Jabuura 141
141
Jabuura 141
1Jabuura Daawda
Yaa Joomiraaɗo, miɗo nodde, nootam law!
Hettindanam nde noddammaami fuu.
2Du'aaw am laatoo hono urdi yeeso maaɗa.
Juuɗe am ɓantiiɗe faro maaɗa ɗeen du, hono sadaka futuro.
3Yaa Joomiraaɗo, reenu hunnduko am.
Hayban toni am.
4Taa accu ɓernde am oonyoroo to boni.
Taa mi hawrita e waɗooɓe ko boni de mi waɗa golle bonɗe.
Noon waɗta taa mi meeɗa nyaamdu maɓɓe.
5Si ponnditiiɗo fiyii kam fu, na laatanii kam moƴƴere.
Si o eeltii kam du, ɗum wo nebam rufaa dow hoore am.
Ammaa mi heddoto e du'aaw faa bonde maɓɓe ndeen daaƴa.
6Sarotooɓe maɓɓe paɗɗee dow tunte.
Ndeen haalaaji am ɗiin kettinte sabo wo ɗi lobbi.
7No demoowo urgitirta leydi de sankita ndi noon,
wo noon ƴi'e amin cankitiraa ley laahara.
8Wo faro maaɗa ndaarammi, yaa Laamɗo Joomiraaɗo,
sabo to maaɗa keɓammi ndeenaagu.
Taa accu mi waree!
9Hisinam e tuugol ngol bonɓe pukkinani kam
e bedorɗe ɗe ɓe mballinanii kam ɗeen.
10Waɗu bonɓe caama e tuugi muɓɓen
de wakkati oon tawa miin kaa mi daɗii.
Currently Selected:
Jabuura 141: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
