Malila 5
5
Lilombelo lya nceshe
1Obe Nyambi ya Ngula anuka biya binatendiwi kukwetu.
Penza, pe mona kuyeneshiwa kwetu.
2Likona lyetu linapanikiwi ku bayeni,
bakakwenda bali na kwikala mu matala wetu.
3Bakankole banazihi batatizetu,
pe bamandizetu bengakale bamfwile.
4Tunafwanini kuyumbila mema tukunwa,
pe tunafwanini kulanda nkuni.
5Bali na kutuyandisha shikuma,
tunakwanga ngoboni kutwitabilisha
kukwanguluka bafwako.
6Ha kuwana byakulya byabingi,
twayile na kunyepa ku Engepita naku Ashiliya.
7Bankakazetu batendele wubi,
ngoboni nimwabo banafu,
haya tuli na kuyandilamo ndaba ya wubi wabo.
8Bandungo bali na kutulela,
pe kowa hinge umo wakutulamwina
mu maboko wabo.
9Ndaba ya bamalamo betu,
myoyo yetu yili mu kampwe,
oho tukuya mukushingashinga byakulya mu libelelengwa.
10Nzala yinatuletele wulweli wa mashikashika,
pe na shitembe shikutukuma ngonehe mundilo.
11Bamalamo betu banakandamiki kulala bakazi na batunkanga,
mu minzi ya Yunda naha lipili lya Ziyoni.
12Bantwamina betu banabatwala mu kubakoleka,
pe batukulukazi betu bafwako kubapana maleema.
13Bandumbana bali na kubakandamika kutwa ngonehe bandungo,
batwanuke babalume bali na kupalyangila na miziho yayilemu ya nkuni.
14Bakulwane nabo banalehesho
kwikala ku bikungulukilo bya mu lukena,
pe bandumbana banalehesho kwimbila.
15Ku wahilila kunafumu mu mitima yetu,
pe kulila niko kunahingi mu mwanya wakushinda.
16Kowa shuma shinashalaho kubiya twaliyemezele nabyo.
Twabipishile, haya twalobakale.
17Tulinakukola ku mitima,
pe kutwesha ku mona tufwako ndaba ya mihozi.
18Ndaba Lipili lya Ziyoni lili mu lipembe,
pe bamimbwe nibo bali na kwendelamo.
19Ngoboni obe Nyambi ya Ngula,
wenga mwene mwaya myaka.
Ukalela mwaya myaka.
20Shuma ngani unatushiyili shikati shashitali,
Kati wufwako kukatwanuka kami ndi?
21Nyambi ya Ngula tubweshele kukwobe,
pe tukaboka.
Tubweshele kami wuwahe wetu wa mwaka.
22Hinge unatukaninini bene ndi?
Kati kowa aha ha kumina kupilama kwobe ndi?
Currently Selected:
Malila 5: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
