyo gunafuna kala musogolrelri okoya jodja. 40Miyo meka bahi gunafuna ukwaranya weyo ineriha miyo dili mwene. Mbwenye weyo unerege asogolrelra andimuwa atene analaba palasiyoni waga eto atwaga atene anerege uvwelela weyo.>> 41Mwene Farawu ohowongagave eraga: <<Miyo eni peno duhambiha ira ukale musogolrelri wa ilambo yatene yenna ya Ijipitu.>> 42Evale mwene Farawu ohowungula aneli waye wa umwene liye muwariha Joze muibunoni mwaye. Eto ohomuwarihaga nguwo dapama dosakanyiwa na usalru wapama,#41:42 ohomuwarihaga nguwo dapama: Nguwo davahiwe Joze dali dosakanyiwa na usalru wapama osakanyiwa na mwana yomela imohi inaitaniwa linho na izugu. Tchi nguwo yapama kwaranya nguwo dimohi diwa. eto ohomuwarihaga kolare wa oru nkohini mwaye. 43Eto ohomugwelihaga aterelado#41:43 atereladoali tchova atutumuliwa na ng'ombe nari kavalo. Mutu owanda gwela mukarasariyani mule, liye garati nnga uli mukaroni enne. So motori omuwendiha ali inyama yenno yamangiha atu sogolro. Do dali karo da andimuwa a wanle. Ali karo dawendetchana amwene owu hehi anyakondo, owu hehi mutu orayela. waye wanembinli wa umwene,#41:43 aterelado waye wanembinli wa umwene: Farawu ohokana aterelado waye oroma wa umwene. Joze mbwenye avahiwe aterelado wanembinli wa umwene ira awendegena. Ku wonga Joze kamuova mutu uli watene ahali Farawu bahi. eto oharuma atu amohiwa aliwa kala vasogolro va Joze, aliwa kuwaga keraga: <<Nkokoreleni! Nkokoreleni!>> Kukala hambihiwa wa Joze musogolrelri wa ilambo yatene ya Ijipitu.

44Eto Farawu ohowonga na Joze eraga: <<Unawonga gu miyo vano dagali Farawu. Mwilamboni mwatene mwa Ijipitu mu, kalivo mutu unafuna hinda yengo ili yatene aharumelihiwe na weyo.>> 45Noira eno, Farawu ohonvaha Joze nzina na Zafenate Paneya eto ohomuteliha na muhiyana mmohi eriwa Asenati, mwana Potifera, namakuta wa Oni.#41:45 namakuta wa Oni: Hiyo kaniiziwile akala ali namakuta wa Mulugu owu hehi ali namakuta wa amilugu a aIjipitu. Maji jinawanganyediwa ira ali namakuta wa amilugu. Noira eno, Joze ohoroma wendawenda ilambo yatene ya Ijipitu. 46Joze aromaga laba mabasa a Farawu mwene wa Ijipitu afwanyeya aganna yaka 30. Mwa enne liye ohokumagavo vamentoni va mwene Farawu, liye roma vira mwilamboni mwatene mwa Ijipitu.

47Muwari mwa yaka tanu na mbinli da murendele dile, mwilamboni mwa Ijipitu mohokuma jodja johokala ja masika. 48Mwa enne Joze ohovenya roma gumaniha jodja jatene johala muIjipitu mule muwari mwa yaka tanu na mbinli dapama dile, liye koyaga muwari mwa sidadi. Kada sidadi akoyamo jodja jakuma minda dowandamelana. 49Na makalelo anne, Joze ohowanda koya jodja jidjindji, nnga miseva da mutcherelani mwa bara, liye fiyeda hiya kontari josokela jasokenle liye, mwasiwa kajawanda kontareya voira josimbwa indjiva.

Ahima oroma a Joze

50Yaka da ndala dahanafiye, Joze ohabala ahima ambinli na muhiyanaye Asenati mwana Potifera, wenno ali namakuta wa Oni. 51Mwana oroma Joze ambanle liye, anvahile nzina na Manasesi [ku wonga diwala], liye ira: <<Mulugu uhusakanya ira didiwale goyi daga datene eto didiwale vande va ababaga.>> 52Mwana wanembinli anvahile nzina na Efarayimi [ku wonga kana ahima] eraga: <<Mulugu uhusakanya ira dikayena ahima mwilamboni mwasimelihiwa miyo.>>

53Noira enne, yaka tanu na mbinli dile dokuma jodja pwi pwi muIjipitu, dohomala. 54Mwa enne dohoroma yaka dimohi diwa tanu na mbinli da ndala nnga mwemo Joze mwawongele liye. Evale muwari mwa vilambo datene mohozaga ndala yohokala ya masika. Mbwenye mwilamboni mwatene mwa Ijipitu mohokala jodja. 55Mwa enne mwilamboni mwa aIjipitu mule jodja jagaamalenle atu atene, mwagavolowile ndala, atu kohovenyaga, aliwa dowa nfwanya mwene Farawu ira kanvepe jodja. Mbwenye Farawu ohawandela eraga: <<Kamudiwongena miyo! Mbwenye mumaruwe, mwanfwanye Joze. Eto mwadowa, mwairena yenno inafuna liye wonga.>>

56Ndala yagamanle duwiha muIjipitu mwatene, Joze ohula nyumba dokoyamo jodja, liye roma aguliheda aIjipitu jodja, mwasiwa ndala yerave simbwa muIjipitu mwatene. 57Eto atu amohiwa a vilambo datene koza muIjipitu mule gulaga jodja na Joze mwasiwa ndala yohotabwa ilambo yatene ya vati.

Currently Selected:

Jenesesi 41: iLolo

Highlight

Copy

Compare