Detoronomiyo 24
24
Zela muselu omwalana
1Mozeji ohowongagave eraga: <<Akalavo mulombwana mmohi amutela muhiyana, ahamuziveliwaga na mwasa omuonana yengo yomutakalela, alremba karta nowonga zela mwalana wewa,#Matewuji 5:31, 19:7; Markuji 10:4 anvaheda muhiyanaye ule, amulanya adowa waniwa, 2evale muhiyanole adowa, ateliwa na mulombwana mmohiwa, 3eto mulombwana mmohiwa ogomiheda ule ahamuziveliwege muhiyanole, alremba karta nowonga zela mwalana wewa, anvaheda, amulanya adowaga waniwa, owu hehi mulombwana ogomiheda amutenle ule akwa, 4era eno, kavikale jowandeya ira mulombwana oroma amulanyile ule aze amutele akoka. Tchoira muhiyanole uhumala takalihiwa. Mwa eno, kawelelana yenno inafwanyeya yagali yengo yotakaletchetcha vamentoni va Yehova. Nona kamuhiye jejo jiireyaga, mutakalihaga ilambo yenno Yehova Mulugu wenyu unafuna liye uvahani ira ikale yenyu.
5<<Mulombwana amutela muhiyanaye, inafwanela akayegena yaka imohi vande ahagalalaga na muhiyanaye wenno umutenle liye. Kadowe kondoni eto nne kalabihiwe mabasa ali atene.>>#24:5 kalabihiwe mabasa ali atene: Mazwala kinawonga ira liye agarati wene jaye. So mbwenye anakondiha mutu vahiwa mabasa na guverno ira adowe akalege olapela wene na muhiyanaye na mwasa wa mabasa analaba liye ale. Mbwenye inafwanela liye agarati vande na muhiyanaye, kalabege mabasiwa a vande, nzuwa navira akalege na muhiyanaye ule, hiyaniha no dowa gonaga olapena wene, muhiyanaye gonaga vande ekave.
Zela joboliha
6<<Wamboliha mutu yengo, kutukule nibada na mwisiwene#24:6 nibada na mwisiwene: MaBibiliya amohiwa anawonga ntchilo vamohi na mwanapeluwa, mwasiwa tempu yenno jalabana atu ali jejo. ira jikale ipanda, eto nne kutukule masiki mwisive bahi. Tchoira watukula jengo jejo tchi imohive no tukula ingumi yaye yompumbula.
7<<Muwari mwa nyo akalavo mutu mmohi unambe#Ezodu 21:16 mbalaye muIzarayeli ira akale muzari waye nari adowe amugulihe, inafwanela mbava ule apiwe. Ayo ba makalelo anafuna nyo malihaga ubure vari venyu.
8<<Muwari mwa nyo akalamo mutu mmohi akana urenda wa maranya,#24:8 maranya anawongiwa ba marenda ohiyana-hiyana anakala na tembe na mutu. Nione eto Levitiku 13:1-54. inafwanela muharihegemo muwari moing'ana pama jatene jinauwandelegeni anamakuta anno anafwanyeya kagali aLevi. Inafwanela muing'ane pama ira muharihegemo nnga muuwandenleni miyo. 9Muumbuwele jejo Yehova Mulugu wenyu amuirele liye Miriya#Numero 12:10 mwagali mundila, mukumaga Ijipitu.
10<<Wamboliha mutu yengo, kuvolowe mmba mwaye, udowa watukulamo ipanda. 11Mbwenye inafwanela ukale unde, umudedihe mwinnya avolowe adowe atukule, aze auvahede mmandani mwawo. 12Eto liye akala mutu osimela, watukula kapa yaye inafuna liye vikunelana ira ikale ipanda, kuvireliwena mahiyu ompumbula vande vawo. 13Nzuwa naviraga, umuwelihede ipanda yaye ira liye awande vikunelana kapa yaye mahiyu anne. Era eno unoureliha. Eto weyo waira eno, uhusakanya upama vamentoni va Yehova Mulugu wawo.#Ezodu 22:26-27
Makalelo oawendela tangaranga aliba za, anapawi vamohi na atu osimela
14<<Wanvaha ganyo mutu osimela agali osanyeya, masiki kala muIzarayeli nfwawo nari masiki kala mutu oza wenno unafwanyeya mwilamboni mwawo na mutatamoni mwawo, kumulabihege na makalelo abure. 15Inafwanela umpagalrigi kobiri yaye siku nene nzuwa nahanavire. Mwasiwa liye gu mutu osimela eto unawanda kalawo muwari mwa kobiri yenne. Tchoira wahanvahe, liye unokuwa wa Yehova, evale weyo unofwanyeyana yotega.#Levitiku 19:13
16<<Kakalevo babi unafuna piwelaga yotega ya mwanaye, nne kakalevo mwana unafuna piwelaga yotega ya babaye. Kada mutu apiwelege yotega yaye.#2 Amwene 14:6; 2 Koronika 25:4; Ezekiyeli 18:20
17<<Kamuviringanihege tonga wa ibaribari mwaaona atu oza vamohi na anapawi, nne kamutukulege yowara ya makwele wa muhiyana ira ikale ipanda. 18Mbwenye inafwanela muumbuwele ira na nyenne mwali azari mwilamboni mwa Ijipitu eto Yehova Mulugu wenyu gwauwombonleni mwilamboni mule. Nona miyo nnouwandelani ira muiregena jeji.#Ezodu 23:9; Levitiku 19:33-34; Detoronomiyo 27:19
19<<Wahandaga mmindani mwawo, wadiwala nipitika nimohi, kuwelele mundulri ira watukule. Uhiye mmundani mwemule ira atu oza na anapawi vamohi na amakwele a ahiyana kadode ira Yehova Mulugu wawo aurelihe muwari mwa mabasa matene analaba we na mandawo. 20Wavosolaga mitengo da azeti, jovaha jimohi jinahala mwemule kuwelele vosola akoka ira jimalemo jatene. Inafwanela uhiye emule ira atu oza na anapawi vamohi na amakwele a ahiyana kadowe kamarihemo. 21Eto wahatchaga jovaha ja uva mmundani mwawo, jahalamo kuwelele mundulri ira wamarihemo. Mbwenye inafwanela uhiye mwemule ira atu oza na anapawi vamohi na amakwele a ahiyana kadowe kamarihemo. 22Eto muumbuwele ira na nyenne mwali azari mwilamboni mwa Ijipitu. Nona miyo nnouwandelani ira muiregena jeji.>>
Currently Selected:
Detoronomiyo 24: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
