Zakaliya 10
10
Nyambi ya Ngula ukukulupisha kulamwina
1Nyepenu Nyambi ya Ngula ngayi alokeshe mvula.
Nyambi ya Ngula, niye watendanga makumbi a mvula.
Niye walokeshanga mvula ku muntu nimwendi,
na kumbuto nimwayo ya mu mafuba.
2Ndaba tunankishi twa mu matala, twambanga byowa,
bakakwawula bamonanga bya mahalo,
kami bambanga milo ya mahalo.
Babengezekanga na mazu a kubula kuyavwa.
Nohobene, bantu ba kuyebangila ngo bambelele,
bakuyandishiwa, ndaba ya kubula mulishani.
3Nyambi ya Ngula ukwamba ngayi, “Ninapilamini shikuma balishani,
pe nikashushula bakakutwaminina.
Ndaba Nyambi wa Makunge,
ukalama litanga lyendi, baka litala lya Yunda.
Nikabenga ngonehe akeyukanga mbishi mu nzita.”
4Kuli Yunda niko kukafuma limanya lya mu nkomi,
kukafuma mpimpi yaku ntanda,
kukafuma shipando sha mukunzi sha nzita,
niko kukafuma mukakutwaminina nimwendi.
5Nimwabo bakenga ngo balume ba kukanca mu nzita,
ba kulyatangila bamalamo babo mu lukungu lwamu mikwakwa.
Ndaba Nyambi ya Ngula ukekala nabo,
pe bakayuvwisha lisheni baya bakakandama ha bambishi.
6Nikashumisha litala lya Yunda,
na kupulwisha litala lya Yoshefwa.
Nikababwesha, ndaba nili na nceshe hahabo,
bakamoneka ngo kaliha nabakanine,
ndaba Ami Nyambi ya Ngula Nyambi yabo,
pe nikaba kumbula.
7Baefulemu, bakenga ngo banzita ba kukanca,
kami mitima yabo yikawahilila ngo bantu bananu waine.
Bana babo bakashimona bakawahilila,
mitima yabo yikawahilila muli Nyambi ya Ngula.
8Nikabashibila mulozi na ku bawanika hamo,
ndaba naba kulizi, kami bakenga babengi ngonehe bekalile mwaka.
9Hinge ngayi na bapanzanishilile ku matunga ashenge,
ngoboni hinge kuyo ku matunga akwakutali, bakanyanuka.
Nohobene, nibo na bana babo bakapuluka, pe bakaboka.
10Nikabafumisha ku Engepita na kubabwesha ku kwabo,
nikaba kungula na kubafumisha ku Ashiliya,
na kubabwesha ku litunga lya Ngiliyande na Lembanoni,
kutwala noho bakenzala mu litunga nimwalyo.
11Bakapita mu liwate lya makando#10:11 Liwate lya makando: Hinge ngayi Liwate lya Engepita.,
pe mankanyi a liwate akakomiwa,
na mampunga a mushinzi wa Nayilo akayuma.
Kutangala kwa Ashiliya kukashepa
na muwana wa ngovu za Engepita ukaloba.
12Nikabashumisha muli Nyambi ya Ngula,
kami bakenda mu lizina lyendi,
eshe nisho akwamba Nyambi ya Ngula.
Currently Selected:
Zakaliya 10: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
