Ilpu Atimi Tas Alep Nuarin-tas alupas 2.
Nuarin-tas alupas 2.
1 Et acaiji atimi a nagelo o Ihova Bokim. 6 Nauatatimi u ilpu atimi iji ig era isjeupigmoig Josua ara. 14 Nedemda u Atua im naiheuc o un vai ra. 20 Er udei nup u Kenan mika uhpu ato nedo u nup Isreel.
1IS ahes Cilcal a nagelo is ethi u Ihova, um aridjipan Bokim, um ika ehele nup Isreel, Et ika a Ihova, Kis iknipagki caua an pece Ijipt ainyak, um imiapam caua an pece inigki, kis asan tas aktit ainyak vaig ehele ilpu retpomia; kis lep ika ainyak, Inki eti atladwi intas etipup unyak ehelemia ainyak.
2Akumu jim asaig tah intas etipup aijaua ehele nup uran pece inigki; akumu auahas niji atau ura aijaua: ja eka mun eti imiaiji intas unyak aijaua: eka a uri aijaua um ago nedo inigki?
3Va nitai inigki kis ika ainyak, Inki eti ahlo pan ra ainyak an nuhup unyimia; ja erupu idivaig niji itai upunupun ira ahaijimia ara, erupu itai apro itai vai caua a ilpu atmas ura.
4Is wat asan tas iji igki ehele nup Isreel asega a nagelo o Ihova iyehki, eris ehtigtaig alupas natimi.
5Eris anvi nidan nuarin iyehki ara par ika Bokim (Nuarin ehtigtaig): eris ahlap irai iji itai ahlap vai Ihova eahki ara.
6Is wat adcijaig atimi a Josua, eris apan a nup Isreel irai umara asega, athi um athi ehni, mika eri ohuun inpece ara.
7Eris aheca u Ihova natimi an nopan asega is umoh a Josua, im lep an nopan asega u ilpu atimi alupas eris umumoh ara is wat mas a Josua, eris ecetai ara niji auritai alupas asega u Ihova, is ago aien vai up Isreel.
8Is mas a Josua inhal u Nun, naheca u Ihova, is eteuc inmesese is wun huntret im ten iran.
9Eris atelmoi yin ara an nehni nuarin nobohtan o un Timnad-sira, an nedoon Ifreem, an nahaijin nedoon Ceas inig et ahes narutu iran.
10Eris lep asjapicnaig ehele ilpu retpora ilpu atimi asega an nopan iyehki, ja eris lep apitac um asjeupigmoig ra a ilpu atimi is eche, eris eti ato Ihova ara, im lep niji auritai o un is ago aien vai nup Isreel.
11Eris ago nedo has an nuhup u Ihova a nup Isreel, um aheca u ilpu atmas:
12eris atidjirai rai Ihova Atua u ilpu retpora ara, is iknipagki ra an pece Ijipt aien, um apitac ilpu atmas, ilpu atmas marom u nup urai pece eris arehed ira ra ara, um atpuse an nuhup ura, um auahas inliinmopoi Ihova mika yi edemda vai ra.
13Eris atidjira irai Ihova ara, um aheca u Beal um Astarod.
14Is edemda alupas vai nup Isreel a Ihova, is atcijai ra aien irai ikmai ilpu atimi atoraliak itai, eris atoraliak itai ura ara, is lep ahtai ra aien irai ikmai ilpu atimi tak atimi ira ra marehed mihtag, va nitai inigki is ehka vai ra par lep aiji an nuhup u ilpu atimi tak atimi ira ra.
15Is aat ira ra a Ihova irai iji uarin asega eris apan iran ara, eris lep amen has ara vaig, is idivaig is asaig a Ihova, um lep idivaig is asan tas aktit a Ihova ehele ra: is alupas nohocred ura.
16Ja is ikni ilpu atimi tas alep a Ihova, eris imiatamai ra ara vai ilpu atimi iji ehki eris atoraliak itai ura ara.
17Ja eris eti atahaijeg intas o ilpu atimi tas alep ura ara, ja eris ahnag ara, um apitac irai ilpu atmas, um atpuse an nuhup ura: eris auroauro ara um atcijaig nefalaig inig eris atga iran a ilpu atmil ura, an nimiaiji intas alep u Ihova vaig ura; ja is eti uce nedo ura.
18Is wat ikni ilpu atimi tas alep vai ra a Ihova, is atau irai natimi tas alep a Ihova, um imiatamai ra vai ikmai ilpu atimi tak atimi ira ra an nopan umoh asega u natimi tas alep: vaig inig nikavaig, is adumoij an liinmopon a Ihova vai nehtigtaig ura, va nedo o atimi iji ig eris ehcerucai ra ara um ehtipidai ra.
19Ja is wat mas tah natimi tas alep, eris adumoij pan ara, um ago nedo has, um esjilid irai ilpu retpora, eris apitac irai ilpu atmas ara, um aheca ura, um atpuse an nuhup ura; eris eti atcijaig nedo maumau ura im nefalaig acalacal ura.
20Is alupas nedemda u Ihova vai nup Isreel; is ika aien, Vaig inig nikavaig, era mun atladwi intas etipup unyak natimi iji ig kis tas alep vaig ainyak ehele ilpu retpora, um eti atahaijeg intas unyak;
21inki eti lep ahlo pan an nuhup ura ainyak tah irai up urai pece iji ig is udei ra a Josua an mas o un:
22mika ki ato nedo o nup Isreel vai ra ainyak, kit eri aminjinaig nefalaig u Ihova ara mika eri atga iran, et idivaig eris aminjinaig a ilpu atmil ura, ka oʼo.
23Va nitai inigki is udei nup urai pece iji igki a Ihova, jam eti fi auroauro um ahlo pan ra; is eti lep atcijai ra an nikmai Josua.
Currently Selected:
Ilpu Atimi Tas Alep Nuarin-tas alupas 2.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)