Josua Nuarin-tas alupas 18.
Nuarin-tas alupas 18.
1 Era athai neom itap Sailo ara. 2 Era asuptecnaig nahaijin pece et eled ara, um ahaig irai uarin et seven. 10 Et ahaig a Josua irai itai asjaaicnaig. 11 Inpece u ilpu mapoi Benjamin im niji ehnin. 21 Niji maliyum ura.
1ERIS asjapicnaig Sailo a nup Isreel asega, um atijai neom atga eri asjapicnaig o un eahki. Eris esjilid an pece ara.
2Eris amen ehele nup Isreel natimi irai elcau is seven eris eti fi leh nahaijin pece imi ra.
3Is ika a Josua ehele nup Isreel, Eka a uri aijaua par eti fi auroauro um apan um ohuun inpece inig is alupai caua a Ihova Atua u ilpu retpomia?
4Akumu aniv natimi inyi eseij aijaua irai iji elcau asega; ekpu abrai ra ainyak, erupu apan ara, um atga an pece, um asuptecnaig vai niji uari pece eri ohuun ara; ja par lep adumoij pam ehelek.
5Erumu ahaig ara inyi lep seven inuarin iran: erumu amen a ilpu mapoi Juta an nahaijin pece ura an nuarin inig et ahes nuritoga iran, erumu lep amen a ilpu mapoi Josef an nahaijin pece ura an nuarin inig et ahes narutu iran.
6Akumu aged inpece aijaua inyi seven inuarin iran, um imiapam ehelek, mika ki ikni itai asjaaicnaig vai caua ainyak an nuhup u Ihova Atua uja.
7Ja eri eti leh nahaijin imi ra a ilpu mapoi Livai ehelemia, erumu ago nauritai u ilpu atimi ahlap ara vai Ihova: eris leh nahaijin pece imi ra a ilpu mapoi Cat, im ilpu mapoi Ruben, im nahaiji ilpu mapoi Manasi, an nahaijin Jortan igcapan an ridjai o un, is alupai ra a Moses naheca u Ihova.
8Eris atidai natimi iji ehki um atga ura: is asaig a Josua ehele ra sji ehki eris apan ara mika eri aged inpece, um ika, Apan um ahced inpece, um aged, um lep apam ehelek, mika ki ikni itai asjaaicnaig vai caua ainyak Sailo an nuhup u Ihova.
9Eris apan natimi iji ehki um ahced inpece, um aged an nitaasviitai nahaijin is seven, is idivaig niji maliyum iran, um lep apan ehele Josua an nuarin eris amen iran natimi Sailo.
10Is ikni itai asjaainaig vai ra a Josua an nuhup u Ihova Sailo: is ahaig inpece imi nup Isreel eahki a Josua, is idivaig niji elcau ura.
11Is yetpan nitai asjaaicnaig irai ilpu mapoi Benjamin, is idivaig ilpu eteuc ira ra: is eteuc nahaijin pece ura juju an niblan nahaijin u ilpu mapoi Juta im ilpu mapoi Josef.
12Is ahes Jortan nahaijin pece ura an nuarin inig et ahes narutu iran; is lep yetpan Jeriko an nahaijin iyehki um yetpan irai lola edoon an nete o un; is lep yetpan an namasacen Bed-even.
13Is lep ahes eahki um apan Lus, an nahaijin Lus inig et ahes nuritoga iran, tak idan Bedel; is lep asuol pan Atarod-etar, ubutpotet pan u nedoon et eteuc an nahaijin Bed-horon sepagko.
14Is lep ahes an nedoon et eteuc an nahaijin Bed-horon sepagko, an nuarin inig et ahes nuritoga iran um ahparehed nilpun jap inig et ahes nuritoga iran; um yetpan Kirjad-beal, tak idan Kirjad-jiarim, inmaliyum u nup u Juta: nilpun pece ura an nete o un nigki.
15Is ahes Kirjad-jiarim nahaijin pece ura inig et ahes nuritoga iran, um ade, um yetpan an nehpan wai Neftoa:
16is lep asuol pan nahaijin u nilpun nedoon iyehki, et eteuc ubutpotet pan niskanse Hinnom, an nahaijin niskanse u ilpu atimi actalactal an nuarin inig et ahes narutu iran, um asuol pan an niskanse Hinnom, um apan an nahaijin Jibus an nuarin inig et ahes nuritoga iran, um yetpan En-rocel,
17is lep ahes an nuarin inig et ahes narutu iran um yetpan En-simes, um lep yetpan Celilod ubutpotet pan nedoon Atummim, um asuol pan u inhat u Bohan mapoi Ruben,
18is lep apan an nahaijin inig et ahes narutu iran ubutpotet pan Araba, um asuol um yetpan Araba:
19is lep apan nahaijin pece an nahaijin Bed-hocla inig et ahes narutu iran: is lep yetpan an nafaiava an jap acen nilpun nigki et yahpok Jortan iran: nahaijin pece nigki an nuarin inig et ahes nuritoga iran.
20Is lep eteuc nofowai Jortan an nahaijin pece an ridjai o un. Nahaijin pece u ilpu mapoi Benjamin nigki, im niji uari pece arehed iran, et idivaig ilpu eteuc ira ra.
21Niji maliyum u ilpu mapoi Benjamin ji igki, et idivaig ilpu eteuc ira ra, nan, Jeriko, im Bed-hocla, im niskanse Kisis,
22im Bed-araba, im Semareem, im Bedel,
23im Evim, im Pera, im Ofra,
24im Kifar-heammone, im Ofnai, im Ceba; niji maliyum alupas et twelv im lep niji maliyum haklin iran:
25im Cibeon, im Rema, im Bii-rod,
26im Mispi, im Kifaira, im Mosa,
27im Rikem, im Irpiil, im Tarala,
28im Sila, im Ilef, im Jibus, tak idan Jerusalem, im Cibead, im Kir-jad; niji maliyum alupas et fortiin im niji maliyum haklin iran. Nahaijin pece u ilpu mapoi Benjamin nigki, et idivaig ilpu eteuc ira ra.
Currently Selected:
Josua Nuarin-tas alupas 18.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)