Jabuura 145
145
Jabuura 145
1Jabuura jettooje mo Daawda winndi.
Mi manete yaa Laamɗo, kaananke am,
mi teddinan innde maaɗa faa abada abaadin.#145:1 Ley Suura oo, diidi binndi ɗiɗi fuu wo ƴi'e Ibraninkoore gootal fuɗɗirta gilla go'aɓal Alef faa yotto noogay e ɗiɗaɓal Tav.
2Mi yettete nyannde fuu,
mi manan innde maaɗa faa abada.
3Joomiraaɗo wo mawɗo, jeyɗo maneede sanne,
manngu makko walaa kaddi.
4Haala golleeji maaɗa mawɗi fillitete ley jamaanuuji fuu.
Kabaaru majji cifete ley jamaanuuji fuu.
5Mi miccitoto manngu maaɗa e teddeengal darja maaɗa,
e kabaaru golleeji maaɗa kaayniiɗi ɗiin fuu.
6Kabaaru golleeji maa kulɓiniiɗi fillitete.
Miin du mi haalan kabaaru manngu maaɗa.
7Yimɓe miccitorto mbooɗirka maa keewɗo oon e ilinaali.
Ɓe ƴeewnorto kabaaru dartaare maaɗa ndeen e seyo.
8Joomiraaɗo wo jurmotooɗo, jom hinney,
mo yaawaa tikkude, keewɗo yidde.
9Joomiraaɗo na waɗana yimɓe fuu ko wooɗi.
Imo yurmoo ko o tagi fuu.
10Yaa Joomiraaɗo, huunde fuu ko taguɗaa manete!
Hooliiɓe maa du njettete.
11Ɓe kaalan kabaaru teddeengal laamu maaɗa.
Ɓe pillitoto manngu baawɗe maaɗa,
12faa ɓiɓɓe-Aadama fuu paama kabaaru golleeji maaɗa mawɗi,
e darja teddeengal laamu maaɗa manngu.
13Laamu maa wo laamu tabitoowu.
Baawɗe maaɗa nduumoto ley jamaanuuji fuu.
Joomiraaɗo wo koolniiɗo,
o kolloowo hinney ley ko o waɗata fuu.#145:13 Feccere aayaare ndeen tawaaka ley dewte ibraninkoore keewɗe.
14Joomiraaɗo wo balloowo boɓɓiiɓe fuu.
Imo dartina turiiɓe fuu.
15Yaa Joomiraaɗo, yimɓe fuu na eela ballal maaɗa.
Wo aan hokkata ɗum'en nyaamdu wakkati kaanɗo.
16Aɗa omta junngo maaɗa,
faa kaarnaa ko wuuri fuu fodde ko haajaa.
17Joomiraaɗo wo ponnditiiɗo e ko waɗata fuu.
Wo o koolniiɗo ley ko gollata fuu.
18Joomiraaɗo na ɓadii noddooɓe ɗum,
noddirooɓe ɗum e goonga ɓeen fuu.
19Imo tabintina muuyɗe hulooɓe makko,
imo nana bullaali muɓɓen,
imo danna ɗum'en.
20Joomiraaɗo na reena yiɗuɓe ɗum fuu,
de bonɓe kaa, o halkan ɗum'en.
21Hunnduko am manan Joomiraaɗo.
Ko wuuri fuu yetta innde makko seniinde ndeen faa abada!
Currently Selected:
Jabuura 145: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
