Ilpu Atimi Tas Alep Nuarin-tas alupas 17.
Nuarin-tas alupas 17.
1 Et ahneg mune u risin a Maika, ja par imiadumoij pan ehelen, et ago atmasimai iran a risin. 5 Is ago niji itai yecrei ra a Maika. 7 Et alupai mapoi Livai is ethi nimtan aien mika yi atimi ahlap vai yin.
1IS amen an nedoon Ifreem a natimi is ethi, nidan Maika.
2Is ika aien ehele risin, Et amen ehelek niji sikel irai silver et eleven huntret (1,100) eris ehnegitai vai euc, as lep asan tas ahlaijaig vaig aiek, um tas vaig ehelek; kis leh ainyak. Is ika ehelen a risin, Namu ahesmoij irai Ihova aiek, ak inhal unyak.
3Is wat imiadumoij pan niji sikel irai silver is eleven huntret (1,100) ehele risin aien, is ika a risin, Kis ati inveijec silver iyehki ainyak imi Ihova an nikmak vai inhal unyak, mika yi ago natmasimai auud ugnyit im natmasimai hat aien: va nitai inigki inki imiadumoij pan ehelum ainyak.
4Ja is imiadumoij pan mune iyehki ehele risin aien; is lep leh niji sikel irai silver is tu huntret (200) aien, um alupai natimi amarero, is ago iran aien natmasimai auud ugnyit im natmasimai hat: erus amen arau an nimnim u Maika.
5Is eteuc neom atmasimai irai natimi iyehki, Maika marom, is ago efot aien im nalmu itai, um ati inhal o un is ethi, mika yi atimi ahlap vai yin.
6An nopan iyehki is eti eteuc tah natimarid an pece Isreel, eris ago nedo inig is upene an nesganimtara natimi asega, athi um athi ehni.
7Is eteuc intakuras is ethi an maliyum Bedlehem-juta, is mapoi Livai aien, is mapoi Juta a risin, is lep amen eahki aien.
8Is udei inmaliyum Bedlehem-juta a natimi iyehki, mika yi amen an nuarin inig etpu ecetai aien: is wat atga aien, is yetpan an nedoon Ifreem aien an nimnim u Maika.
9Is ika ehelen a Maika, Na ahes eda aiek? Is ika aien ehele Maika, Ek mapoi Livai ainyak im nup u Bedlehem-juta, ek lep atga ainyak mika ki ahilek ainyak nuarin amen iran unyak.
10Is ika ehelen a Maika, Namu amen ehelek aiek, mika an etmak aiek im natimi ahlap vai nyak, ekpu alupai euc sikel irai silver inyi ten irai iji mesese, im napelumai inyi ethi par aso euc asega iran, im nitai caig incam. Is apan anliin a mapoi Livai.
11Is upene vai mapoi Livai par amen ehele natimi iyehki; is idivaig tah irai ilpu halav atamaig o un a intakuras iyehki.
12Is imiitap mapoi Livai iyehki a Maika; is atimi ahlap vai yin a intakuras, um amen an nimnim u Maika.
13Is um ika a Maika, Ek ato ainyak an nopan inig mika yi ago nedo upene vai nyak a Ihova, vaig inig nikavaig, et mapoi Livai a natimi ahlap vai nyak.
Currently Selected:
Ilpu Atimi Tas Alep Nuarin-tas alupas 17.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)