Jabuura 146
146
Jabuura 146
1 Haleluuya!
Yonki am, manu Joomiraaɗo!
2Mi manan Joomiraaɗo ley nguurndam am fuu!
Mi maniran Laamɗo am jimi haddi balɗe am fuu!
3Taa koolee ardiiɓe,
ɓiɓɓe-Aadama ɓe mbaawaa dannude on ɓeen.
4Foofaango maɓɓe nyifan, ɓe njeccoo e leydi.
Nyannde ndeen ko ɓe anniyinoo fuu laatoto ɓolum.
5Barke woodanii neɗɗo mo Laamɗo Yaakuuba wallata,
mo jikke mum yowii dow Joomiraaɗo, Laamɗo muuɗum!
6Oon woni taguɗo kammu e leydi, e ko woni e muɓɓen fuu.
Kanko tagi maayo e ko woni e maggo fuu.
Wo kanko woni koolniiɗo faa abada.
7Imo taƴana torraaɓe sariya goonga.
Imo nyaamna yolbuɓe.
Joomiraaɗo na wurtina ommbaaɓe e kasu.
8Joomiraaɗo na wumtina wumɓe.
Joomiraaɗo na dartina turiiɓe.
Joomiraaɗo na yiɗi fonnditiiɓe.
9Joomiraaɗo na reena yananɓe.
Imo walla atiime'en e rewɓe maayraaɓe goriraaɓe muɓɓen.
Ammaa imo halka dabareeji bonɓe.
10Joomiraaɗo laamoto faa abada!
Wo kanko woni Laamɗo maaɗa, aan Siyona,
ley jamaanuuji fuu.
Haleluuya!
Currently Selected:
Jabuura 146: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
