Esaaya 12
12
Yettoore Laamɗo Kisinoowo
1Nyannde ndeen a wi'an:
Miɗo yette, yaa Joomiraaɗo,
sabo a tikkaniino kam,
ammaa tikkere maaɗa ndeen feewii.
A waaltinii ɓernde am.
2Inan Laamɗo Kisinoowo kam.
Miɗo hoolii, mi diwnataa,
sabo Joomiraaɗo woni semmbe am!
Kanko waɗi miɗo yima.
O laatanake kam kisinoowo.
3On ƴoogirowan ndiyam e seyo ley ilduɗe kisindam.
4Nyannde ndeen on mbi'an:
Njettee Joomiraaɗo, teddinee innde makko.
Ngooynee golleeji makko mawɗi ɗiin hakkunde lenyi.
Pillitee no innde makko foti manngu.
5Njimanee Joomiraaɗo sabo o gollirii no haaynorii.
Golle makko mawɗe ɗeen ngooynee ley adunaaru fuu.
6Onon jooɗiiɓe Siyona,
ɓantee daaɗe mooɗon, peekoroɗon e seyo,
sabo Ceniiɗo Israa'iila oon na laatii mawɗo hakkunde mooɗon.
Currently Selected:
Esaaya 12: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
