Zakaliya 7
7
Nyambi ya Ngula ukunyanca kuzila kulya kwa shishweka
1Oho mwene Ndaliyashi, ekalile myaka yinaa ha wene, ha mutena wawunaa mu ngonda ya Kishilevi,#7:1 Kishilevi: Mu Shihebelu, mu shinkoya niye ngonda wa Nkwishi. lizu lya Nyambi ya Ngula lyezile kuli Zakaliya.
2Haya bantu ba ku Mbetele batumine Shaleza na Lengemu Meleki na bantu babo, kuya na kulomba mfuywezi kuli Nyambi ya Ngula. 3Bayipwile bakankombela bamu Litala lya Nyambi wa Makunge na bamiluwe ngayi, “Kati nikutwesha kulila na kuzila kulya ha ngonda wa mutanu ngonehe natendelenga ku myaka nimwayo ndi?”
4Lizu lya Nyambi ya Ngula, lyezile kukwami ngayi, 5“Tongweza bantu nimwabo bamu litunga na bakankombela ngayi, oho mwalilile na kuzila kulya, mu ngonda wa mutanu na wa mutanu na zibili, mu myaka eye 70, kati mwazililenga kulya ndaba ya nami ndi? 6Oho mwalyanga, hinge oho mwa nwanga, kati kaliha mwa lyanga enu bamwine kami mwa nwanga enu bamwine ndi? 7Kati kaliha niwo mazu ambile Nyambi ya Ngula, mu bamiluwe bakutatika ndi, oho Yelushalema na minzi yamuzinguluka oho yekalile mu ku mwena na kutangama, pe kami, ku mabukubuku na muzimbuwa nimwamo namu binkanda, oho mwekalile ku mwena?”
8Niho lizu lya Nyambi ya Ngula lyezile kami kuli Zakaliya ngayi, 9“Eshe nisho akwamba Nyambi wa Makunge ngayi, ‘Yatenu mu kupwisha na kwikala na nceshe na shikeketima ku umo na wamina. 10Hinga mulyatilila bamfwile na banginga na mapukwenda hinge ba kushepwa. Mu mitima yenu, hinga muhanganikila byabibi ku umo na wamina.’”
11Ngoboni bakanine kuyuvwilila, balifutwile binkwange na kulizika mu matu, ngayi hinga bayuvwa. 12Bafutukile babakalu mitima ngo mamanya, pe kaliha bayuvwilile ku mazu, hinge ku byambo ebye atumine na Moyo wendi muli bamiluwe bendi aba bekalileko mwaka. Nohobene Nyambi wa Makunge wapilamine shikuma.
13Oho nehaninenga, pe kaliha banyuvwilenga. Nanibo kami behanine kukwami, kaliha nabayuvwile. Eshe nisho anamba Nyambi wa Makunge. 14Niho nabapanzanishile na kakundukundu, mukati ka matunga aya babula kulimuka. Niho bashiyile litunga ngo lipembe, kwakubula nou wakwizamo hinge kufumamo, pe elye litunga lyaliwahe, lya shalile ninkayalyo mwakubula muntu wakwikalamo.
Currently Selected:
Zakaliya 7: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
