Ilpu Atimi Tas Alep Nuarin-tas alupas 5.
Nuarin-tas alupas 5.
Nohranitai u Tebora im Berak.
1ERUS acesaces nohranitai a Tebora im Berak, inhal u Abinoam an nadiat iyehki, um ika,
2Akumu imiahpas Ihova aijaua, et mun imiatamaig nup Isreel aien, eris wat auroauro natimi um asjapicnaig va nedoa.
3Ak ilpu atimarid, akumu atahaijeg aijaua; ak ilpu atimi alupas, akumu atgeig pam intikgamia aijaua; ekpu acesaces nohranitai vai Ihova ainyak, ainyak marom; ekpu imiahpas Ihova Atua u nup Isreel ainyak.
4Ak Ihova, as wat ahes an pece Sier aiek, as wat arehed an pece Itom aiek, is amaamai nobohtan, is ahes an nohatag incopda, is ahes ira apat incopda alupas.
5Is updak niji edoon an nuhup u Ihova, is updak Saine marom an nuhup u Ihova Atua u nup Isreel.
6An nopan umoh u Samcar inhal u Enad, an nopan umoh u Jeel, eris eti atga irai efalaig alupas natimi, eris atga ara irai efalaig an lelitai.
7Eris atiih a nup urai maliyum haklin, eris idim atiih ara an pece Isreel, um yetpan an nopan iyehki kis atidai ainyak Tebora, kis atidai ainyak um idivaig risi nup Isreel.
8Eris apitac ilpu atmas u nup urai pece ara; is eteuc nedoa um yetpan irai eucse athatahau ura: eris idim eti ecetai tah nitai ahtaipup ka tah inmopul ira atimi is forte dausant (40,000) u nup Isreel.
9Et aiyu inliinmopok ainyak vai ilpu atimi alupas u nup Isreel iji ig, eris auroauro ara um atau ira atimi va nedoa. Akumu imiahpas Ihova aijaua.
10Tas aijaua, eka ateuc irai togke ahi aijaua, eka lep ateuc aijaua um tas alep, im lep aijaua eka atga ubos irai efalaig aijaua.
11Natimi iji ig eris imiatamai ra vai inmotjai ilpu atimi apos efana irai uari athoi wai iran, erupu asuptecnaig eahki nedo atoh u Ihova, nedo atoh o un marom vai nup urai maliyum haklin an pece Isreel: an nopan iyehki erupu lep asuol sepan irai eucse athatahau a ilpu atimi u Ihova.
12Aiji lahlah aiek, namu aiji lahlah aiek, ak Tebora: aiji lahlah aiek, namu aiji lahlah aiek, um acesaces nohranitai: atidai aiek, ak Berak, um ika eri aheca unyum a ilpu atimi tak atimi iram, ak inhal u Abinoam.
13Is ika aien eri asjapicnaig ehelek nahaiji ilpu atimi alupas u atimi: is ika a Ihova eri asjapicnaig ehelek a ilpu atimi u Ihova.
14Eris ahes an nedoon Amalek a ilpu atimi emda, ilpu mapoi Ifreem marom; eris apitac atimi iji igki a ilpu mapoi Benjamin; eris ahes ehele ilpu mapoi Mekir um apam a ilpu atimi alupas vai ilpu eucsupo; eris lep ahes ehele ilpu mapoi Sebulun um apam a ilpu atimi esjilid um arapakau va nedoa.
15Eris ahced Tebora a ilpu atimi alupas u ilpu mapoi Isakar; eris atau irai Berak a ilpu mapoi Isakar, is wat atga ubos aien an niskanse.
16Eris tastas jipe a ilpu mapoi Ruben irai uari pece ura! eka a uri aijaua par amen irai irahed unyimia, um ahgei nilmu vaig u siip? Eris tastas jipe a ilpu mapoi Ruben irai uari pece ura!
17Eris amen an nahaijin Jortan igcapan a ilpu mapoi Cileat: eris a uri a ilpu mapoi Tan um amen irai elcau ura? eris amen an nohmunjap a ilpu mapoi Eser um atumop irai afaiava ura.
18Eris emda a ilpu mapoi Sebulun im ilpu mapoi Naftalai; eris ika ara eri emesmas ara irai iji uarin ijinies an pece, um eti imtitaig.
19Eris apam a ilpu atimarid, eris ati nedoa ara, eris ati nedoa a ilpu atimarid u nup u Kenan, eris ati nedoa ara Teanak ui wai Mecitto; ja eris eti atoraliak tah naga ara.
20Eris ati nedoa niji moijeuv, um aat ira ra; eris ati nedoa niji itai an nauanohatag, um ahau ra.
21Is auahas ra nofowai Kaison, is ahlaadaig nohura nofowai esjilid iyehki, nofowai Kaison marom! kis auwihi ilpu atimi emda ainyak, ainyak marom.
22Eris auahas nihinagai eduei hors ura, va nathut emda u ilpu eucsupo, eris athut emda ara an nahapan vaig ura.
23Is ika a nagelo o Ihova, Asan tas ahlaijaig vai inpece Miros, asan tas ahlaijaig emda vai nup uran pece iyehki; vaig inig nikavaig, eris eti ham ara par atau imi Ihova, par atau imi Ihova vai ilpu atimi emda.
24Etmu ahesmoij um esjilid irai ilpu takata et eche a Jeel ehgai Hiber nup u Kinai, etmu ahesmoij aien um esjilid irai ilpu takata irai eom atga.
25Is ugyi inwai a Sisera, ja is aluman nidenided a Jeel; is imiapan nidenided ipjin aien an nipjinitai esjilid.
26Is leh neel aien an mauun, is asjiraig hamer alupas aien an matan; is auud Sisera irai hamer aien, is auud nidjinin aien, is etcijiraig neel iyehki an hagamucid o un aien, is lep epit.
27Is asjeuc an neduon a Sisera, is asvachi aien; is asjeuc an neduei Jeel aien, is idim asvachi aien; is asjeuc aien, um mas.
28Is easpan an mun neom a risi Sisera, um taig, is ahlaig aien an nuarin neom o un, um ika, Et a uri jariot oun um eti fi apam? et a uri niji hors o un um ecrap?
29Eris tas ehelen a ilpu takata arapakau o un, maiya, is lep asaig ehelen a risin, um ika,
30Era mun eti esjilid ira ra ara, ka oʼo? era mun eti ahaig naga iyehki eris atoraliak ara, ka oʼo? natahig inyi ethi ka inyi ero imi atimi asega, athi um athi ehni, ja imi Sisera napelumai et acheiachei nago iran, napelumai et acheiachei nago iran eris ijei, napelumai et acheiachei nago iran eris ijei an na-haijin im lep an nahaijin, et tau irai ilpu atimi atoraliak itai an nedoa?
31Inyi uce uhmu auahas ehni ilpu atimi tak atimi iram asega, ak Ihova: ja erumu idivaig nagesega an naridjai upene o un a ilpu atimi iji ig et aiyu inliinmopora ara vai euc. Ja eris par apitac a nup uran pece um amen igpa irai mesese is forte.
Currently Selected:
Ilpu Atimi Tas Alep Nuarin-tas alupas 5.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)