1 Koronika 20
20
Davi ohogondjiha sidadi ya Raba
1Yaka imohiwa, maromelo wene wa yaka, tempu amwene kadowetcha atu kondoni, Jowabe ohomaruwaga na anyakondo aye, liye dowa bwanyula ilambo ya akuda Amoni. Mbwenye Davi ahanlege muJeruzalemu. Nomala Jowabe na anyakondo a Izarayeli kohodowa eto rindja sidadi ya Raba, aliwa ibwanyula. 2Mwa enne Davi ohomuwungula mwene wa aAmoni ule tchapowa wa umwene afwanyeya mmuruni mwaye. Tchapowa ule asakanyiwe na oru eto ali oriyihiwa na mabwe ofuneyetchetcha. Agapimile nyemela uwa, afwannye ira ali kilu 34. Evale Davi agamuwakile mwene nfwaye ule, kohelaga vamuru vaye. Liye eto ohotukulaga jengo jidjindji japama jafwanyeya musidadi mule. 3Liye eto ohatukula atu kakala musidadi mule, dowa alabihaga mabasa okanyihediwa, laba uwa kalaba na seroti, himba na mbazo dosakanyiwa na momba. Davi airana eno sidadi datene mwakala akuda Amoni. Noira eno, Davi ohowelelaga Jeruzalemu akoka vamohi na anyakondwaye atene.
Atu alukulu a kopolo kapiwe na anyakondo a Davi
4Jagaireyile eno, wohooneya eto kondo imohiwa vari va aIzarayeli na aFilistewu sidadi ya Jezeri. Evale muIzarayeli mmohi eriwa Sibekayi wa tatamo ya Husati ohompaga Sipayi wenno abaliwe muibalini mwa atu alukulu olapa. Evale aFilistewu kohogondjihiwa. 5Nomala enne, yohotatamuwaga eto kondo imohiwa na aFilistewu, evale mulombwana Eliyanani mwana Jayire ohompa Lami wenno ali Goliya mbalaye nkuda Gate. Lami ule ohokana mwanango mulukulu eto onyemela. 6Noira enne, wohooneya eto kondo imohiwa ilambo ya Gate. Wewule wohokala nFilistewu olapetchetcha anna jibuno tanu na imohi va kada ndanda eto tanu na imohi va kada nnyalo. Gumaniha jibuno jatene, kalaga jibuno 24. Liye eto abaliwe muibalini mwa atu alukulu olapa ale. 7Evale liye ohozaga, roma apokihaga aIzarayeli. Mbwenye mwene Davi mbalaye Simeya mwanayiwa eriwa Jonata, ohodowaga liye mpa. 8Atene anne kali atu kabaliwe muibalini mwa atu alukulu olapa kakala Gate. Davi vamohi na anyakondwaye kohapa alombwana olapa ale.
Currently Selected:
1 Koronika 20: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
