Zakaliya 9
9
Nyambi ya Ngula ukushushula bamalamo ba Yunda
1 #
Isha 17:1-3; Yel 49:23-27. #Isha 23:1-18; Yowe 3:4-8; Mat 11:21-22; Luka 10:13-14. Lizu lya Nyambi ya Ngula likulwisha litunga lya Handilaki,
kami likakuma naku munzi wa Ndamashika.
Ndaba muntu ukapenza hali Nyambi ya Ngula,
ngonehe mishobo ya Ishalela ya penza hahendi.
2Na munzi wa Hamati, uya walitabwila nginza na Handalaki,
naniwo kami wenga wendi.
Hamo na minzi ya Tile na Shindoni na bantu bawutungu bekalamo.
3Munzi wa Tile unatende shipata sha ku shuma,
kami unabungiki shiliva yayingi ngonehi limvu,
na ngolinde yayingi ngonehe ndoba yamu mikwakwa.
4Ngoboni monenu taha,
mwene ukabayangula wuheti wabo na kuwu yumbila mu liwate,
pe niye ukahokeshiwa na mundilo.
5 #
Isha 14:29-31; Yel 47:1-7; Yowe 3:4-8. Baka Ashikeloni bakashimona, pe bakatina,
lukena lwa Ngaza kami, lukakanka shikuma na kwikala na mutentu,
na Ekiloni kami ukakanka, ndaba kulumbeza kwendi kukamana.
Lukena lwa Ngaza lukayawa mwene walwo,
pe munzi wa Ashikiloni ukashala wakubula bantu.
6Mapukwenda bakazika mu Ashindondi,
pe kami nikamanisha kulilundumika kwa Fwilishitiya.
7 #
2Sha 5:6-10; 1Bya 11:4-5. Bafwako kami kukalya nyama na mukeza wayo,
hinge byakulya nimwabyo bya kanishiwa.
Pe mashaliza nimwabo bakenga bantu bami,
bakafutuka kwinga lupashi lwa Yunda.
Pe nabo kami Baekiloni bakafweka ngo Bayembushi#9:7 Bayembushi; Bantu bakutatika baya bekalilenga mu Yelushalema, oho Ndavita apukwile liya litunga, pe bengile bantu bendi..
8Niho nikalama litala lyami,
ngayi kukabule banzita ba kupitangako,
Mukakubalyatilila kuka bayandisha kami ufwako,
ndaba haya nikabalama amimwine.
Mwene ukalela kumbili
9 #
Mat 21:5; Yowa 12:15. Obe mwana wa mbuyama wa Ziyoni, wahilila shikuma!
Obe mwana wa mbuyama wa Yelushalema, wulumwina tunkelenkele!
Mona mwene yobe ulinakwiza kukwobe,
wakwoloka, uli na kupulwisha,
wakubomba hinga akandama ha mbongolo,
mbongolo wamushe, mwana mbongolo.
10 #
Nyi 72:8. Nikashepesha makoloyi a Efulemu,
na bambishi mu Yelushalema,
na bipando bya mukunzi bikapokozoka.
Pe ukabilika ku mwena ku matunga,
wene wendi ukabalika ku liwate kukakuma kami ku liwate lyamina,
ku balika ku mushinzi kutwala na kwakumina hanci.
11 #
Kut 24:5-8. Nehi boni enu kami, ndaba ya kulimama kwami nanenu kwa mukeza,
nikafumisha bantapwa benu mu liteke lya kubula mema.
12Enu batuyili bakakulumbeza, bokenu ku bipata byenu bya ku shuma,
nikubilika ngayi, lelo, nikabweshela kukwenu kabili.
13Nikakonteka Yunda ngo nehi shipando sha mukunzi,
kami natende Efulemu ngo muvwi wakuyakaho.
Nikatumeza bana bobe babalume, obe Ziyoni,
ngayi bakalwishe Bangilishi, nikabenga mukwale wa kanzita wangovu.
14Niho Nyambi ya Ngula ukabaholokela,
na muvwi wendi ukapita ngo lumuni lwa mvula.
Mwene Nyambi ya Ngula ukashiba mpandula,
pe ukendela mu nkuli yaku mabukubuku,
15Nyambi wa Makunge ukabalama,
pe bakabalobesha na kulyatangila bamalamo babo aba bapuhanga mamanya na malekeni,
Bakanwa mukeza wabo ngo muntu ukunwa waine,
bakenzala ngonehe lwenzalanga lulonga na mukeza,
waku myanzila ku zinkomi za kaala.
16Ha mutena uyo Nyambi ya Ngula Nyambi yabo ukabapulwisha,
ndaba bantu bendi, banafweke ngo bambelele.
Bakabyazima mu litunga lyabo,
ngonehe mamanya a ndando yayinene.
17Litunga likenga lyaliwahe shikuma,
byakulya bya mpeka bikashumisha bandumbana,
pe waine yayipya yikashumisha batunkanga.
Currently Selected:
Zakaliya 9: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
