Zakaliya 6
6
Shimono sha Makoloyi anaa
1Niho kami nayimbwile meho wami, pe namonene makoloyi anaa kumbili yami afuminina mukati ka mapili abili, awa mapili engile a lubemba. 2Koloyi ya kutatika yekalile na bambishi ba kufubila, ya wubili yekalile na bambishi ba ku shipa, 3#Kuh 6:2. ya wuhatu yekalile na bambishi ba kutuba naya wunaa yekalile na bambishi ba kubalanga. Nimwao engile akushuma. 4Niho nambile ku lingeloyi elye nambilenga nendi ngayi, “Kati ebye binengi bishini obe hekulyami?”
5 #
Kuh 7:1. Lingeloyi lyankumbwile ngayi, “Eye yinengi myoyo yinaa ya kuyilu, yikufuma ku mwanya oku yemananga ku meho a mwene wahano hanci nimwaho.”
6Koloyi yekalile na bambishi ba kushipa bapenzeshele ku litunga lya ku ncelele, pe koloyi ya bambishi ba kutuba yapenzeshele ku litunga lya ku mponci na koloyi ya bambishi ya kubalanga lyapenzeshele ku litunga lya ku mabukubuku. 7Oho bambishi ba kushuma batutikile bashingile kuya na kupita hanci nimwaho. Pe wambile ngayi, “Yenunga na kupita hano hanci.” Niho bapitile hano hanci nimwaho. 8Niho anyihanine ngayi, “Monenu, obo bakuya ku ncelele bakatulumanisha mutima wami mu litunga lya ku ncelele.”
Ndayano za kuvwika Yoshuwa munana
9Niho lizu lya Nyambi ya Ngula lyezile kukwami ngayi, 10kashimbe Helindayi na Tombiya na Yendaya bantapwa aba banafumu ku Mbambiloniya, pe wowo mutena umo uye ku litala lya Yoshiya, mwana Zefwaniya. 11Ukashimbe kukwabo shiliva na ngolinde, pe utendeho munana na kuwu yaka ku mutwe wa Yoshuwa, mwana Yehozandaki, Mukulwane wa bakankombela nimwabo, 12#Yel 23:5; 33:15; Zaka 3:8. pe wambe kukwendi ngayi, Nyambi wa Makunge unamba nehi ngayi, monenu kuno kuli mulume ukutumbiwa ngayi Mwahi, ndaba ukakula mu mwanya wendi, kami ukakula mu mwanya wendi, ukazika Litala lya Nyambi ya Ngula. 13Ou niye ukazika Litala lya Nyambi ya Ngula, pe ukatambula maleema a wene, kami ukekala ha litanda lyendi na kulela. Ukenga mukankombela ha litanda lyendi, pe wubili wabo kukekala kuliyuvwa na ku mwena mukati kabo. 14Kami munana ukekala mu Litala lya Nyambi ya Ngula kwinga shanukisho kuli Helemu na Tombiya na Yendaya hamo na Yoshiya#6:14 Yoshiya: Lizina limina niye Heni mwana Zefwaniya.
15Bantu obo bekala kwakutali bakeza mu kuyavwa kuzika Litala lya Nyambi ya Ngula, niho mukalimuke ngayi Nyambi wa Makunge niye nantumu kukwenu. Eshe shikatendiwa, ndi mukwombatala shiwahe lizu lya Nyambi ya Ngula, Nyambi yenu.
Currently Selected:
Zakaliya 6: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
