Josua Nuarin-tas alupas 19.
Nuarin-tas alupas 19.
1 Inpece u ilpu mapoi Simeon, 10 u ilpu mapoi Sebulun, 17 u ilpu mapoi Isakar, 24 u ilpu mapoi Eser, 32 u ilpu mapoi Naftalai, 40 u ilpu mapoi Tan, 49 Era alupai Josua nuarin nobohtan a nup Isreel.
1Is yetpan nitai asjaaicnaig sekunt irai ilpu mapoi Simeon, is idivaig ilpu eteuc ira ra: is eteuc nahaijin pece ura an nahaijin pece u ilpu mapoi Juta.
2Is eteuc an nahaijin pece ura, Bier-siba, im Siba, im Molata,
3im Hesar-Sual, im Bela, im Esem,
4im Eltolat, im Bidul, im Horma,
5im Siklac, im Bed-markabod, im Hesar-susa,
6im Bed-lebeod, im Saruhen; niji maliyum alupas is dirtiin im lep niji maliyum haklin iran:
7im Een, im Remmon, im Ider, im Esan; niji maliyum alupas is for im niji maliyum haklin iran:
8im niji maliyum haklin asega, is arehed irai maliyum alupas iji igki um yetpan Bealad-bier, tak idan Remad-Niceb. Nahaijin pece u ilpu mapoi Simeon nigki, et idivaig ilpu eteuc ira ra.
9Is eteuc nahaijin pece u ilpu mapoi Simeon, an nahaijin pece u ilpu mapoi Juta: is alupas acen nahaijin pece u ilpu mapoi Juta: va nitai inigki is eteuc nahaijin pece u ilpu mapoi Simeon an nahaijin pece ura.
10Is yetpan nitai asjaaicnaig dirt irai ilpu mapoi Sebulon, is idivaig ilpu eteuc ira ra; is yetpan Serit nahaijin pece ura:
11is apok nahaijin pece ura um yetpan Marala, um yetpan Tabased, um yetpan an nofowai ubutpotet pan Jokniam;
12is lep ahparehed Serit um ajujai an ridjai o un, um yetpan an nahaijin Kislod-tebor, um aridjipan Taberad, um yetpan Jafaia,
13is ahes eahki um ajujai um yetpan Citta-hifer, im Itta-kesin, um yetpan Remmon-medoar, im Nia;
14is ahparehed nahaijin Hanadon an nahaijin inig et ahes narutu iran: is lep yetpan an niskanse Jifda-el:
15im Katta, im Nahallal, im Simron, im Itala, im Bedlehem: niji maliyum alupas is twelv im niji maliyum haklin iran.
16Nahaijin pece u ilpu mapoi Sebulon nigki et idivaig ilpu eteuc ira ra, niji maliyum alupas iji igki im niji maliyum haklin iran.
17Is yetpan nitai asjaaicnaig ford irai ilpu mapoi Isakar, is idivaig ilpu eteuc ira ra.
18Is ahes Jesriil nahaijin pece ura, is eteuc iran Kisullod, im Sunem,
19im Hafreem, im Saihon, im Anaheerad,
20im Rabid, im Kision, im Ebes,
21im Remed, im En-cannim, im Enhatta, im Bed-pases;
22is yetpan Tebor nahaijin pece ura, im Sahasima, im Bed-simes; is lep yetpan Jortan nahaijin pece ura: niji maliyum alupas is sikstiin im niji maliyum haklin iran.
23Nahaijin pece u ilpu mapoi Isakar nigki, is idivaig ilpu eteuc ira ra, niji maliyum alupas im niji maliyum haklin iran.
24Is yetpan nitai asjaaicnaig fiftd irai ilpu mopoi Eser, is idivaig ilpu eteuc ira ra.
25Is eteuc an nahaijin pece ura Helkad, im Helai, im Biten, im Aksaf,
26im Alammelek, im Emat, im Miseal; is yetpan Karmel an nete o un, im lep Saihor-libnad;
27um ahparehed an ridjai o un um yetpan Bed-tecon, um yetpan Sebulon, im lep niskanse Jifda-el; is lep apan Bed-imek im Niaiel an nahaijin inig et ahes narutu iran, um yetpan Kebul an mauun,
28im Hibron, im Rihob, im Hamon, im Kena, um yetpan Saiton alupas;
29is lep ahparehed nahaijin pece um yetpan Rema, im inmaliyum emda Tairus; is lep ahparehed inuarin pece um yetpan Hosa; is lep yetpok an jap alupas ahes Hibel um yetpan Aksib:
30im lep Umma, im Efek, im Rihob: niji maliyum alupas is twente tu im niji maliyum haklin iran.
31Nahaijin pece u ilpu mapoi Eser nigki, is idivaig ilpu eteuc ira ra, niji maliyum alupas iji igki im niji maliyum haklin iran.
32Is yetpan nitai asjaaicnaig siksd irai ilpu mapoi Naftalai, ilpu mapoi Naftalai marom is idivaig ilpu eteuc ira ra.
33Is ahes nahaijin pece ura irai Hilef-melon um yetpan Seanan-nim, im Atamai, im Nikeb, im Jabniil, um yetpan Lekum; is lep yetpan Jortan:
34et lep ade nahaijin pece ura um yetpan Asnod-tebor, um ahes eahki um yetpan Hukkok, um yetpan Sebulon an nahaijin inig et ahes nuritoga iran, um yetpan Eser an nahaijin an nete o un, um yetpan Juta im Jortan an ridjai o un.
35Eris athatahau inmaliyum iji igki, nan, Sitim, im Ser, im Hamad, im Rakad, im Kinered,
36im Atama, im Rema, im Hesor,
37im Kites, im Etreai, im En-hesor,
38im Airon, im Mictal-el, im Horem, im Bed-enad im Bed-simes; niji maliyum alupas is naintiin im niji maliyum haklin iran.
39Nahaijin pece u ilpu mapoi Naftalai nigki, et idivaig ilpu eteuc ira ra, niji maliyum alupas im niji maliyum haklin iran.
40Is yetpan nitai asjaaicnaig sevend irai ilpu mapoi Tan, is idivaig ilpu eteuc ira ra.
41Nahaijin pece ura ji igki, nan, Sora, im Esteol, im Ir-simes,
42im Sealabbin, im Ajalon, im Jedla,
43im Ilon, im Dimnada, im Ekron,
44im Elteki, im Cibedon, im Bealad,
45im Jihut, im Beneberak, im Cad-rimmon,
46im Mijarkon, im Rakon, im lep inuarin pece ubutpotet pan Jefo.
47Is haklin nahaijin pece u ilpu mapoi Tan vai ra: va nitai inigki eris apan a ilpu mapoi Tan um ago nedoa Lisem, um atoraliak, um auud atimi iran an nedoa, um ohuun, um amen iran, um anvi nidai Lisem par ika Tan, nilpun nidai Tan etpora.
48Nahaijin pece u ilpu mapoi Tan nigki is idivaig ilpu eteuc ira ra, niji maliyum alupas iji igki im niji maliyum haklin iran.
49Eris ahaig ehni inpece mika eri ohuun ara um asjaaicnaig, ja eris par alupai Josua inhal u Nun nahaijin imi yin a nup Isreel:
50eris alupai yin inmaliyum iyehki is ugyi vaig aien, is idivaig intas o Ihova, Timnad-sira marom, an nedoon Ifreem: is athai eom eahki aien, um amen iran.
51Nahaiji pece ji igki, eris ahaig irai itai asjaaicnaig a Eliesar natimi ahlap, im Josua inhal u Nun, im ilpu atimi alupas esjilid irai up Isreel, an nuhup u Ihova Sailo, an neucse neom er asjapicnaig o un. Eris ahaig ehni inpece is uce ara.
Currently Selected:
Josua Nuarin-tas alupas 19.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)