Tyuteronome Nuarin-tas alupas 13.
Nuarin-tas alupas 13.
1 Er idim ika eri asji irai hat atimi iji ig era oop atimi ara mika eri ago nedo apat, 6 el era ilpu atimi ehpan ira ra, eri jim itai vai ra. 12 Eri jim lep itai vai nup urai maliyum iji ig era ago nedo apat ara.
1EL et atidai an nuhup unyimia tah naprofeta, ka tah natimi umjeg ahnag, um ehvaig ehelemia tah nitai asjaaicnaig ka tah nitai imiali,
2el et ehneijid nitai asjaaicnaig iyehki, ka nitai imiali iyehki, is tas vaig ehelemia aien, um ika, Intumu apitac ilpu atmas irai up urai pece akaija, akis eti ato ra aijaua, um aheca ura;
3akumu jim atahaijeg intas o naprofeta iyehki aijaua, im natimi umjeg ahnag iyehki: et ahilek inliinmopomia a Ihova Atua unyimia par ato, kit et aiyu inliinmopomia aijaua vai Ihova Atua unyimia an liinmopomia asega, im naktaktai asega unyimia.
4Akumu apitac Ihova Atua unyimia aijaua, um imtitai yin, um apos intas alep o un, um imiaiji nohran, akumu lep aheca o un aijaua, um apol iran.
5Ja uhmu atgei naprofeta iyehki, ka natimi umjeg ahnag iyehki; is idim tas aien par imiadumoij caua ehele Ihova Atua unyimia, is iknipagki caua aien an pece Ijipt, um imiatamaig caua an nuarin auaraheca unyimia, par lep imiahnag caua an nefalaig inig is asaig a Ihova Atua unyimia mika aki atga iran aijaua. Akumu atipagki nitai has iramia aijaua.
6El et imiahnag caua an nedo efaifa a etwam, inhal u risum, ka inhalav atamaig unyum, ka inhalav atahig unyum, ka ehgam an ritum, ka napa unyum, et aiyu inliinmopom aiek vai yin, um ika, Intumu apan akaija um aheca u ilpu atmas u nup urai pece, akis eti ato ra aijaua, im lep ilpu retpomia;
7ilpu atmas marom u nup urai pece arehed iramia, um ubutpotet pan ehelemia, ka itac acen vai caua, an nobohtan asega um arehed mihtag;
8namu jim imiaiji intas o un aiek, um jim atahaijeg intas o un; namu jim aiheuc vai yin aiek, um jim imiaras yin, um jim adenai yin:
9namu atgei yin aiek; namu uhup aiek um atijai nikmam iran par atgei yin, ja par apitac nikmai atimi asega.
10Namu asji yin irai hat aiek, mika yi mas aien; is ika aien yi imiadumoij euc ehele Ihova Atua unyimia is iknipagki caua aien an pece Ijipt, im inuarin auaraheca unyimia iran.
11Erupu atahaijeg a nup Isreel asega, um imtitaig, um eti lep ago tah nedo has et idivaig inig ehelemia.
12El et atahaijeg an tah maliyum unyum, is alupai euc a Ihova Atua unyum par amen iran, mika,
13eris udei caua nahaiji atimi, ilpu atimi auatatimi, um imiahnag nup an maliyum ura, um ika, Intumu apan akaija um aheca u ilpu atmas u nup urai pece, akis eti ato ra aijaua;
14namu ahodaig aiek, um ahilek, um ahodaig upene; el et inveijec, el er lep ato upene, mika eris ago nitai has inigki ehelemia;
15akumu auud nup an maliyum iyehki aijaua an nedoa, um auahas ehni inmaliyum, im niji itai asega iran, im niji itai eklim edo irai pece iran irai ij va atimi.
16Akumu asjapicnaig inpadiaig asega iran aijaua an nefalaig iran, um atnamud inmaliyum iyehki an cap, im lep inpadiaig asega iran vai Ihova Atua unyimia: inyi uarin has ache irai iji mesese; uhmu jim lep ago neom iran.
17Etmu jim apol an nikmamia tah nitai has iran: va etpu lep eropse inliinmopoi Ihova, um ago nedo upene vai caua, um aiheuc vai caua, um ika eri ahes ehelemia natimi inyi ahinag, et idivaig is asaig ehele ilpu retpomia aien;
18aku wit atahaijeg nohrai Ihova Atua unyimia aijaua, um apos intas alep o un ek asaig ehelemia ainyak an nadiat inigki, mika aki ago nedo atoh aijaua an nuhup u Ihova Atua unyimia.
Currently Selected:
Tyuteronome Nuarin-tas alupas 13.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)