Tyuteronome Nuarin-tas alupas 27.
Nuarin-tas alupas 27.
1 Er tas alep ehele atimi mika eri aged niji tas alep irai hat, 5 um actaig natau irai hat er eti ates. 11 Er atiakoai ilpu eteuc ira ra an nedoon Cerisim im nedoon Ibal. 14 Niji tas ahlaijaig er asaig an nedoon Ibal.
1IS tas a Moses im ilpu atimi alupas u nup Isreel ehele atimi, um ika, Akumu apos intas alep asega iji igki aijaua ek asaig ehelemia ainyak an nadiat inigki.
2Aku wit algaunyi Jortan aijaua, um apan an pece et alupai caua a Ihova Atua unyimia, akumu actai hat alupas aijaua, um aspi an nubrei:
3um aged iran intas asega an tas alep inigki, aku wit algaunyi aijaua, va akupu yetpan an pece et alupai caua a Ihova Atua unyimia, inpece et ohua nidenided im hune iran; et idivaig is upyi asaig ehelemia a Ihova Atua u ilpu retpomia.
4Aku wit algaunyi Jortan aijaua, akumu actai hat iji igki aijaua, ek mun tas vaig ainyak an nadiat inigki an lolan nedoon Ibal, um aspi an nubrei.
5Namu lep actaig nefata aiek eahki vai Ihova Atua unyum, nefata irai hat: um jim ago an tah hamer iran.
6Namu actaig natau vai Ihova Atua unyum aiek irai tup hat er eti ates: um ahlap iran irai iji itai ahlap er atnamud vai Ihova Atua unyum:
7namu ahlap eahki aiek irai iji itai ahlap naaurinig, um hag um cediaig, an nuhup u Ihova Atua unyum.
8Namu lep aged upene aiek irai hat iji ehki intas asega an tas alep inigki.
9Is tas a Moses im ilpu atimi ahlap ilpu mapoi Livai ehele nup Isreel asega, um ika, Aminjinaig caua, ak nup Isreel, um atahaijeg; eka ilpu atimi u Ihova Atua unyimia aijaua an nadiat inigki.
10Va nitai inigki akumu atahaijeg nohrai Ihova Atua unyimia aijaua, um imiaiji intas o un im intas alep o un, ek asaig ehelemia ainyak an nadiat inigki.
11Is lep tas a Moses ehele atimi an nadiat iyehki, um ika,
12Aku wit algaunyi Jortan aijaua, erumu aiji an lolan nedoon Cerisim ara sji igki, par asan tas acis yi alwai atimi; nan, ilpu mapoi Simeon, im ilpu mapoi Livai, im ilpu mapoi Juta, im ilpu mapoi Isakar, im ilpu mapoi Josef, im ilpu mapoi Benjamin:
13erumu lep aiji ara sji igki an lolan nedoon Ibal, um asan tas ahlaijaig atimi; nan, ilpu mapoi Ruben, im ilpu mapoi Cat, im ilpu mapoi Eser, im ilpu mapoi Sebulun, im ilpu mapoi Tan, im ilpu mapoi Naftalai.
14Erumu efehtas a ilpu mapoi Livai, um ika ehele nup Isreel asega,
15Uhmu ahlaijaig natimi inig et ago natmasimai er ucsei, ka natmasimai hat, et amcel vaig a Ihova, nauritai ira atimi amarero, um ati an nuarin adenaig. Erumu lep tas natimi asega, um ika, Emen.
16Uhmu ahlaijaig natimi inig et amcel aien vai etman ka risin. Erumu lep ika natimi asega, Emen.
17Uhmu ahlaijai yin et atipagki nitai asjaaicnaig nuarin nobohtan u etwan aien. Erumu lep ika natimi asega, Emen.
18Uhmu ahlaijai yin et imiahnag ilpu atimi apat nesganimtara aien. Erumu lep ika natimi asega, Emen.
19Uhmu ahlaijai yin et tas alep has aien vai nup urai taka pece, im ilpu umnij, im ilpu takata eris emesmas a ilpu atamnyu ura. Erumu lep ika natimi asega, Emen.
20Uhmu ahlaijai yin et amen ehele ehgai etman aien; is upyi amen ehelen a etman. Erumu lep ika natimi asega, Emen.
21Uhmu ahlaijai yin et amen aien ehelen tah nitai eklim edo irai pece. Erumu lep ika natimi asega, Emen.
22Uhmu ahlaijai yin et amen aien ehele natahig iran, inhalav atahig u etman, ka inhalav atahig u risin. Erumu lep ika natimi asega, Emen.
23Uhmu ahlaijai yin et amen aien ehele risi ehgan. Erumu lep ika natimi asega, Emen.
24Uhmu ahlaijai yin et auud etwan aien um adenaig. Erumu lep ika natimi asega, Emen.
25Uhmu ahlaijai yin et lucsei nimtan aien par atgei natimi upene. Erumu lep ika natimi asega, Emen.
26Uhmu ahlaijai yin et eti imiaiji intas asega aien an tas alep inigki. Erumu lep ika natimi asega, Emen.
Currently Selected:
Tyuteronome Nuarin-tas alupas 27.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)