1 Koronika 14
14
Ulukula wa umwene wa Davi
1Hirawu mwene wa Tiru oharumaga aliba milanyo wa Davi na matabwa a seduru, aliba manga na anamasema ira kammangele Davi palasiyo. 2Mwa enne Davi ohoonelramo ira na ibaribari Yehova ohogarateyiha eto ohovweyiha umwene waye na mwasa oaziveliwa atwaye aIzarayeli.
3Davi agali Jeruzalemu ohatelave ahiyana amohiwa, liye abala ahima a anapongwe na anavihiyana.#14:3 Davi… ohatelave ahiyana amohiwa: Mazwala kahi mazu omutetela Davi. Mwasiwa Mulugu ohowonga ira mwene kavende joakana ahiyana pwi pwi. (Detoronomiyo 17:17) Fwanyeya ira Davi kawandile wenda na makalelo ofwanela vamentoni va Mulugu zela ja ahiyana. Nione eto 2 Samuweli 11:2-5,27. 4Ahima aabanle liye agali Jeruzalemu maziniwa ba ala: Samuwa, Sobabe, Nata, Salomawu, 5Ibari, Elisuwa, Elipeleti, 6Noga, Nefegi, Jafiya, 7Elizama, Beliyada na Elifeleti.
8AFilistewu kagavwile ira mulombwana Davi uhambihiwa kala mwene wa aIzarayeli atene, kohomaruwaga anyakondo atene ira kamuhinde Davi. Davi agavwile enne ohomaruwa ira awane na aliwa. 9AFilistewu ale kohofiyaga ndabo na Refayina, aliwa roma laba ja utchopitchopi. 10Evale Davi ohonfukaga Mulugu eraga: <<Kodi didowe dawane na aFilistewu? Nnga dadowa wana na aliwa, nyo munoavelela mmandani mwaga ira daagondjihe?>> Evale Yehova ohomuwakula eraga: <<Kadowa, miyo nnoavelela mmandani mwawo ira waagondjihe.>> 11Evale Davi vamohi na anyakondo aye kohodowaga ilambo imohi eni, aliwa agondjiha aFilistewu ale. Nomala eno Davi ohowongaga eraga: <<Muwari mwa miyo, Mulugu uhabwanyula aFilistewu nnga jinaira mahindje madjindji kabwanyulaga jengo!>> Na mwasa wenne, kohovahaga nimburo nenne nzina na Bali-Perazimi [ku wonga Nabwiya obwanyula]. 12AFilistewu ale kohotawaga, aliwa ahiya amilugu ewa. Evale Davi ohoruma ira amilugu ale katumeyiwe.
13Nomala aFilistewu kohowelela akoka, aliwa vitanda vadaboni vevale ira kawane. 14Evale Davi ohonfukaga akoka Mulugu. Nomala eno, Mulugu ohomuwakula eraga: <<Fendo ila kudowe wawane sogolro wewa, so mbwenye inafwanela udowe vili mitengo da amore, waakumelele mundulri mwiwa. 15Wavwa kalaga nnga migugudo da atu dikumelaga muzulu mwa mitengo da amore, udowe watatamule kondo mwasiwa miyo Mulugu nnadowa sogolro wawo ira daagondjihe anyakondo a aFilistewu!>> 16Evale Davi ohoiragana eno nnga mwemo Mulugu mwamurumele liye. Evale ohagondjiha aFilistewu, aliwa roma tawa kumela Jibeyawu dowagave fiyeda Jezeri. 17Evale vweya wa Davi wohogaweya vilambo datene da wewule. Eto Yehova ohosakanya ira malogo matene kamuovege.
Currently Selected:
1 Koronika 14: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
