Wurtagol Ko taweten ley mayre
Ko taweten ley mayre
Dewtere nde na fuɗɗa wakkati mo dewtere Fuɗɗoode timmata oon. Inde yaara yeeso e kabaaru Israa'iilankooɓe ƴuwdi Ibrahiima.
Ko wurtagol yiɗi hollude wo wurtagol Israa'iilankooɓe e leydi Misira faa ngarta e leydi ndi Laamɗo aadaninoo Ibrahiima.
E fuɗɗoode mayre, Israa'iilankooɓe ɓeen na laatinoo maccuɓe tampinaaɓe ley junngo Fira'aawna, kaananke Misira. Iɓe mbullitonoo to Laamɗo, de kam du suɓii Muusaa faa ardoo ɓe, ɓe mburtoo e leydi Misira. Noon Joomiraaɗo tabintiniri ko aadaninoo Ibrahiima e Isiyaaka e Yaakuuba ɗuum.
Wurtagol maɓɓe Misira hawrii e hono duuɓi 1 400 fadde Almasiihu e warude ley adunaaru (E dewtere 1 Kaanankooɓe 6:1 na winndaa Suleymaana fuɗɗi nyiɓude suudu Dewal Joomiraaɗo duuɓi 480 caggal wurtagol yimɓe Israa'iila e leydi Misira).
Caggal dillugol maɓɓe Misira, ɓe keɓi torraaji keewɗi e dow laawol maɓɓe jahoowol leydi Kanaana. Nde ɓe njottinoo waamnde Sinayi ndeen, Joomiraaɗo hollii ɓe jamirooje ɗe yiɗi ɓe njokka faa ɓe mbuurda fodde muuyɗe muuɗum. O tindini ɓe dow no Hukum Ceniiɗo nyiɓirtee e dow no kirsamaaji e iidiiji ngaɗirtee faa ɓe ɗowtanoo mo no haaniri.
Ko'e haalaaji mawɗe
Suura 1: Maccungaaku Israa'iilankooɓe ley leydi Misira.
Suura 2: Kabaaru Muusaa gilla cukaaku muuɗum.
Suura 5:1 faa 15:21: No Laamɗo waɗiri maandeeji kaayniiɗi faa wurtina yimɓe muuɗum e Misira.
Suura 15:22 faa 19:25: Yaadu Israa'iilankooɓe ley ladde yoornde faro waamnde Sinayi.
Suura 20 faa 31: No Joomiraaɗo hokkiri Muusaa jamirooje dow waamnde Sinayi, e laawi no Hukum Ceniiɗo nyiɓirtee.
Suura 32: No Israa'iilankooɓe muurtiri de ngaɗi tooru.
Suura 33 faa 40: No Muusaa yi'iri teddeengal Laamɗo de hokkaa jamirooje e no nyiɓiri Hukum Ceniiɗo.
Currently Selected:
Wurtagol Ko taweten ley mayre: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022