Zakaliya 5
5
Shimono sha kutuka kwa libuka lya kuzenga
1Niho nayimbwile meho wami kami, pe namonene libuka lya kuzenga lya kutuka. 2Lingeloyi lyanyipwile ngayi, “Unamono bishini?” Nakumbwile ngayi, “Namono libuka likutuka, wutali walyo wengile mamita mutanu na anaa, kami mu lupati walyo wengile mamita anaa na shitika.” 3Niho antongwezele ngayi, “Eshe nisho shikuto shikwiza ha litunga nimwalyo, ndaba muntu ou ukuyiba ukafumishiwa kwezekesha naneshe shatikitiwa kumbalila yimina, kami nimwendi ukubeza bya mahalo, ukafumishiwa kwezekesha nanebye byatikitiwa na mbalila yimina.” 4Nyambi wa Makunge ukwamba ngayi, “Nikatuma shikuto osho shikengina mu litala lya mwizi na mu litala lya muntu nimwendi ukubeza lizina lyami bya mahalo, pe shikuto eshe shikekala mu litala muyo na kulobesha nimwabyo bilimo, bishimi hamo na mamanya.”
Shimono sha mbuyama uli mu shibondo
5Niho Lingeloyi liya nambilenga nalyo lyahenyenene kukwami, pe lyambile kukwami ngayi, “Yimbula meho wobe umone shiyo shili na kwiza.” 6Pe nepwile ngayi, “Shinengi shumangani?” Wakumbwile ngayi, “Ntumba ya kupimina.” Niho ambile ngayi, “Ou niwo wubi wa bantu mu litunga nimwalyo.” 7Monenu, bafukulwile muhuko waku ntumba, pe mu ntumba mwekalile mbuyama! 8Lingeloyi niho lyambile ngayi, “Oku nikwo Kuluwa,” Kami niho lyamunyekekele mu shibondo nakufwikako muhuko wakwo. 9Niho nayimbwile meho wami, pe namonene bambuyama babili hibeza! Bekalile na mpepo mu mbando zabo, ndaba bekalile na mbando ngo za kanyange, pe niho bakatwile ntumba mukati ka hano hanci na muyilu.
10Niho nepwile Lingeloyi olyo nambilenga nalyo ngayi, “Kati bali na kutwala kuti ntumba?” 11Lingeloyi lyankumbwile ngayi, “Ku litunga lya Mbambiloniya,#5:11 Mbambiloniya: Hinge ngayi Shini. niko bakayitendela litala, oho litala likamana kutendiwa, nimo eze bakatakamike iya ntumba.”
Currently Selected:
Zakaliya 5: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
