1 Koronika 15
15
Tukuliwa wa Kaxa ya Yopangana vande va Obedi-Edomu para Jeruzalemu
1Davi ohomangaga nyumba daye muwari mwa sidadi ya Davi. Nomala eno ohosakanyeda nimburo ira Kaxa ya Yopangana ya Mulugu ikalegevo. Ohosakanyeda eto musasa ira Kaxele ikalegemo. 2Nomala Davi ohowongaga eraga: <<Kakalevo unafune tukula Kaxa ya Yopangana ya Yehova ahali aLevi, mwasiwa aLevi banno Yehova aasakunlre liye ira katukulege Kaxa ya Mulugu eto ira kamulabege kala no kala.>> 3Evale Davi ohaitanihaga aIzarayeli atene ira kagumane Jeruzalemu ira katukule Kaxa ya Yehova, kadowe kaihele nimburo neno nasakanyedile liye ira Kaxele ikalegevo. 4Nomala eno Davi ohaitanihaga akuda Arawu na aLevi ala: 5Muwari mwa ahima a Kowati, Davi amuitanihile musogolrelri Uriyeli vamohi na abalaye 120. 6Muwari mwa ahima a Merari, Davi amuitanihile musogolrelri Asaya vamohi na abalaye 220. 7Muwari mwa ahima a Jeresoni, Davi amuitanihile musogolrelri Joweli vamohi na abalaye 130. 8Muwari mwa ahima a Elizafa, Davi amuitanihile musogolrelri Semaya vamohi na abalaye 200. 9Muwari mwa ahima a Eboroni, Davi amuitanihile musogolrelri Eliyeli vamohi na abalaye 80. 10Muwari mwa ahima a Uziyeli, Davi amuitanihile musogolrelri Aminadabe vamohi na abalaye 112. 11Nomala Davi ohaitanaga anamakuta Zadoki na Abiyatare vamohi na aLevi ala: Uriyeli, Asaya, Joweli, Semaya, Eliyeli na Aminadabe. 12Liye ohawongana eraga: <<Nyo muli andimuwa a muibalini mwa aLevi. Inafwanela muvitchenihe nyo vamohi na abalinyu ira mudowe mwatukule Kaxa ya Yopangana ya Yehova Mulugu wa Izarayeli, mwahele nimburo neno disakanyedile miyo ira ikalegevo. 13Na mwasa oira voroma vale nyo kamwatukunle Kaxa ya Mulugu, Yehova Mulugu wehu ohonitakaleliwa, liye nitonga tchoira kanavendile iziwa makalelo afuna Mulugu ira hiyo niirena.>> 14Evale anamakuta na aLevi afwiwa kohovitchenihaga ira kadowe katukule Kaxa ya Yopangana ya Yehova Mulugu wa Izarayeli. 15ALevi kohoitukulaga Kaxa ya Mulugu ile na jimiri, aliwa hela vafudi nnga mwawongele Mozeji mohara mazu a Yehova.
16Davi eto ohawandelaga asogolrelri a akuda Levi ira kaasakulre muwari mwa abaliwa anamaimba joimbana nnga lira, arpa na joimbana jinakala nnga parato ira kavweyihe joimbana jile mokuwa eto kaimbe na milomo mazu ohagalala. 17Mwa enne aLevi kohomusakulra Emani mwana Joweli na mbalaye Asafe mwana Berekiya. Eto muwari mwa abaliwa akuda Merari kamusakunlre Etani mwana Kuzaya. 18ALevi kohasakulra abaliwa amohi ohareliwa: Zakariya, Bene, Jaziyeli, Semiramoti, Jeyeli, Uni, Eliyabe, Benaya, Maseya, Matatiya, Elifelewu, Mikineya vamohi na agwarda a mulango ambinli kagali Obedi-Edomu na Jeyeli. 19Anamaimba Emani, Asafe na Etani kaimba joimbana jinakala nnga parato josakanyiwa na mukuwa. 20Anamaimba Zakariya, Aziyeli, Semiramoti, Jeyeli, Uni, Eliyabe, Maseya na Benaya, kaimba na lira, aliwa vweyihaga nizu na vazulu. 21Anamaimba Matatiya, Elifelewu, Mikineya, Obedi-Edomu, Jeyeli na Azaziya kaimba na arpa moahara afwiwa na nizu na vati. 22Mulombwana Kenaniya, musogolrelri wa anamaimba a aLevi, anna mabasa osogolrelra nyumbo mwasiwa liye ohokana dodolriso doimba. 23Berekiya na Elikana kali agwarda a va mulango mwali Kaxa ya Yopangana. 24Anamakuta Sebaniya, Jozafa, Natanayeli, Amasayi, Zakariya, Benaya na Eliyezeri kaimba palraza vasogolro va Kaxa ya Mulugu. Eto mulombwana Obedi-Edomu na Jeyiya kali agwarda a va mulango mwali Kaxa ya Yopangana.
25Mwa enne Davi na andimuwa a Izarayeli na asogolrelri a anyakondo 1.000 kohodowa mohagalala tukula Kaxa ya Yopangana ya Yehova vande va mulombwana Obedi-Edomu. 26Voira Mulugu ohakamiheda aLevi anno katukula Kaxa ya Yopangana ya Yehova, kohovelelaga mukuto wa ng'ombe da alombwana tanu na mbinli eto kohovelelaga mabila a alombwana matanu na menli. 27Davi awarilege bata yosakanyiwa na usalru wapama wa yomela inaitaniwa linyu nnga bata dedo dawarile aLevi anno katukunle Kaxa ya Yopangana na anamaimba vamohi na mulombwana Kenaniya. Kenaniya ule ali musogolrelri wa atu katukunle Kaxa ya Yopangana eto ali musogolrelri wa anamaimba. Davi eto ohowara kuleti ya unamakuta yosakanyiwa na usalru wapama wa yomela inaitaniwa linyu. 28Mwa enne aIzarayeli atene kohoivelelaga Kaxa ya Yopangana ya Yehova mohagalala, kaimbaga palraza da manyanga, palraza dohaniwa, joimbana jinakala nnga parato, lira na arpa.
29Mwa enne kavolowagana Kaxa ya Yopangana ya Yehova musidadi ya Davi, mwadi Davi wenno aitaniwa Mikali mwana Sawuli, ohopatamelaga vajanelani, liye muona mwene Davi ainaga, alupalupaga mohagalala. Agamuonne enne, ohomulramwisaga mmirimani mwaye.
Currently Selected:
1 Koronika 15: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
