Tyuteronome Nuarin-tas alupas 29.
Nuarin-tas alupas 29.
1 Et ahugni ra a Moses mika eri imiaiji intas o Atua, um imiehva niji auritai o un eris ecetai ara. 10 Era ehcohos ara asega an nuhup u Ihova mika eri asan tas etipup o un ara. 18 Neruvaig esjilid etpu yetpan iran et imiaiji nedo has o un aien. 29 Et amen ehele Atua niji itai adenaig.
1INTAS an tas etipup ji igki is asaig a Ihova ehele Moses, mika yi asuptecnaig aien ehele nup Isreel an pece Moab, ja is eche intas etipup iyehki is asaig aien ehele ra an nedoon Horeb.
2Is asjapicnaig nup Isreel asega a Moses, um ika ehele ra, Akis almoi nedo asega u Ihova aijaua vai Fero an nuhup unyimia an pece Ijipt, im lep irai ilpu aheca o un, im lep an pece asega o un;
3nedo ahilek inliinmopoi atimi akis ecetai aijaua, im niji itai asjaaicnaig, im nedo emda:
4ja is eti alupai caua inliinmopomia ato itai a Ihova, im nesganimtamia par alum itai, im intikgamia par atahaijeg itai, um imihum pam an nopan inig.
5Kis atau iramia ainyak an namasacen irai mesese is forte: ja et eti mohtan napelumai unyimia, um eti mutit incetpoi eduomia.
6Akis eti caig nareto aijaua, um eti umnyi waina im kava: va akupu ato aijaua mika ek Atua unyimia ainyak Ihova.
7Akis wat ham igcaki aijaua, is apam um ago nedoa vai caija a Saihon natimarid an pece Hesbon, im Oc natimarid an pece Besan, ja intis atgei rau akaija:
8intis atoraliak inpece urau akaija, um alupai ilpu mapoi Ruben mika eri ohuun ara, im ilpu mapoi Cat, im nahaiji ilpu mapoi Manasi.
9Akumu apos intas etipup inigki aijaua, um imiaiji, va akupu amen upene aijaua.
10Eka aiji aijaua asega an nadiat inigki an nuhup u Ihova Atua unyimia; ilpu atimi alupas irai iji elcau unyimia, im ilpu atimi tas alep unyimia, im ilpu atimi atauai unyimia, im nup Isreel asega,
11im ilpu hal unyimia, im ilpu ehgamia, im nup urai taka uarin era amen ehelemia ara, im lep ilpu atimi arecai im ilpu atimi athoi wai:
12mika aki atahaijeg intas etipup u Ihova Atua unyimia aijaua, im intas asig yi aktit inig, et asaig ehelemia a Ihova Atua unyimia an nadiat inigki:
13va etpu ikni caua aien an nadiat inigki mika aki ilpu atimi o un aijaua, etpu lep Atua unyimia aien, et idivaig is asaig ehele ehtaij retpomia aien, ehele Ebraham, im Aisak, im Jekob.
14Ek eti asan tas etipup inigki ainyak, im intas asig yi aktit inigki, ehelemia ache ainyak;
15ja ehele ra era amen igcaki eheleija an nadiat inigki an nuhup u Ihova Atua uja, im lep ra era eti amen igcaki eheleija an nadiat inigki:
16(Eka ato aijaua namen uja an pece Ijipt; im natga uja irai pece iji ehki akis ahtaregdei aijaua;
17akis lep almoi nedo has ura aijaua, im natmasimai ura, irai cai, im inhat, im silver, im colt, is amen ehele ra:)
18vai yi jim amen ehelemia tah natamaig, ka tah intakata, ka tah ilpu atemetan, ka tah nelcau, et adumoij pan inliinmopon aien an nadiat inig vai Ihova Atua uja, par apan um aheca u ilpu atmas u nup urai pece iji ehki; vai yi jim eteuc ehelemia tah neucvan et apos nohwai itai acen im nitai inmas vaig;
19etu wit atahaijeg intas ahlaijaig inigki aien, etpu asan tas upene inliinmopon vai yin aien, um ika, Ekpu amen igpa ainyak, jam ago nitai merit u inliinmopok, um ahvig kava ja par umnyi:
20inyi eti udei yin a Ihova, ja etpu alupas intavaitap u Ihova, im nedemda o un vai natimi iyehki, etpu lep amen iran nohocred asega eris aged an nitaasviitai inigki, etpu lep atipagki nidan an nobohtan a Ihova.
21Etpu ati yin a Ihova mika yi eche aien irai iji elcau u nup Isreel, um aru iran et idivaig nohocred asega eris aged an nitaasviitai inigki vai intas alep:
22va erupu almoi niji itai has an pece im nemehe is atijai iran a Ihova a ilpu mapomia, im nup urai taka uarin erupu ahes itac acen ara;
23um almoi mika et erekwas inpece asega, um moho an jap, im incap: er eti ahwai itai iran, et eti eteuc nohwai itai iran, et eti ededel nefelelicai iran, et idivaig nauahas vaig u Sotom, im Comora, im Atma, im Siboem, is auahas a Ihova an nedemda o un im intavaitap o un:
24erupu ika a nup urai iji pece asega, Is ago nedo inigki a Ihova an pece inigki vanhe? er atavaitap alupas vanhe?
25Erupu asuptecnaig natimi, um ika, Eris imipalea intas etipup u Ihova Atua u ilpu retpora ara, is asaig ehele ra aien an nopan iyehki is iknipagki ra aien an pece Ijipt:
26eris apan ara um aheca u ilpu atmas u nup urai iji pece, eris eti upyi ato ra ara, is eti alupai ra aien:
27is edemda a Ihova vai inpece inigki, um ati iran nohocred asega eris aged an nitaasviitai inigki:
28is iknipagki ra a Ihova an pece ura an tavaitap o un, im nedemda, im nehniv esjilid, um erekhaig pan ra an pece et eche, et idivaig an nopan inig.
29Et amen ehele Ihova Atua uja niji itai adenaig: ja et amen niji itai er ato eheleija im lep ehele ilpu mapja irai iji mesese, vai tupu imiaiji intas alep iji igki asega akaija.
Currently Selected:
Tyuteronome Nuarin-tas alupas 29.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)